الحلقة 31 - الجزء الثالث

وقفنا الحلقة إللى فاتت عند أما

ملك كانت فـ شغلها وجالها إتصال من ياسمين
ملك: أيوه يا ياسمينه ؟
ياسمين : إلحقيني يا ملك أنا بولد ومحى مسافر إلحقيني بمووت ... !
وقفت ملك بفزع : طيب طيب يا حبيبتي أنا جايالك حالاً تماسكي وثوانى وهكون عندك إن شاء الله

خرجت ملك بسرعه شاورت لأى تاكسى وإتصلت بالإسعاف ،و إدتلهم العنوان ...

وصلت وكانت ياسمين خلصانه وبتصرخ من الألم لبّستها أى حاجه ،، وصلت الإسعاف ، ركبت معاها و راحوا ع المستشفى بسرعه ،، وبالفعل كانت حالة ولاده ، إتصلت ملك بخالتها ومحمد وعرّفتهم بالخبر ، كمان كلّمت محى ،،كان على الطريق وبسرعه لف ورجع تانى .....

دخّلوا ياسمين أوضة العمليات وملك وخالتها مستنيين بره وبيدعولها ربنا يحفظها هى وطفلها

أم ملك كلمتها وطمنتها ملك وهى بتحمد ربنا إنها سابت حمزه وحفصه عندها إنهارده وإلا كانت إحتارت بيهم مع ياسمين !
وبعد قلق وترقب إتطمنوا .... ياسمين ولدت والحمدلله كويسه هى وطفلها

خرجت الممرضه بالطفل ، أول واحده شالته هى خالته ملك ، تأملته وعنيها دمّعت :')) ، قبّلت راسه وهى بتقول : نورت يا حبيب خالتك
إتناولته منها جدته بلهفه :')) : ضمته وبكت مش مصدقه إنها شايله إبن ياسمين بين إيديها ، قربت منها ملك وقبّلت راسها : مبروك يا تيته

وإذا بـ محى داخل ومش قادر ياخد نَفسه من الجرى ،، أول ما وصل سأل : ياسمين كويسه ؟؟؟!

ملك : الحمدلله بخير بس هيخرّجوها بعد شويه إن شاء الله

أول ما شاف حماته شايله الطفل وقف بياخد نَفسه وهو مبتسم أوووى ^_____^ ،،، إبتسمت حماته ونولتهوله : يتربّي فـ عزك يا حبيبي :')) ،

مسكه وهو مش مصدق إنه خلاص بالفعل بقى أب مش مصدق إن إبنه حتّه منه بين إيديه ، إبتسم والدمعه فـ عيونه :')) ، قرب من ودنه وبدأ الآذان وصوته ممزوج بدموع الفرحه :'))

ياسمين فاقت الحمدلله وخرّجوها فـ أوضتها ، وأول ما شافت محى داخل بالمولود إبتسمت

قبّلت ملك راسها : حمدلله على سلامتك يا روح قلبي
ياسمين بوهن : الله يسلمك يا حبيبتي
أم ياسمين : مبرروووك يا قلب أمك ، يتربّي فـ عزكم يا حبيبتي
ياسمين : ربنا ما يحرمنى منك ابدااا يا أمى
أم ياسمين : ولايحرمنى منك يا نور عيني
قرّب محى قبّل راسها وهمس : انا اسف يا روح قلبي إنى ماكنتش معاكى فـ لحظة زى دى سامحيني
ياسمين : ولايهمك يا حبيبي المهم إنك هنا معانا
محى : بس ماكنتش أعرف إنك بتحبيني أووى كده عشان الواد يجي نسخه منى
ياسمين : هههههه إنت لسه عارف دلوقتى يعني يا أبومالك
ملك : ما شاء الله هتسموه مالك ؟
ياسمين : أيوه إحنا متفقين لو بنت هتتسمى ملك ولد يبقى مالك على إسم خالتو ملك بقي
قربت ملك وطبعت قبله على خدها : يـــا قلبي إنتييي

