الحلقة 22 - الجزء الثالث

مرت الأيام وأخيييراً حمزه وحفصه تموا سنه ، وقفت ملك جنب سريرهم و تأملتهم وهى بتبتسم ،،غمضت عنيها، إفتكرت لحظة ما عرفت خبر حملها فيهم وردة فعل محمد لما عرف ،، إفتكرت لحظة ولادتها والألم إللى حست بيه وفتحت عنيها على إيد محمد ضامّاها من ضهرها وقبله حانيه طبعها على خدها

محمد: الجميل سرحان فـ إيه ?

ملك : سرحت فـ حمزه وحفصه مش مصدقه إنهم كملوا سنه إنهارده ، سرحت تحديداً فـ لحظة ولادتهم :'))

محمد: ده كان حتة يوووم ، عمرى ما هنساه متعلم عليا فـ اليوم ده وإذا كنت ناسى افكرك هه ههههههههههههه

ملك: ههههههههههههههههه حرام عليك إنت كل شويه تفكرنى حزينة

محمد: إنتى عارفه إنى بهزر يا روحى ، أى ألم فـ الدنيا يهون عشانك

ملك : ربنا ما يحرمنى منك يا نبض قلبي ، شايف شكلهم ما شاء الله يفرح القلب إزاى

محمد: ربنا يحفظهم ويقدرنا على تربيتهم أحسن تربيه يا روح قلبي

ملك: يــــا رب ، صحيح ما تنساش حفلة جدو مجدى لحسن يعلقنا

محمد: إستغفر الله العظيم بتفكريني ليه ، ماتكلميه تانى يا ملك وقوليله بلاش ما اهه يوم ميلادهم مر زى الفل من غير حفلات حصلت حاجه يعنى ؟؟!!

ملك: خلاص بقى يا محمد ماتضيعش فرحته بيهم يا حبيبي معلش

محمد: خلاص يا روحى ، بس عمى بيحب العيال دى بشكل مش طبيعي ، لدرجة ممكن يخسر حضرتك عشانهم

ملك: هههههههههههههه فعلاً بيحيبهم بشكل غريب ربنا يباركلنا فيهم ويحبب فيهم خلقه كمان وكمان يااا رب

محمد: يااااا رب

ملك وهى بتقفل الباب : تعالى بقى نكمل كلام بره لحسن يصحوا

محمد : هتبدأى إمته إن شاء الله الشغل الجديد ؟

ملك : يا سلام يا سلام مش كنا رافضين اى شغل هه اشمعنه المره دى متحمسين اووى كده !

محمد : طبعاااً رافض أى شغل كنت ومازلت الموضوع هنا مختلف تماماً، وماينفعش تكونى بتنفعى غيرك من المسلمين بعلمك وأنا أرفض يا حبيبتي !!!

إبتسمت ملك وطبعت قبله على خده
~~~~~~~~~~~~~~~~~~~~~~~~~~~~~~~~~

لميس عايشه فـ سعاده حقيقية مع عمر

بعد ما الفرح خلص قضوا يومين فـ الفندق بعدين ، سافروا لشهر العسل ومن هناك راحوا على بيتهم فـ دبى

عمر بيسمحلها تحضر الندوات والمؤتمرات زى ما كانت بل وبيشجعها عشان تتقدم أكتر فـ نجاحاتها وهى بتحاول على أد ما تقدر ما تقصرش أبداً ولا تخلى شغلها يأثر على بيتها

وعمر بيجهزلها مفاجأه ، بدأ فـ التنفيذ وقريب إن شاء الله هيفاجئها

طبعاً ياسمين حياتها إتبدلت 180 درجه من ألم ووجع لسعاده وفرح وحياه بتتنفس حب

بعد ما رجعوا من شهر العسل محى إشترى شقه فـ نفس عمارتهم وقرر يفتحتها عياده ودى أول مره من يوم ما إتخرج تكونله عياده خاصه بيه

وياسمين عمها مجدى عرض عليها تشتغل معاهم فـ الشركه لو بتدور على شغل ولقت محى معندهوش مشكله وقالها هيشجعها فـ أى قرار هتاخده

والحمدلله إستلمت المهندسه ياسمين شغلها الجديد

مروان مبسووط جدااً إنه رجع زى زمان بقى بيدخل بطولات ومسابقات ولوجين بتروح معاه تشجعه

لوجين أصبحت أعز أصدقائه بيحكيلها كل كبيره وصغيره وياخد رأيها فـ كل حاجه بيعملها

لوجين عوضته عن كل ألم شافه زمان ، وكل يوم بتثبتله إن ربنا لما بيبعد عننا حاجه بنحبها مهما كان ألمنا فـ بعدها أكيد ربنا بيبعدها عننا عشان شر لينا عشان مخبيلنا الأحسن فـ حياتنا ~
~~~~~~~~~~~~~~~~~~~~~~~~~~~~~~~~~~

