الحلقة 20 - الجزء الثالث

وقفنا الحلقة إللى فاتت عند أما

ياسمين وملك كانوا قاعدين فـ أوضة ياسمين ومعاهم حمزه وحفصه ، وأم ملك وخالتها فـ المطبخ سوا ،، والمهندس مجدى وأخوه أبو ياسمين وأخوها ياسر ومحمد قاعدين فـ الصاله ،، فجأه رن جرس الباب وجريت يارا تفتح

محى وهو مبتسم : بابا موجود ؟!!

يارا: أيوه أقوله مين حضرتك ؟

محى : قوليلي محى

يارا : لحظه واحده

بلّغت باباها وهو مستغرب لإنه مايعرفش حد بالإسم ده ! فخرج يشوف مين ؟!

وأم ياسمين خارجه من المطبخ ، أول ما شافت دكتور محى إندهشت وقبل ما زوجها يرد

أم ياسمين : دكتور محى ??!

محى : إزي حضرتك يا أمى ؟

أم ياسمين : إنت إنت مش سافرت ؟؟!

محى : لأ رجعت فـ آخر لحظة لإن عندى حاجه أهم من سفرى

أبو ياسمين : الدكتور هيتكلم وهو واقف ع الباب كتير كده يا أم ياسر ولا إيه ؟؟!

أم ياسمين : أه متأسفه إتفضل يا دكتور نورتنا والله

أبو ياسمين : إتفضل إتفضل يا دكتور

قعد محى فـ الصاله مع الرجاله ورحب أبو ياسمين بيه

دخلت إم ياسمين المطبخ وهو متوتره وفرحانه ، أختها لاحظت توترها فسألت : إييه فيه إيه مالك ؟!

أم ياسمين : معرفش يا مايسه يا رب يكون إللى فـ بالى صح ، حقه دى تبقى فرحه مابعدها فرحه

وبدأت تبكيمش قدارة امسك دموعي

أم ملك : إيه ده إيه ده إنتى بتعيطي ليه طيب ؟!

أم ياسمين : دى دموع فرحه لو إللى فـ باللى إتحقق :'))

ملك وياسمين بيلاعبوا حمزه وحفصه فـ الأوضه ، وملك لمحت السلسله وإبتسمتلها ياسمين بألم :')) وقالتلها إنها من محى ، إبتسمت ملك ومسكت السلسله لقتها بتتفتح

ياسمين : فيه يا ملك ماتشديهاش كده حاسبي لـ تتقطع الله يخليكي

ملك: إقلعيها ثانيه كده

قلعتها ياسمين وهى مستغربه وإدتها لملك ، شدت ملك جزء منها ولقتها فعلاً بتتفتح ، وإتفتح القلب ولقت فيه ورقه ، بصوا لبعض هى وياسمين بتعجب ؟!

فتحت ملك الورقه وإبتسمت أووووى ^____^ ، بعدين ادتها لـ ياسمين ، ولقت ورقه صغيره مكتوب فيها #بحبك

ملك : إنتي قولتيلي السلسله هديه من مين ?!

ضحكت ياسمين : مـ معقوله يكون محى فعلاً بيحبني :'))

إبتسمت ملك ، وقبل ما تعقب على كلام ياسمين لقتها بدأت تبكي

ياسمين :بس تفيد بإيه ماهو خلاص سابني وسافر مع إني قولتله أرجوك ما تسافرش ، صدقيني كل دى تهيؤات وتلاقى الورقه دى جت صدفه ولا يمكن المحل نفسه بيحطها كده

ملك: والله ؟! إزاى يعنى المحل هيحط ورقه مكتوب فيها الكلمه دى ، ثم إنى مش عاوزه اشوف دموعك يا روح قلبي محى لو بيحبك بجد هتلاقيه سايب الدنيا كلها وجايلك وانا احساسى مابيكدبش وإحساسي بيقول إن محى بيحبك بجد وربك كرييم أووى مش ناسيكـِ~ وأنا واثقه إنك هتفرحي وقريب جداا كمان قولى يااا رب :'))

