الحلقة 2 - الجزء الاول

وقفنا الحلقة إللى فاتت عند ملك لما كانت بتتصفح الفيس بوك لقت آدد إتبعتلها من (Arch Waleed Wahdan) ،وطبعاً كالعاده كنسلت الطلب لأنها مابتضيفش ولاد ، وفجأه لقت رساله جيالها فتحت الــ (إن بوكس ) وإذا به نفس الشخص وإستغربت لأنه شخص غريب و عرف إسمها الحقيقى ومحدش يعرفه على الفيس بوك غير صحباتها إللى عندها وكان مضمون المحادثه:
Arch Waleed Wahdan:أمممم بيتهيألى كده الطلب إتكنسل والله أعلم !!
Arch Waleed Wahdan:هو بالفعل إتكنسل بس ليكى حق صراحه ماتقبليش حد ماتعرفيهوش وماترديش على حد غريب برده بس انا مش غريب يعنى
Arch Waleed Wahdan: صراحه إخترتى إسم رائع على الفيس بوك بس أنا شايف إن إسمك الحقيقى أجمل بكتير هو مش إنتى ملك بنت عمو مجدى ولا أنا غلطان فى العنوان ؟؟!!!
إستغربت جداً وردت

Innocent flower: مين حضرتك ؟؟!!!!!!!!!!!!!!

Arch Waleed Wahdan:ههههههههه أخيراً رديتى وإيه كل علامات التعجب دى وإيه الإيموشن إللى بينم على إنك هتضربينى ده !

Innocent flower: لو سمحت حضرتك تعرفنى منين عشان تتكلم معايا بالأسلوب ده وأساساً عرفت إسمى منين وحضرتك عاوز إيه بالضبط ؟

Arch Waleed Wahdan:كل دى أسئله بالراحه ، أنا بس حبيت أباركلك على نتيجة التنسيق يا سيادة السفيره

إستغربت أكتر إنه كمان عارف بدخولها إقتصاد وعلوم سياسيه ولسه الخبر ما إنتشرش

Innocent flower: لو حضرتك ما قولتش إنت مين دلوقتى حالاً هعمل بلوك !!!!!

Arch Waleed Wahdan: إيه الوش ده لأ خلاص أنا المهندس وليد على الشهير بوليد وهدان مهندس تحت الإنشاء يعنى لسه فى 4 هندسه

Innocent flower: والله أنا ماسألتش حضرتك إنت مين ولا قولت تعرفّنى بكل ده!!! ، هو سؤال واحد حضرتك تعرفنى منين ؟؟!!!!

Arch Waleed Wahdan: أنا إبن عمك ^___^

Innocent flower: نعمممم ، حضرتك هتهزر ؟؟!!!

Arch Waleed Wahdan:والله ما بهزر ، أنا إبن عمك على ، إللى هو يبقى إبن عم باباكى يعنى

Innocent flower: آآآآآآه ، إبن طنط منى وأخو ولاء ؟

Arch Waleed Wahdan:هههههه ،أيوه بالضبط كده يا فندم

Innocent flower: أهلاً بحضرتك ، بعتذر بس أنا مابقبلش ولاد على الفيس وإستغربت لما لقيت حضرتك عارف إسمى ، بس حضرتك عرفت منين إنى دخلت إقتصاد وعلوم سياسيه ؟؟أصل لسه الخبر ملحقش ينتشر فى العيله يعنى ؟؟ وكمان حضرتك عرفت منين أصلاً إن Innocent flower دى تبقى أنا؟؟!!

Arch Waleed Wahdan: تانى أسئله كتير احلى ابتسامة !، عموماً يا ستى أولاً عرفت إنك دخلتى إقتصاد وعلوم سياسيه لأن والدى كان بيكلم والدك من شويه عشان شغل بينهم ولقاه فرحان جداً وعرفنا إن نتيجة التنسيق ظهرت ودخلتى الكليه دى ، أما بقى عرفت الأكونت بتاعك منين ،فده من ولاء ، بس ولاء ملهاش دعوه هى ما تعرفش أساساً إنى أخدته من عندها

(ولاء أخت وليد دى أكبر من ملك بسنه أد ياسمين يعنى وفى كلية تجاره إنجلش هى صاحبة ياسمين بس ملهاش علاقه أوى بملك )

Innocent flower: أه طيب وحضرتك أخدته ليه أساساً ؟؟!!!