بعد أسبوع من يوم ميلاد حمزه وحفصه جدو مجدى عملهم الحفله

جاب تورتة كبيره عليها صورتهم وإشترالهم هدايا كتير ♥ ناسى الدنيا كلها ، شايلهم ومستمتع بضحكاتهم فـ حضنه ^_^ ♥

لوجين : ما شاء الله بابا مجدى فرحان أوووى إنهارده ^_^ ، بحس حمزه وحفصه بينسوه الدنيا كلهااحلى ابتسامة ♥

ملك: عقبال ما نفرح بولادك يا قلبي ويجوا يكملوا الطقم عشان جدو مجدى يطردنا بره البيت ويفضيه لأحفاده باضحك

مروان لأمه : على كده يا ست الكل يعنى لما ربنا يرزقنى بالذريه الحاج مجدى هيعمل كده ولا الحاجات دى حصرى للأنسه حفصه والأستاذ حمزه احلى ابتسامة ???!!

ملك: أعوذ بالله صفوا قلوبكم بقى شويه إيه ده مالكيش دعوة

أمها : بس يا بت يا ملك ، ودى عاوزه سؤال يا نور عيني إحنا ملناش أغلى منكم ومن ولادكم يا حبيبي ♥ )

جه جدو مجدى وهم بيتكلموا وقال لمروان ولوجين : عقبال ما أعمل حفله لولادكم كده يااا رب ♥ ^_^

إبتسم مروان : ربنا ما يحرمنا منك أبدااا يا سيد الكل :* ♥
.

خلصت الحفله والكل مشى أما عن ملك فباتت هى ومحمد عند أهلها ، محمد دخل نام وجدو مجدى أخد أحفاده فـ حضنه وهى ومامتها سهروا يرتبوا البيت

وهم بيرتبوا أمها سألتها : إلا صحيح يا لوكى إيه حكاية الشغل إللى حكيتيلي عنه فـ الموبايل ده ؟؟!! صحيح محمد وافق تشتغلى ؟!

ملك : لا يا أمى مش شغل بمعنى شغل يعنى ، بصى فيه مركز كده معمول لله يعنى لتحفيظ القرآن والعلوم الشرعيه والتوعيه للبنات بس وعرضوا عليا أشتغل معاهم ومحمد وافق ورحب جداً ابتسامة لذلك بلغتهم بالموافقه وهبدأ بعد فرح ساره إن شاء الله عشان هكون مشغوله مع حماتى وساره ابتسامة

أمها : آآآآه تمام يا حبيبتي ومرتبه أد إيه ده بقى ؟

ملك : لا يا حبى من غير مرتب ده لله ، مرتبى أغلى من الفلوس بكتييير ، حسنات من عند ربنا بقى بس دعواتك يا أمى ربنا يتقبل منى ^_^ ♥

أمها : ربنا يتقبل منك ويباركلك يا روح قلبي ♥ ، طاب وحمزه وحفصه صحيح ؟!

ملك: مالهم ؟!!