ضمتها ياسمين وقالت :يــــــــــــــــــــــــــا رب

بعد ما ساد الصمت إتنحنح محى وقال : عمى أنا يشرفني أناسبكم وأطلب إيد الأنسه ياسمين بنت حضرتك

أول ما أمها سمعت فـ المطبخ حطت إيديها على قلبها وبكت ، ضمتها أختها مايسه وهم فرحانين أووى وتكاد امها ترقص من فرحتها ، وعلى طول طلعت على أوضة ياسمين عشان تفرحها لإنها عارفه كويس أووى إن بنتها بتحلم بمحى زوج ليها وأهه كرم ربنا غمرها وما إتحرمتش من حاجه :'))

دخلت الأوضه وكانت ياسمين بتعيط فـ حضن ملك ، قربت أمها وهى بتضحك ، مسكت وش ياسمين فـ كفيها قبّلت راسها وقالت

وهى بتمسح دموعها : خلاص يا ماما مفيش دموع تانى غير دموع فرح وبس ، قولتى ياا رب وربك سمع دعائك وغمرك بكرمه وعطفه :'))

بصالها ياسمين ومعاها ملك ومش فاهمين قصدها !!

أم ياسمين : عارفه مين موجود بره !

ياسمين : مين ؟؟!!

أم ياسمين : دكتور محى جه يطلب إيديك من أبوكي :'))

قامت ياسمين وعلامات الدهشه على وشها : مـ ماما لو سمحتى الامور دى مافهاش هزار إنتى بتقولى ايه ??!!

أم ياسمين : والله ما بهزر وبقول إللى سمعتيه محى بره مع أبوكى دلوقتى وسمعاه بودنى بيقوله عمى أنا يشرفني أناسبكم وأطلب إيد الأنسه ياسمين بنت حضرتك :'))

جريت ياسمين على بره وملك وراها ، بصت من ورا الستاره ع الصاله وفعلاً لقت محى قاعد قصادها واضح عليه التوتر ، لابس بدله انيقه وقدامه ورد وعلبة شوكولاته ، بصت لملك ولسه مندهشه مافيش أى ردة فعل غير إنها مبرقه وبتحاول تستوعب ، دخلت الاوضه تانى بصت لأمها وخالتها وملك وهم مبتسمين ، إبتسمت ونزلت دموعها حطت إيديها على قلبها وفجأه فقدت وعيها دايخة
الكل فـ نفس واحد : ياسميييين

شالوها ع السرير وبدأت ملك تفوّقها ، وأول ما فاقت مسكت السلسله وفضلت تبكي

ياسمين : مـ ملك إللى حصل ده بجد !!! انا مش مصدقه لأ أنا بجد بحلم

قبّلت ملك راسها ودموع الفرحه فـ عنيها :'))

وأم ملك ضامه أختها وباصين لياسمين بفرحه :'))

أبو ياسمين فرح جداً ، بس قال لدكتور محى إنه هيرد عليه بعد اسبوعين إن شاء الله ، محى كان عنده أمل يشوف ياسمين أو يشوف ردة فعلها لما تعرف لكن طبعاً مايقدرش يطلب من باباها طلب زى ده ودعهم ومشى وهو متشوق يشوف ياسمين ويلبّسها دبلته :'))

مشيت ملك هى وأهلها بعد ما شاركوا ياسمين فرحتها

وعلى طول ياسمين دخلت إتوضت وصلّت ركعتين شكر لله خرجت فيهم كل إللى فـ قلبها :')) ~