Arch Waleed Wahdan: ما قولتلك عشان أباركلك على الكليه ؟

Innocent flower:لا والله ؟؟؟!!!!!! عموماً أنا متشكره جداً لحضرتك وبستأذن ، سلام عليكم

Arch Waleed Wahdan:إستنى ، ألوووووووووووو ، شكلك كده قفلتى ، طيب يا ستى عموماً أنا آسف جداً ، وعليكم السلام ورحمة الله وبركاته

قفلت الفيس بوك وهى متعصبه من الموقف ده انا باغلي، وخرجت من أوضتها لقت باباها بيقرا شوية أوراق تبع الشغل وماماتها بتتكلم فى التليفون راحت لباباها ، ونتشت الورق إللى فى إيده

ملك: يعنى على كده بقى ينفع نيجى الشركه أنا وماما وأخويا ونطبخ بقى ونقعد براحتنا فى المكتب ؟؟ جرى إيه يا باشمهندس إحنا مش إتفقنا مفيش شغل فى البيت ؟؟!!!

_بطلى يا غلباويه وهاتى الورق ده ،ما أنتى عارفه إنى مابشتغلش فى البيت بس إنتهزت فرصة إنك مشغوله فى أوضتك وماماتك بتتكلم فى التليفون مش فاكر من الساعه كام أصلاً؟؟!!!،مش عارف الستات ليه بتحب الرغى الكتييير ده الله يكون فى عون ودانهم وبوقهم

ملك: نعم نعم يا باشمهندس ما تنساش إنى أنثى زيهم يعنى ما تحلمش إنى أقف فى صفك وبعدين مش على لوكه إنت بتوه فى الموضوع يا باشا ويلا حالاً الورق ده يدخل فى الشنطه ويتقفل عليه المكتب كده وتيجى تقعد معايا عشان تقولى بقى هعمل إيه ، إنت ناسى إن بنتك خلاص بقت طالبه جامعيه ولا إيه ^____^

طبع قبله على خدها
_وأحلى طالبة جامعيه كمان ، ماشى يا روح قلبى ممكن تديلى بس نص ساعه بالضبط وبعدها إعملى إللى إنت عوزاه؟

ملك: لا لا لا لا هى ربع ساعه وبعدها خلاص إنسى الورق ده ، إتفقنا ؟

_إتفقنا يا زوجتى التانيه احلى ابتسامة

ملك: يا ربى يا ناس وأنا أطول زوجى يبقى عثل كده ، أمال صحيح مروان فين مش شيفاه يعنى بيرخم على ماما عشان يقعد عند التليفزيون ولا بيرخم عليّا عشان الكمبيوتر ملهوش صوت يعنى فينه ؟؟!!

_كان لسه هنا من شويه وأمك قعدت تقوله وطى التليفزيون مش عارفه أتكلم لحد ما سابلها الصاله ودخل أوضته D:

ملك:هههههه طاب أما أروح أغلس عليه شويه لحد ما تخلص شغلك ، ربع ساعه وجيالك أمجدى مفيش غيرهم هه

_ماااااااشى ،إرحمينى وروحى بقى

خبطت على باب أوضة مروان لقيته نايم ،فضلت بصاله وهى مبتسمه
بتحب أخوها مروان أوى ملهاش غيره ،أصغر منها بسنتين وعاملين زى التوأم هو ما شاء الله طولها وبيعتبرها صاحبه الأنتيم كمان باضحك وكل أسراره معاها
دخلت غطته كويس وباسته من راسه ولسه هتخرج وتقفل الباب وراها وسمعته بيتمتم بإسم ، إفتكرت بيتهيألها فى الأول بس لقيته كرره تانى ،أوباااااااااا ده بيقول سلمى !!!!