أمها : أبقى عدى عليا وسيبيهم معايا بقى وإنتى راجعه خديهم عشان تقدرى تتفرغى لبيتك ولشغلك الجديد ده ابتسامة

ملك : تسلميييليي يا ست الكل ♥ ما تحرمش منك ابداا يا رب بس أنا عاوزاهم يحضروا عشان يتعودوا على الأماكن إللى فيه ذكر الله وقلبهم يرتبط بالقرآن أكتر ^_^ ♥

أمها : ربنا يباركلنا فيهم وفيكي يا روح قلبي ♥

طبعت ملك قبله على خد مامتها وكملوا ترتيب وهم بيحكوا عن الحياه ومشاغلها احلى ابتسامة
~~~~~~~~~~~~~~~~~~~~~~~~~~~~~~~~~~~~~~

ميعاد فرح ساره قرّب ،،، محمد راح إستقبل أخوه معتز فـ المطار جه لوحده من غير مراته وولاده :/ وبعدها بيومين إستقبل مهند ، ومن يوم ما مهند رجع ما إرتحش ،،، كمل التشطيبات الاخيره للشقه وبدأ باقى التجهيزات

وكذلك ساره مابتنمش كل يوم لف وتجهيز -_- ،، التجهيزات الأخيره للعروسه بتبقى متعبه جداً ملك وماماتها وأختها سميه معاها بيساعدوها ، وكل ما تجيب حاجه تفتكر حاجه تانيه والحاجه التانيه تفكرها بتالته وحاسه إن دماغها عباره عن كراكيب -_-احلى ابتسامة ........

مهند الحمدلله خلّص تجهيز الشقه وإشتروا الأثاث وفرشوها كمان (Y) و ساره حجزت الفستان وإشتروا الشبكه وخلاص أصبح يفصلهم عن تحقيق الحلم ..... قصدى الفرح أسبوع واحد ^_^ ♥


مر الأسبوع ده والكل مطحون وملك سايبه حمزه وحفصه عند مامتها عشان تتفرغ لحماتها ابتسامة ، وجه يوم كتب الكتاب فـ يوم الحنّه ^_^

لبست ساره فستان أنيق وراحوا كلهم ع المسجد ^_^

وقفت من فوق وباصه على مهند ، ورغم الزحمه واللمه بس شايفه عيونه ودموع الفرحه إللى ملياها :')) ، سامعه دقات قلبه رغم كل الصخب إللى حوليها ^_^ ♥

بدأ المأذون كتب الكتاب وهى راحت لعالم تانى

إفتكرت أول مره شافت فيها مهند وإزاى كانت معجبه بأخلاقه ورجولته النادرين فـ زمننا ، أد إيه حبه كان بيزيد جوه قلبها رغم إنها كتيير حاولت تمنع نفسها من التفكير فيه وكانت بتفشل :/

إفتكرت لما عرفت إن هو كمان بيبادلها نفس الشعور ،، إزاى عانى وحارب عشان خاطرها وعشان يفوز بيها وإصراره قصاد رفض باباها المتكرر خلى حبه يزيد فـ قلبها أضعاف وخلاها هي كمان ما تيأسش ،، جه فـ ذهنها أول مره سافر فيها وإزاى كانت حاسه بفقدان للأمل وإن خلاص كل أحلامها إتحطمت :(

إفتكرت دعواتها فـ جوف الليل ودموعها إللى بللت فـ السجود الأرض :'( ، وإستجاب ربها لدعائها ^_^ وبعد يوم واحد بس هتكون زوجته ....

♥

((لأ أنا دلوقتى وفـ اللحظة دى خلاص بقيت زوجته )) قالت ساره الجمله دى لنفسها لما خرجت من شرودها على صوت المأذوون بيدعى وإللى فـ المسجد بيرددوا وراه
#بارك_الله_لكما_وبارك_عليكما_وجمع_بينكما_في_خير ♥ :'))