ملك ما نامتش من كتر فرحتها لياسمين ، ومحمد كمان كان فرحان عشانها أوى صلوا قيام الليل ودعوا ربنا يتم فرحتها على خير
~~~~~~~~~~~~~~~~~~~~~~~~~~~~~~~~~~~~

حمزه وحفصه قربوا يتموا سنه ، كل مدى شقاوتهم وحلاوتهم تزيد ، أى حد بمجرد ما يشوفهم بس يحبهم أوى ، بدأوا ينطقوا شوية كلمات بسيطه زى مـَمّا (طبعاً قصدهم ملك ) ، بَبّا (بابا محمد ) ، دّدّو أكييد (جدو حبيب قلبهم ) ، مم و بو للأكل والشرب ،، وأبّااااار لما يسمعوا الأذان و #الله لما يسمعوا قرآن فـ أى مكان ، ولا شقاوتهم ولعبهم وصوت ضحكتهم

جدو مجدى مُصر يعملهم حفلة ليوم ميلادهم وأبوهم مُصر أكتر إن مايتعملش أى حفله ، مش عاوز يحتفل بأعياد ميلاد ولا يعودهم على حاجه زى دى ، وملك فـ النص مش عارفه ترضي مين أبوهم ولا أبوها إللى بيجهز للحفله من قبلها بشهر و ولا هامه حد باضحك

ومن هنا ملك توصلت لحل وسط يرضي الجميع فطلبت من باباها يعمل حفله ولكن مش فـ نفس يوم ميلادهم وأهه كده نفذ إللى فـ دماغه وعمل حفله وفـ نفس الوقت كلام محمد برده إتنفذ وما إتعملتش حفله فـ يوم ميلادهم احلى ابتسامة

الحمدلله قدرت تقنع باباها أما عن محمد فتعبها أووى عشان يرضي وأخييراً رضي وهو متضايق بس عشان مايزعلش حماه
~~~~~~~~~~~~~~~~~~~~~~~~~~~~~~~~~~~~

أبو ياسمين وافق ^_^ وطبعاً بعد ما سأل عن محى وأصله وفصله و أخد رأي بنته ولاقاها موافقه ونص كمان قعد محى مع أبوها وإتفقوا على كل حاجه وحددوا ميعاد الخطوبه ^_^

وإتشجع محى يطلب من ابو ياسمين إنه يقعد معاها شويه

وافق باباها ، وهى لبست فستان عادى لونه وردى وأنيق ، مسكت الكحل وبصت فـ المرايه لسه هتحط ولقت الفرحه إللى محليه وشها مخلياها مش محتاجه تحط أى حاجه على وشها ^_^ ، خرجت وهى باصه فـ الأرض بخجل وفرحه ، وقعد معاهم فـ الصاله ياسر ويارا ، محى أول ما شاف ياسمين أخد نفس عمييق وهو حاسس إن دقات قلبه ماشيه بسرعة الضوء

قعدت فـ كرسى جنب الكرسى بتاع محى وهى حاسه بخجل وكأنها أول مره تشوفه وتقعد معاه !!!

محى : قولتيلي بلاش تسافر وانا أصريت اسافر بس قبل ما اركب طيارتى إفتكرت إن فيه حاجه أهم وقررت آخد بنصيحتك يا دكتور ياسمين وأسمع لقلبي ^_^

ضحكت ياسمين بخجل : رغم الواقع إللى كان بيقول مستحيل هترجع ورغم إن انا كمان صدقت إنك مش هترجع بس قلبي كان جواه إحساس أو خلينا نقول إيمان بكرم الله ^_^ ،، شكراً

محى : على إيه ؟

ياسمين : على كل حاجه حلوه قدمتهالى ، وعلى كل ألم وحزن بدلتهم فـ حياتى :'))

محى : لو حد فينا لازم يشكر التانى يبقى أكيد أنا إللى لازم اشكرك ، لإنك فـ وقت قصير عوضتيني عن حرمان سنين فاتوا من عمرى :'))

ياسمين : وأوعدك بإذن الله من اليوم إللى هلبس فيه دبلتك مش هتشوف فـ حياتك اى حزن أو ألم أو حرمان تانى :'))

محى : ونفس وعدى ليكي يا ياسمين ، ربنا يقدرنى وأسعدك طول حياتك وأعوضك عن أى لحظة وجع شفتيها :')) ♥

فضلوا يتكلموا شويه ومشى محى بعد ما إتفق مع باباها إنهم بكره بإذن الله هيروحوا يشتروا الدبل ،،،، إشتروا الدبل وكتبوا عليها أساميهم ^_^