تمتمت ملك: سلمى؟!! وربنا لأوريك بس لما تصحالى الصبح يا مروان سلمى مين يا أبو سلمى ماااشى مااااشى ، لولا صعبان عليا دلوقتى كنت فزعتك من عز نومك

وقفلت النور وخرجت
_إيه ده إنتى لحقتى ؟؟!! الربع ساعه ماخلصتش والله

ملك: ما أنا عارفه يا باشا ما تخفش أنا بس لقيت الواد مروان نعس قفلت عليه النور وجيت ، بص هو دور ماما عشان أغلس عليها مفيش كلام ، تحب تشترك معايا فى تلك الجريمه الشنعاء ؟؟!!

_لا لا الله الغنى يا بنتى لا وأى شنعاء ، دى جريمه عواقبها وخيمه جداً هو حد يقدر يقاطع أمك وهى بتكلم أختها فى التليفون

ملك: طبعاً فى حد يقدر ، ألا وهى أنا ودلوقتى تشوف

_طاب أنا بستأذنك هدخل أخلص فى المكتب أحسن لو قعدت هنا وإنتوا بتتخانقوا مش هخلص من هنا لبكره الصبح

ملك: إستنى إستنى خليك يا باشمهندس أنا هلجأ للحل السلمى أفضل ، مش خالتى واكله دماغ ماما من الصبح رغى رغى أنا هروح أنتقم فى بنتها ياسمين

_ههههههههه طاب حاسبى لحسن هى إللى تنتقم منك ويبقى البت وأمها خلصوا على بنتى ومراتى


ملك: لا بنتك ما يتخافش عليها ، يلا هعفيك إنهارده من الرغى ، هنأجل حديثنا لبكره بس بنصحك ما تشتغلش فى البيت تانى لحسن هقوّم عليك ماما ونقوم إحنا الإتنين بقى وشوف إنت !!!

_لا لا آخر مره يا باشا

ملك: طاب جيب بوثه وإنت زى العثل كدهه

باست باباها ودخلت أوضتها تكلم ياسمين

ملك:أعوذ بالله إيه يا بنتى قاعده على الزرار احلى ابتسامة

ياسمين: يا سلام مش إنتى بتتصلى عشان تكلمينى يعنى عجباكى أوى تيت تيت إللى بتسمعيها دى ،المهم يعنى عاوزه إيه ؟

ملك: عاوزه إيه ؟ وانا هعوز من واحده زيك إيه يعنى ،عاوزه أرغى شويه ،وبعدين يعنى حصل موقف رخم كده معصبنىياسمين : خير يا بنتى فى إيه ؟؟!

حكيتلها ملك عن إللى حصل وكانت ردة فعلهاياسمين: مممممش ممكن إنتى متأكده إن وليد وهدان إللى هو إبن عمو على وطنط منى إللى فى 4 هندسه ده هو إللى كلمك وقفلتى فى وشه؟؟

ملك: آه والله يا بنتى وهكدب ليه،بس إشمعنا يعنى إنتى تعرفيه؟

ياسمين: إنتى إللى هبله وماتعرفيش حد فى عيلتك أهه حضرتك ده يعتبر واحد من العيله إللى ملكيش علاقه بيها يعنى ، كتير من الناس بتحسبه متكبر بس هو فى الأساس رزين كده ما بيتكلمش مع أى حد حتى فى الجامعه ، هو فتى أحلام كل البنات عندنا فى هندسه، زيدى يا زيدى ؟؟

ملك: إيه ده كله إنتى كمان وبعدين على إيه يعنى انا حسيته أقل من العادى كمان وإستغلسته أصلاً !!!

ياسمين: إنتى إللى عبيطه عشان تقولى كده طاب بصى أنا هبقى أبعتلك صفحته على الفيس وإنتى إقرى كلامه وإحكمى بنفسك ، شكل الشعرا بيقعوا فى بعض بقى ولا إيه ؟؟!!