بعد ساعه كان الكل حاضر فـ المستشفى عشان يتطمنوا على ياسمين ♥ ، وعمر ولميس ركبوا أول طياره لـ مصر عشان يشوفوا الأستاذ مالك ^_^ ♥
~~~~~~~~~~~~~~~~~~~~~~~~~~~~~~~~~~~~~~~

مروان ولوجين شالوا مالك وهم فرحانين ♥ بيعدوا الأيام لولادة لوجين ومتشوقيين اووى يشيلوا طفلهم بين إيديهم ^_^ ♥

كِندا قررت تزور مصر عشان ياسمين واحشاها وكمان عشان تشوف مالك ^_^ ♥

عمر ولميس فرحواا اووى لمحى وياسمين ، لميس شالت مالك و فـ عنيها دموع الفرحه والامل والشوق إنها تشيل طفلها هى وعمر :’))

قرب منها عمر وهمس : عقبالنا يا روح قلبي ♥ ^_^
لميس : اللهم آمين ^_^ ♥

وصلت كِندا وكانت مفاجأه لياسمين إللى أول ما شافتها ضمتها بدموع عنيها :'(

ياسمين أصرت كِندا تجيب شنطها من الفندق وتقعد عندها.. وقد كان ، فضلت موجوده هى وأم ياسمين عندها فـ البيت وملك من وقت للتانى بتمر عليهم ابتسامة

عملوا حفله لسبوع مالك والفرحه ماليه قلوب الجميع ^_^ ♥

~~~~~~~~~~~~~~~~~~~~~~~~~~~~~~~~~

ذكرى زواج ملك ومحمد الخامسه قرّبت ومحمد مقرر السنه دى يفجرلها مفاجأه لا تتخيلها يا سلام!

وملك كمان بتستعد لعمل مفاجأه من بتوعها وقررت من ضمن أفكارها هتغش فكرة لوجين بتاعة البلالين احلى ابتسامة

عشان تعمل حاجه مختلفه السنه دى

محمد بيجهز مفاجئة ملك من قبلها بشهوور متشوق أوووى يشوف فرحتها بمفاجئته ^_^ وماسك نفسه بالعافيه لحسن يستعجل ويقولها وتضيع كل الترتيبات باضحك

كِندا ودّعت ملك وياسمين ووعدتهم هتجي مره تانيه إن شاء الله ومشيوا معاها على نفس الطياره عمر ولميس ابتسامة

محمود ومروه إلى حد ما أخدوا على بعض ، ومحمود ماكنش متخيل هيفرح بخطوبته كده ولا كان متخيل إن مروه هتخطف قلبه بسرعه ويعيش الاحاسيس دى ^_^ ،، بل بقى متشوق ليوم فرحهم كمان ^_^ ♥ ~

ومروه قالتله إن فيه مفاجأه محضرهاله هيستلمها منها إن شاء الله يوم كتب الكتاب يا سلام!
.
حب ساره فـ قلب مهند زاد أووى بعد الجواز ^_^ ، وهى بترضيه وتحاول تعوضه عن كل إللى فات كمان برّها بأمه كبرها فـ نظره وزود حبها فـ قلبه اكتر ، ومنتظرين سوا ثمرة حبهم طفلهم إللي هيجي وينور حياتهم ^_^

وجه يوم ذكرى زواج ملك ومحمد ، والحمدلله محمد قدر يخلّص تجهيز المفاجأه قبلها بيوم بالضبط (Y)

وملك كانت بتفكر فـ طريقه تبعده بيها عن البيت بس هو ريحها من التفكير وقالها إنه هيتأخر عشان عنده مشوار ضرورى
وأول ما مشى بدأت زى النحله تجهز الترتيبات إللى متعوده تعملها فـ أيام هتعملها فـ يوم واحد

خايفه ماتلحقش ، رتبت البيت وعملت الأكل والحلويات اللى جهزتهم من بالليل ، ورن جرس الباب كانت كرستين طالعه لملك بالبلالين أصل ملك إستعانت بصديق فـ نفخ البلالين احلى ابتسامة

قعدت معاها كرستين وشالتلها حمزه وحفصه عشان ما تتعطلش
وأخيييراً جهزت كل حاجه ، وكلمت محمد تسأله عن ميعاد رجوعه قال إن قدامه ساعتين ونص بالضبط وهيكون فـ البيت إن شاء الله ~

نزلت كرستين وسابت ملك تجهز ... وقبل ما تنزل ملك شكرتها أوى على وقفتها جنبها

نيّمت حمزه وحفصه ودخلت لبست فستان فرحها ، فردت شعرها وإتمكيجت ،بصت فـ الساعه وكان باقى ربع ساعه بالضبط تممت فيهم على كل حاجه وحطت اللمسات الأخيره

ومحمد فـ طريقه للبيت وكله شوق يشوف فرحة ملك لحظة ماتشوف المفاجئه

وأخييراً وصل ^_^ ، دخل العماره وطالع طيران على السلم ^_^ ، فتح الباب وإبتسم بإنبهار ^_^