وبدأت السلامات احلى ابتسامة ، مهند بيسلم وهو فـ عالم تانى !! لسه مش مصدق إن ساره بقت حلاله ^_^ يــــا الله أد إيه حلم هو وساره باليوم ده وأد إيه تعب عشان يوصلها ♥ :'))


البنات أخدوا ساره ع البيت ومهند خلّص سلامات وحصلها ،، إتمكيجت ساره عشان تبدأ حفلة الحنّه ، ومحمود دخّل مهند يسلم عليها ، وقف مهند منتظرها قصاد أوضتها وهى خرجتله مبتسمه ^_^ ، اول ما شافها قصاده إبتسم ولقى نفسه بيبكي :'( ♥

قربت ساره ومسحت دموعه : خلاص يا حبيبي مفيش دموع تانى بقى حلمنا إتحقق أنا بقيت حلالك ^_^ ♥

مهند : يــــاه يا ساره والله حاسس إن أنا فـ حلم ^_^ ، الحمدلله :')) ، مش عارف أقولك إيه مش عاوز أقول كلمة بحبك لإنها قليلة على إحساسى قليلة على إنها توصفك عندى ♥ إنتى نبض قلبي وأنفاسى بعشقك يا ساره ♥ :')) وربنا يقدرنى وأسعدك طول العمر ♥

ساره وهى بتمسح دموعها : أنا كده إللى هعيط بقى :')) ، ربنا ما يحرمنى منك أبداا يا حبيبي ويقدرنى واعوضك عن كل لحظة ألم شفتها فـ حياتك :'))

وخرّجها من تلك اللحظة الرائعه محمود : جرى إيه يا عم انا قلت سلم عليها بسرعه مش بات ؟!! كلها يوم وهترغى وتقول إللى عاوزه براحتك احلى ابتسامة

مهند : طيب طيب جاى أهه

بص لساره ولسه هيكمل كلامه شده محمود من إيديه : يلاااا الرجاله مستنين تحت مش وقته


مشى مع محمود وساره بتضحك وقلبها بيضحك وياها ^_^ ♥

وماشافهاش فـ يوم الحنّه تانى غير وقت ما لبّسها الشبكه

أصحاب ساره عملولها حفلة حنّه رائعه ^_^

ودخلت ساره نامت بدرى عشان تقدر تستحمل معارك يوم الفرح -_- !

الصبح بدرى محمود وصلها ع الكوافير ، وبدأوا يعملولها الماسكات وتجهيزات العروسه وهى مش قادره تفتح عنيها من قلة النوم وواقعه من الجوع -_- !

دخلت واحده من إللى فـ الكوافير وقالتلها إن أخوها عاوزها بره فخرجت وهى بتقول لنفسها : أكيد نسيت حاجه ومحمود بيجيبهالى :/ !

وأول ما خرجت لصالة الإنتظار لقت محمد واقف وبيبتسملها ^_^ ، سلمت عليه وهى مبتسمه : خير يا روح قلبي فيه حاجه ؟؟

محمد : ممممممم يعنى أنا ماشفتكيش الفتره اللى فاتت ولا قعدنا سوا بسبب تجهيزات الفرح وقلت أكييد دلوقتى دلوعة أخوها جعانه فجبت سندوتشات من المحل إللى بتحبيه وقلت آجى ناكل سوا وأقعد معاكى 10 دقايق قبل ما يجي مهند ياخدك على مملكتك ومعرفش أقعد معاكى خالص ، ممكن :')) ?!

ضحكت ساره وعيونها دمعت :')) إترمت فـ حضن محمد : ربنا ما يحرمنى منك أبداا يا أحن أخ فـ الدنيا ، محدش فـ الدنيا بيحس بيا زيك ولا بيفهمنى زيك ولا فيه حضن حنين زى حضنك ♥ :'(

محمد وهى بيمسح دموعه قبّل راسها :* : ربنا ما يحرمنى منك ابدااا يا دلوعة أخوكى :* ، والله انا حاسس إنى فـ حلم مش مصدق إن البنوته إللى خطفت قلبي وشلتها على إيدي وهى فـ اللفه فرحها إنهارده ^_^ ياااااااه