ملك: شعرا؟! هو بيكتب شعر كمان ؟؟!!
ياسمين: آه يا ماما طبعاً ،ده عليه كتابات هو مدوب البنات من شويه ؟ بكلامه ولا بشعره وعنيه الخضر دول ولا بعضلاته ،يا سلااااام ، بقولك إيه أنا هبعتلك لينك الصفحه ناو أصلاً عشان فاتحه لما تفتحى أبقى شوفيها

ملك: شعره وعنيه الخضر وعضلاته!!!!!! هو ده إللى بقى بيعجب البنات فى الراجل دلوقتى ؟؟!!!!! وبعدين تبعتى الصفحه ليه وهستفاد إيه يعنى ؟؟! حاجه مش مهمه بالنسبه ليا ، المهم أنا هقفل دلوقتى عشان نعسانه خالص ، وأبقى قولى لأمك كفايه رغى كلت ودن أمى إيييه كفففااايه

ياسمين: نعم يا أختى طاب ده أمى كل ما تقفل موضوع إمك تروح فاتحه غيره عموماً غورى يا محترمه إتخمدى وانا هكمل شات مع صحابى بقى ،سلااااام

ملك: سلااامقفلت ملك مع ياسمين ودخلت على طول نامت عشان تقدر تصحى الصبح لتقديمات الجامعهوالصبح صحيت ملك وراحت هى وباباها وياسمين على الجامعه عشان يقدموا ورقها فى كلية الإقتصاد والعلوم السياسيه وفجأه وهم هناك ياسمين غمزت ملك: إلحقى يا ملك !!! مستغربة

الحلقة 1 - الجزء الاول

إنهارده عقبال عندكم فرح جيهان باضحك
جايه زى القمر فى إيد عريسها والكل حوليهم فرحان لهم
أخيراً وبعد معاناة هيتجمع الحبيبين جيهان وطارق على كتاب الله وسنة نبيه محمد ماتصلوا عليهانا الحب ؟

بس إستنوا جيهان مش البطله !! بطلة الأساسيه هتعرفوها بعد شويه
تم الفرح زى ما خططوا له وأفضل ودلوقتى جت اللحظة الحاسمه العروسه هترمى الورد وكل بنات الفرح متجمعين عشان يعرفوا العروسه إللى عليها الدور ، وكالعاده البنات بيتسابقوا وكل واحده حددت هدفها بوكيه الورد ثم بوكيه الورد

وبدأ العد التنازلى 5 ، 4 ، 3 ، 2 ، واااااحد ورمت جيهان بوكيه الورد
وتحول المنظر من وراها لحلبة مصارعه بحثاً عن البوكيه

أهه البوكيه هناك أهه ورد جميلام العريف •✿•✿•✿•✿
إستقر فى إيد البنت الوحيده إللى كانت واقفه وراها ومش فى دماغها موضوع البوكيه أساساً بس واقفه بناءً على طلب مامتها عشان مايقولوش عليها كئيبة فى الفرح ، وأهه البوكيه جه لغاية عندها

^^ بنت خالة العروسه بنوته طويله خمرية البشره وملامحها رقيقة ،لابسه فستان وردى وحاطه ميك آب خفيف أوى بس عشان برستيج الفستان ،لسه واخده إفراج من سجن الثانويه العامه ومنتظره نتيجة التنسيق ، عقليتها وتفكيرها أكبر من سنها ، رزينة وملهاش فى دلع البنات وبتحب الجد فى كل تصرفاتها مع الناس ومابتهزرش غير مع المقربين ليها ومنهم إللى واقفه جمبها دى >>> #ياسمين (صحبتها الأنتيم وهى بنت عمها وتعتبر بنت خالتها فى نفس الوقت ) ابتسمي للدنيا

بتحب القرايه جداا وبتألف كمان وبتحلم أوووى إن يتطبع لها كتاب وتبقى أديبه مشهوره والناس تحب تقرالها مش عشان عاوزه شهره بس عشان تبقى زى كل الأدباء إللى بتقرالهم وكتبهم موجوده رغم إنهم فارقوا الحياه من سنين بس لسه إسمهم عايش وسطنا ، نفسها تبقى زيهم وتفارق الحياه وإسمها لسه موجود وكتاباتها بتحكى عنها لكل الأجيال إللى بعدها