أرضية الصاله مليانه بلالين بشكل مبهج وملك قاعده فـ النص فستانها مفرود ع الأرض وحاطه الطرحه على وشها ^_^

وقف محمد بيتأملها بفرحه وفـ إيديه بوكيه الورد وهديه متغلّفه ^_^
وقف لـ لحظات رجعته خمس سنين ، رجّعته لأول يوم دخل فيه البيت ده وملك فـ إيديه ^_^

إفتكر ملامحها فـ اليوم ده إللى عمره ماهينساها أبداً ، نظرة عنيها ، إبتسامتها الخجوله ، كل نظره وكل كلمه إتقالت ^_^

قرّب منها ، قعد ع الأرض جنبها ورفع الطرحه عن وشها ،قبّل راسها :* ، إبتسمت ^_^ : كل عام وإنت حبيبي ^_^
رد : كل عام وإنتي جنّتي يا أجمل وأرق وأرقى من رأت عيني ♥ ^_^ إيه الحلاوه دى بس ما شاء الله تبارك الله ، أنا بجد بحسد نفسي عشان عندى زوجه زيك ^_^ ربنا مايحرمنى منك أبداً يا عمرى ♥
ملك : ولايحرمنى منك أبداً يا حبيبي ^_^
محمد : جميله أووى فكرة البلالين السنه دى عامله بهجه ^_^ ، دايماً بتفرّحى قلبي بـ مفاجآتك يا حبيبتي ^_^
ملك : إللى بيحب حد بيتفنن فـ الطرق عشان يسعده وانا مش بحبك بس ، أنا بتنفس حبك ♥ حبك بيجري فـ عروقى ومش متخيله حياتى لحظة من غيرك ♥ ^_^

محمد : بعشقـــك يا ملك روحى ♥
ملك : وأنا بعشق حروف إسمك ^_^

إدالها الورد ،، وحانت اللحظه الحاسمه

محمد : ممممم السنه دى المفاجأه مختلفه تماماً ها مستعده لتحملها يا سلام! ؟؟!!
ملك : ممم متشوقه اووى مش مستعده بس ^_^ ، بس من قبل ما أشوفها أبسط الحاجات منك بتسعدنى حتى لو بس كلمه ، يكفيني كلمة بحبك منك وإللى قلبي أول ما بيسمعها بيرقص من الفرحه أهه دى عندى بالدنيا ^_^ ♥
قبّل محمد إيديها وهو بيبتسم وناولها الهديه ومترقب وملك بتفتح الغلاف
وأول ما فتحته بصت لمحمد بزهول لا مش معقول
رجعت بصت لإسم رواياتها وإسمها تحتها منور غلاف الكتاب ^_^ ،، بتحاول تستوعب : مـ محمد إيه ده مخضوضة ??!!
محمد : أصلي يا ستى من يوم ما عرفت حبيبتي وأنا نفسي أوووى أنا أول واحد يحققلها حلمها ، وصراحه هى تستحق الحلم ده عن جداره وكنت بحاول كل السنين إللى فاتت أجهزلها المفاجأه دى ^_^ ،كل سنه تتكنسل لأسباب ملهاش لازمه بس السنه دى صممت أكتر عشان نفسى أشوف فرحة تحقيق الحلم ساكنه فـ عيون حبيبتي ^_^ مبروك روايتك الجديده يا قلبي ^_^ ♥
ملك لسه باصه لمحمد بزهول مخضوضة

بصت للكتاب تحسسته بإيديها ♥ ، وغمضت عنيها -_-

إفتكرت نفسها طفله بتكتب أول قصه فـ حياتها ، جريت على باباها، سامعه صوت طفولتها فـ ودنها : بابا بابا شفت قصتى الجديده ^_^
أبوها : وريني يا روح بابا ^_^
قراها وقال : الله شفتى يا مايسه بنتى بتكتب حلو إزاى ممتازه يا حبيبة قلب بابا ، بس عاوز المره الجايه تكتبي قصه أكبر من كده عشان بحب كلامك ده وبحب اقراه ^_^
ملك : حاضر يا بابا وعارف بقى ^_^
أبوها : قولى يا روحى
ملك : أنا لما أكبر هكتب كتييير كتيير كتييير ويبقى عندى كتب زى إللى بتشتريهالى كده والناس كلها تقرا وتقول ملك دى بنت شاطوره أوى ^_^
أبوها : إن شاء الله يا حبيبة قلب بابا انا واثق إنك هتكونى كاتبه متميزه وكتبك أحسن من كل إللى قريتلهم كمان ^_^