ساره : هههههه ما تكبرش نفسك أووى بقى يا حمودى ، بس تعرف انا كمان حاسه إنى فـ حلم :'))

محمد : ربنا يسعدك ويفرح قلبك دايماً يا حبيبتي ♥ وبعدين يلاا بقى نلحق ناكل قبل ما يطردونى من هنا هههههههههههه

ساره : ههههههههههه محدش يقدر يطرد روح قلبي أنا ♥ :* يلا يا حبيبي عشان انا فعلاً واقعه من الجوع

أكّلها محمد بإيديه وفضل يحكى معاها ويوصيها شوية توصيات ونصايح لحياتها الزوجيه ومعاملتها لزوجها ^_^ ♥ ~


جهز مهند وراح يجيب حبيبته من الكوافير ^_^

ساره مش منتقبه بس لبست نقاب على فستانها ورفضت تظهر قصاد الرجاله بزينتها ^_^

إبتسم مهند أول ما شافها فتحلها باب العربيه قعدت وحبيبها جنبها وإتحرك الموكب إلى حيث النادى

دخلت ساره قاعة النساء ورفعت نقابها ومهند راح على قاعة الرجال ....

بدأت فرقة البنات إستعراضاتها وساره فـ عالم تانى موجوده جسد بس لكن روحها وكل تفكيرها فـ مهند ، فـ فرحتها وفـ حياتها الجديده إللى هتبدأ من الليله ^_^

ومهند قاعد فـ القاعه التانيه كل شويه يبص فـ الساعه عاوز الفرح يخلص ويخطف حبيبته على مملكتهم ^_^

مروه لقت إبن خالها رايح الفرح وفضلت تتحايل عليه ياخدها هى وأخته معاه ، فـ الاول رفض بس بعد محايلات مروه وأخته وافق ياخدهم معاه ^_^

جهزت وكلها شوق بس تلمح محمود ولو مره واحده ^_^

موبايل ملك رن وخرجت ترد بره عشان مش سامعه فـ القاعه ، أول ماخرجت سمعت صوت فـ قاعة الرجال نسّاها المكالمة والدنيا كلها ورجعها دقايق على بساط الذكريات ^_^ رجعها ليوم فرح سميه لما خرجت ترد على مروان فـ الموبايل وسمعت نفس الأنشوده بصوت محمد وماكنتش تعرف إنها على بعد خطوات من نصها التانى :')) ، إبتسمت ولقت نفسها واقفه بتردد معاه الأنشوده ^_^ ♥

مروه وصلت مع إبن خالها واخته ومحمود خرج إستقبلهم ، بيسلم على صاحبه ويكلمه ومروه عنيها مركزه عند محمود فجأه فوقت نفسها >.< وغضت بصرها

وصلّهم محمود مع إبن خالها لقاعة النساء ومشيوا ع القاعه التانيه وعيونها متابعه محمود لحد ما إختفى و دخل القاعه

مروه ما تعرفش أى حد غير ملك ففضلت تدور عليها بعيونها والحمدلله لقتها ، راحت عليها وملك أول ما شافتها إبتسمت ،سلّمت عليها وإستغربت إنها حاضره رغم إنها ما تعرفش ساره ولا تعرف أى حد من أهل العريس أو العروسهاحلى ابتسامة

عرّفتها ع الحاجه صفاء وعلى مامتها وباقى العيله ، وملك ملاحظة نظراتها إللى كلها أشواق وساكن فيها حلم :')) ، وفضلت مروه قاعده مع ملك لحد ما إبن خالها رن عليهم وخرجت ملك توصلها وهى ملاحظة إختلاسها النظرات لمحمود


وخلص الفرح على خير وإنتهى بلحظات وداع ودموع فرحه :')) ،،،، ودعوا الأميره ساره وفارس أحلامها الأمير مهند إللى خطفها إلى مملكتهم ♥ ^_^ ~