أيوه هــى بطلة قصتنا •✿•✿ (ملك)•✿•✿
كانت واقفه جمب ياسمين إللى هتموت على بوكيه الورد بس البوكيه إتحدف على ملك ولما البنات إكتشفوا كانت البسمات المصطنعه والتهنئات مع إن من جواهم عاوزين ينقضوا عليها

ياسمين: أيوه يا سيدى يعنى يا سبحان الله بنات الفرح كلهم هيموتوا على البوكيه وفى الآخر يترمى على الوحيده الفقريه إللى مش عوزاه؟؟!!! عموماً مبروك يا لوكا ويابختك يا عم

ملك: إنتى عاوزه تجنينيني؟!!بوكيه إيه يا بنتى إللى هتقطعوا بعض عليه ده؟! ومعرفش إيه المُعتقد الأهبل ده؟! والدليل على هبله إنى أنا إللى أخدته وأنا أساساً مستحيييل هتجوز دلوقتى لما نشوف بقى أنا إللى عليا الدور إزاى ؟؟؟!!!!

ياسمين: إنتى فقريه دايماً كده ، طاب قولى يا رب ولا ناويه تتجوزى الكتب إللى خنقتينا بيها دى ؟؟!

ملك: ياريت أهه الكتب أفيدلى من الجواز والكلام الفاضى ده

ياسمين: الجواز والكلام الفاضى ده؟؟!! طاب خلى أمك تسمعك كده عشان تنقض عليكى وتهجم هجمة رجل واحد لتفتك بكي ياملك

ملك: ههههههههه باضحكومين قالك إن ماما زهقت منى وعاوزه تخلص بقى؟؟! لسه يا حبيبتى عندى أحلام كتييير وأهداف عاوزه أحققها بعدين أبقى أفكر فى الموضوع ده وبعدين أنا لسه خارجه من سجن الثانويه العامه هقبل أتحط فى سجن تانى لا لا لا يا ماما إنسى

ياسمين: وربنا ده أحلى سجن ، طاب هو يجى وانا موافقه أتسجن العمر كله باضحك

ملك:ههههههه ، طاب يا ستى إتفضلى البوكيه هديه منى ليكى عشان النحس يجى عندك وتتسجنى على طول حزينة

ياسمين: نحس فى عينك ، طاب يارب أشوف فيكى يوم يا لوكا ،تتشنكلى فيه وتقعى فى الحب وأما أشوفك وقتها هتبقى عامله إزاى ؟!،تصدقى عندى فضول أشوف إللى هياخدك
الله يكون فى عونه وربنا مامته داعيه عليه

ملك: ههههههههه الله يسامحك يا رخمه عموماً الفضول ده هيفضل عندك كتييير لأنى مش ناويه دلوقتى

ياسمين: وقت ما تقعى فى بحر الحب هتغرقى من غير ما تقولى دلوقتى ولا بعدين عثل عثل

ملك:يا شيخه إتنيلى حب إيه دلوقتى هو انا فيقاله

ياسمين: بس أنا بجد مبسوطه جداً عشان جيهان وأخيراً إتجوزت إللى كانت هتموت نفسها عشانه ، مش عارفه يا أختى حباه على إيه ده واد رخم وإتم أوى أعوذ بالله