لسه فاكره لمعة عنيها وهى بتوعده وتوعد طفولتها إنها هتحقق الحلم ده ^_^ ، لسه فاكره حضن أبوها ليها فـ اليوم ده وكلامه وتشجيعه :’)

فاكره كل روايه كتبتها ، ولما كانت فـ المدرسه تكتب الروايه وتجمع صحابها تحكيهالهم ، شايفه المشهد قصادها وسامعه بودنها كل كلمه شجعتها وكل كلمه أحبطتها ، وكل مره عاهدت فيها طفولتها إنها تحقق حلمها ^_^ ، أهه دلوقتى وبعد السنين دى كلها شايله حلمها بين إيديها ، شايله أول كتاب يحمل إسمها وكلماتها ^_^

فتحت عيونها وبصت لمحمد وإنسابت دموعها :'( ،، إبتسملها ^_^ إترمت فـ حضنه وإتفتحت فـ العياط :'(

محمد: فيه إيه يا حبيبتي أنا عملت المفاجأه عشان افرحك مش عشان أشوف دموعك :’(
ملك : دى دموع فرحه يا روح قلبي ♥ :'( ،محمد إنت إنهارده حققتلى حلمى عارف يعني إيه ؟؟!! أنا طفولتى ممتنه ليك ، أنا مش عارفه اقولك ايه والله مالاقيه كلمه تتقال فـ حقك ♥ :'(

ضمها لحضنه أوووى وهو فرحان لفرحتها ♥ :’))

محمد : خلاص بقى يا روحى مش عاوز دموع أبداً ^_^

قوّمها وهو بيمسح دموعها ، طبع قبله على راسها :*
إبتسمت ومسكته من إيديه للسفره عشان يتعشوا ، خلصوا أكل وهى لسه بتتأمل ملامحه وحاسه إنها عايشه فـ حلم بريئة يا بيه !

إفتكرت الفتره إللى فاتت وإهتمام محمد برواياتها لأول مره وإفتكرت إنه طلب منها فـ يوم تعمل الروايه فـ شكل كتاب تكتب مقدمه وخاتمه وإهداء كمان بحجة إنه حابب يعيش رواياتها كإنه بيقرا كتاب وأهه دلوقتى فسّرت كل إللى فات ...كان بيجهزلها المفاجأه دى ^_^

مش عارفه تعمل إيه عشان تسعده ، ملك شايفه إن ربنا بيحبها عشان رزقها بزوج زى محمد رددت فـ سرها : يــا رب هو أنا طيبه أووى كده عشان رزقتنى بالإنسان إللى أشبه بالملاك ده :'(

أحمدك يـــا رب ♥ ^_^

وبدأت وهى بتتأمله تدعيله فـ سرّها ^_^ ، خلصوا وشالها لأوضتهم

ملك : مممم صراحه دلوقتى هديتى ملهاش لازمه قصاد هديتك

محمد : هو فعلاً الهديه ملهاش لازمه يا روحى لإنى مش محتاج هدايا كفايه عندى إنتى أجمل هديه ليا فـ الدنيا وماظنش ممكن تجيلي هديه أجمل ولا اشيك ولا ارق ولا أطعم ولا ألذ من كده ^_^
ملك : أطعم وألذملخبطة ! تعالى كُلنى يا محمد
محمد: إفتكرى إن إنتى اللى قلتى هه
ملك : هههههههه
إتناولت الهديه : إتفضل يا سيدى

وكانت بِرفيوم من النوع إللى محمد بيحبه وطقم جديد عجبه جداً وشكرها وهو فرحاان أوووى ^_^

فضلوا يسترجعوا سوا ذكرياتهم وكعادة كل سنه عملوا جلسة إعترافات صفوا فيها كل إللى حصل فـ السنه إللى فاتت عشان يبدأوا من جديد ^_^

إتوضوا عشان يودعوا عامهم الخامس ويبدأوا السادس زى ما بدأوا الاول بركعتين لله ^_^

دعى محمد من قلبه وهى بتأمن على دعائه فـ خشوع وتضرع لله ♥ :'))
دخلوا يناموا ومحمد ضاممها من ضهرها ، إتناولت الكتاب بصتله تانى وتأملت إسمها ضمته فـ حضنها وغمضت عنيها ^_^ ♥