~~~~~~~~~~~~~~~~~~~~~~~~~~~~~~~

رجعت ملك فـ إيدين حبيبها من الفرح وهى حاسه بسعادة لا تُوصف ^_^

حطت حمزه وحفصه فـ سريرهم وراحت تنام جنب حبيبها ، سندت راسها فـ حضنه وهى بتقول : أنا مبسوووطه أوووى ^_^ كده إطمنت على كل الاحباب ماعدا إتنين يااا رب أطمن عليهم قريب

محمد: مممممممم مروان ولوجين ،، ياسمين ومحى ،، لميس وعمر ،، ساره ومهند خلاص مين الإتنين الباقيين بقى حضرتك ?!

ملك : محمود وهى

محمد : هى ؟! هو إنتى لاحظتى إن محمود حاطط فـ باله واحده ولا إيه ؟!

ملك: لأ بس انا عندى ليه عروسه مناسبه جداً

محمد: مين دى ؟!

ملك: ما انا لو قولتلك مش هتعرفها :/ !

محمد: بس قولى يمكن اكون عارفها يا ستى !

ملك: عارف البنت إللى بتشتغل فـ الصيدليه إللى على أول شارعكم ؟! إللى إبن خالها يبقى صاحب محمود وساكن فـ العماره إللى ورا الصيدليه دى !

محمد: آآآآآآآآآآآآآآآه

ملك: عرفتها ^_^

محمد: لأ -_- !

ملك: ههههههههههههههه أمال بتقول آآآآآه على إيه

محمد: بقولك إيه يا عم المفتش كرومبو انا واااقع ونفسى اناااام خلينا نتناقش فـ أمر العروسه دى بكره إن شاء الله ممكن -_- ؟؟؟

ملك: إنت مالك محسسنى إنى رغايه اوى كده ليه >.<

محمد: لا أبداا يا روحى انا اللى رغاى ونص ومابفصلش ابداا مش عارف إيه العاده الرخمه اللى عندى دى :P

ملك: هههههههههه ماشى ماشى اتريق براحتك هسيبك دلوقتى بس عشان صوعبت عليا بس بكره إن شاء الله هوريك المفتش كرومبو على حق

محمد : ربنا يستر

ملك: يـــا رب ، تصبح على خير يا روح قلبي :* ♥

محمد: وإنتى من أهل الخير يا روحى ♥ :* ~
~~~~~~~~~~~~~~~~~~~~~~~~~~~~~~

وليد حياته كلها بقت صلاه وقرآن وذكر مش حاسس بألم المرض لإنه كل ما يتألم يستغفر الله ويحس إن كل آلامه زالت :')) أكله بقى قليل جداً حتى نومه بقى بينام ساعات قليله بس عشان يريح جسمه ويقدر يصلّي ♥

دخلت أمه ولقته نايم والمصحف فـ إيديه وأثار دموع على وشه :'( ، مسحت دموعه ،قبّلت راسه أخدت المصحف وغطته ودخلت نامت :')) ♥

راحت فـ نوم عمييق وحلمت بنفسها قاعده ووليد ساند راسه فـ حجرها وهى مبتسمه بتمسح على شعره وتغنيله فجأه شافت أبوها الله يرحمه !!

بقاله كتيير أووى ما زرهاش فـ المنام ، قرب منها و مسك وليد من إيديه وأخده معاه وهى بتنده عليهم بصولها هم الإتنين وإبتسموا ابتسامة ،، فضلت تجرى وراهم ومالقتهمش صحيت من نومها مفزوعه وقلبها مقبوض حزينة ....... سمعت #الصلاة_خير_من_النوم منتشره فـ كل مكان ،إستعاذت بالله من الشيطان الرجيم وقامت تصلي الفجر وهى بتدعى ربنا يخفف عن إبنها ويحفظه من كل سوء ...... !