كلم محى عمر وفرحه وطبعاً بلغه بيوم الخطوبه وعمر وعده إنه هيحضر ^_^

وبدأوا التجهيزات للخطوبة،،،،،،كالعاده ملك إتمرمطت فـ اللف والتجهيزات زى كل مره مع كل عروسه ودى مش أى عروسه المره دى ^_^ دى أختها و توأم روحها ^_^ ♥
~~~~~~~~~~~~~~~~~~~~~~~~~~~~~~~~~

لميس مش قادره تستحمل أكتر من كده ، وقررت تخلى أقرب صديق ليها يشاركها همها ، إتصلت بعمر وحكتله عن إنقطاع عاشق التوليب الفتره دى كلها وإعترفت إنها من غير ما تعرف إمته ولا ليه ولا إزاى حبته ونفسها تعرف هو مين !!

وعمر بيسمعها وهو فرحان أووىموافقة ، نصحها تستنى يمكن توصل أى باقات توليب تانى وتقدر تعرفه ،، وعرّفها إنه جاى مصر إن شاء الله عشان يحضر خطوبة محى
~~~~~~~~~~~~~~~~~~~~~~~~~~~~~~~

جه يوم الخطوبة ^_^

ملك كانت عند ياسمين من الصبح ، لبست ياسمين فستان دهبى أنيق أوى وجابت واحده بتشتغل فـ كوافير مكيجتها فـ البيت ، ماكنوش عازمين ناس كتير ،

بدأت الحفله وقعد محى فـ الصاله فـ إنتظار ياسمين ، خرجت العروسه وإبتسم محي أول ما شافها ^_^ ، قعدت وبدأوا يلبسوا الدبل ^_^ ،،

وعمر قاعد جنب محى مبسووط اووى عشانه وعنيه باصه ناحية لميس وبيحلم باليوم إللى هتلبس فيه دبلته ^_^ ♥

محى لبّس ياسمين الدبله بإرتباك وهو حاسس إنه فـ اللحظة دى بيسجل تاريخ السعاده لقلبه ^_^ ♥ ، فرحان أوى وهو شايف بسمتها الخجوله مرسومه على وشها ^_^ ، وياسمين لسه مش مصدقه إنها لبست دبلة محى ^_^ لسه إمبارح كان مجرد حلم بتبكي عشان ظنته ضاع منها وإنهارده أهه بيلبسها دبلته ^_^

وهنا إفتكرت ياسمين الآيه إللى ملك قالتهالها إمبارح
(( #لَا_تَدْرِي_لَعَلَّ_اللَّهَ_يُحْدِثُ_بَعْدَ_ذَلِك َ_أَمْراً )) )


ومحمد ضامم ملك من كتفها وعيونهم بتبتسم ،، فرحانين لياسمين وبيفتكروا يوم خطوبتهم ^_^
~~~~~~~~~~~~~~~~~~~~~~~~~~~~~~~

ملك ومحمد رجعوا من الخطوبه فرحانين أوى ^_^ ونامت ملك بأمان فـ حضنه ♥


ياسمين من يوم ما إتخطبت وهى عايشه سعاده ولحظات من أجمل لحظات عمرها ^_^ ومحى إشترى شقه وقرر أخييراً يستقر فـ مصر ،، وهو وياسمين دايماً يدعوا ربّنا يتم فرحتهم على خير ^_^


مهند راجع من السفر عشان أخييراً هيتجوز ساره حبيبة قلبه ^_^


بعد مرور إسبوع من خطوبة محى،،،،، لميس راحت عيادتها بكسل حزينة

عكس ماكانت فـ الأيام إللى فاتت بتروح بحماس عشان تبدأ يومها بباقة عاشق التوليب وكلماته حزينة ، وحصل إللى ماكنتش متوقعاه يا سلام!

أخييييراً لقت باقة توليب على مكتبها ^_^ ، جريت عليها وضمتها وكإنها بتستقبل حد غالى كان مسافر وغايب عنها ^_^ ، مسكت الكارت وقرته :


(( إذا أردتي أن تعرفي من هو عاشق التوليب فـ قابليني اليوم عند الثامنة مساءً فـ (.........) ،، سأنتظرك .... #عاشق_التوليب