ضمته زى عادتها وهى طفله كل ما تكتب حاجه جديده وتعجب أبوها وأمها تنام وهى حطاها فـ حضنها ^_^
بس المره دى مختلفه المره دى هى لامسه حلمها بإيديها ~ ^_^ ♥

وهى ضامه حلمها رددت (( اللهم لك الحمد كله وإليك يرجع الأمر كله ، علانيته وسره ، فحق أنت أن تُعبد وحق أنت أن تُحمد وأنت على كل شئٍ قدير )) ^_^

~~~~~~~~~~~~~~~~~~~~~~~~~~~~~~~

تانى يوم محمد أخد ملك والولاد فسحهم وأخدها على أكتر من مكتبه موجود فيها كتابها ^_^ وهى بتتفرج والفرحه مش سيعاها ^_^
أخدت نسخة من الروايه وراحت عند أهلها ، دخلت لباباها

ساب الورق إللى فـ إيديه : يا هلا يا هلا بملك قلبي أنا ^_^
ملك : ^_^ وحشتني أوى يا حبيبي ، وحشتني من يجي 10 سنين كده

بصلها وهو مش فاهم ام العريف !!

ملك : هههههه ما تبصليش البصه دى ،، فاكر لما كنت طفله 10 سنين ودخلتلك وكنت قاعد كده وبتقرا فـ ورق برده ، دخلتلك ومعايا اول قصه كتبتها فـ حياتى فاكر يومها قولتلك إيه ^_^ ؟!!

قولتلك بالضبط ((أنا لما أكبر هكتب كتييير كتيير كتييير ويبقى عندى كتب زى إللى بتشتريهالى كده والناس كلها تقرا وتقول ملك دى بنت شاطوره أوى))

إتفضل أنا إنهارده جيبالك حلمى تشوفه بنفسك :'( وإنهارده مش جيبالك قصه تقرهالى وتشجعنى بكلامك أنا إنهارده جيبالك وعد الطفله ملك :’))

مسك الكتاب من إيديها وهو مزهول مستفاجأة

ملك : محمد عملى روايتى فكتاب هدية :’))
شكراً على كلمة شجعتنى بيها يا أعظم أب فـ الدنيا وشكراً لإنك قبلت محمد يكون زوج ليا ^_^ ♥
ضمها أبوها وهو فرحان لفرحتها أووووى :’))
خرجوا يقعدوا مع الباقيين بره وكلهم فرحانين لفرحة ملك بكتابها ^_^ ♥

وقبل ما ملك ومحمد يمشوا نده أبوها على محمد ، فسبقته ملك للعربيه

محمد : خير يا عمى ؟
بصله والدموع فت عنيه :'( :شكراً لإنك كنت راجل وأد وعدك ليا ، شكراً لإنك صُنت بنتى وفرّحت قلبها :')) ♥
محمد: أنا إللى عاوز أشكر حضرتك عشان ربيت بنت زيها وكمان عشان وافقت إنها تكون زوجتى :'))

ضمه حماه وهو فرحان أووى عشان بنته ♥ :'))

~~~~~~~~~~~~~~~~~~~~~~~~~~~~~~~~~~

مرت الأيام وكتاب ملك محقق نجاح مبهر الحمدلله ^_^
وكل ما تلاقى ناس كتير بتشّكر فـ الروايه وتحس بفرحه من قلبها بجد على طول تروّح تتوضى وتصلى ركعتين شكر لله ♥ :’))

حمزه وحفصه خلاص تموا سنتين ^_^ ومحمد من قبل ما يجي يوم ميلادهم منبه مفيش حفلات لاعندهم ولا عند جدهم قبل ما حماه يجهز أى حفلات ورغم كده برده لما راحوا يزوروا أهل ملك بعد يوم الميلاد أبوها جاب تورته وعملّهم حفله صغيره على أدّهم فـ البيت احلى ابتسامة وهو بيقولهم محدش له دعوه بإللى بعمله مع أحفادى حتى أبوهم وأمهم برده محدش يتدخل احلى ابتسامة
وملك بتبص لـ محمد وبتضحك على عصبيته وإنه مش قادر ينطق >.<

وفـ يوم ملك كانت فـ المطبخ بتجهز الغدا لحد ما محمد يرجع وكالعاده حمزه وحفصه بيلعبوا بره وكل شويه تطلع تبص عليهم ، مندمجه فـ الطبخ وفجأه سمعت حمزه بيقول حاجه مش مفهومه ،، خرجت بره وإتفاجئت أول ما سمعته