ملك:يا سلام إللى يسمعك وإنتى بتتكلمى عن الحب من شويه يقول إنك فاهمه يعنى إيه حب !! بس دلوقتى إنتى بتقولى عكس كلامك إللى كان من شويه ،يعنى إنتى عماله تقولى وقت ما تقعى وقت ما تقعى ودلوقتى بتسألى مش عارفه حبته على إيه ؟؟!! ياماما الحب وقت ما بيدخل قلب إنسان بيعمى العين على طول عن أى حاجه وحشه فى الطرف التانى ، رغم إنها بتكون باينه قصادك بس عينك مش قادره تشوفها لأن قلبك عمال يجمل فى الشخص ده لدرجة إن ممكن تتحول الأخطاء دى لحاجات إنتى حباها فى الشخصيه دى، وده إللى حصل مع جيهان
العيله كلها وأصحابها طلعوا عيوب فى طارق بس هى إتمسكت بيه وعملت المستحيل عشانه ،لأنها مش شايفه العيوب دى عيوب !!
ورغم إنها إتخطبت قبله مرتين وسابتهم برده عشانه ، وبعدين كمان قصة حبهم كانت 6 سنين ياماما مش شويه ، إذا كان لو البنت بطبيعة مشاعرها الجياشه حبت واحد بجد شهر هتتمسك بيه مابالك دول 6 سنين ؟!!!

ياسمين: يا سلام يا سلام مين إللى عماله تتكلم عن الحب ببراعه دى ؟؟إللى يسمعك يقول خبره فيه وإنتى أصلاً عمرك ما جربتيه!!! كوول

ملك: العبره مش فى إنى أجربه ، المهم أفهم معناه صح والحمد الله بخيالى وقلمى بقدر أعيش أى إحساس أحسن من إللى عايشينه على أرض الواقع

ياسمين: يا واش يا واش أفهم من كده إنك بتحلمى بالحب بقى والكلام الحلو ده انا الحب

ملك: يا شيخه إتنيلى شوف أنا بقولك إيه وإنتى تقولى إيه ،مش عارفه يا ياسمين دخلتى هندسه على إيه ؟؟!! لا وعديتى من سنه أولى كمان ؟؟!! وبعدين لما متسربعه على الجواز كده دخلتى الكليه دى ليه ؟؟!!
ياسمين: وده إيه علاقته بده بقى الله ؟؟!!!، يا ماما مفيش بنت على وجه الأرض ما بتحلمش بالفستان الأبيض ونصها التانى إللى هتكمل عمرها معاه لا تقوليلى فى طب ولا هندسه بقى ولا حتى إيه ، طاب إحلفى كده إن إنتى نفسك مش بتحلمى زى أى بنت بالفستان الأبيض ونفسك تعرفى مين إللى هيكمل نصك التانى ؟؟!!

ملك: طاب قفلى على السيره دى بقى يا بت إنتى

وقطع الحوار إللى دار بينهم صوت مامة ملك
_عقبال ما أفرح بيكم يا بنات يااا رب

ياسميين :آميييييييين إدعى من قبلك يا خالتو الله يخليكى وإدعى أوى للمنحوسه بنتك إللى مش عاوزه تتجوز دى

_ بدعيلكم والله يا حبيبة خالتك ، تعالوا يلا عشان نسلم على بنت خالتكم قبل ما تمشى

ياسمين: أيوه يلا عشان ألحق أقرصها فى ركبتها

ملك: هههههههههههههه هو إنتى فى كل فرح كده يا بنتى إرحمى العرايس و إعملى المستحيل يا ياسمين وبرده مش هتتجوزى دلوقتى

ياسمين : أعوذ بالله عليكى طاب أخرسى بقى ويلا نلحقها عشان هتركب العربيه أهه

روحت ملك من الفرح تعبانه ودخلت نامت على طول، صحيت الصبح على دوشة ياسمين وهى بتصحيها
ملك: يووووووووووه إيه يا زفته مش لسه سايباكى إمبارح ،عاوزه إيه ع الصبح؟؟!!

ياسمين:عاوزه أقول لحضرتك قومى يا هانم نتيجة التنسيق جت

إنتفضت ملك :والله العظيم ؟؟طيب إيه جاتلى كلية إيه ؟ إنطقى يا ياسمين بطلى هزار بقى

ياسمين : أممممممممم جاتلك جاتلك بصى هو إنتى هتبقى معايا يعنى فى نفس الجامعه يعنى، وكليه مش بطاله يعنى

بصت لملك لقت نظراتها تنم على إنها هتقتلها لو مانطقتش دلوقتى حالاً ياسمين:طيب خلاص خلاص هقول وألحق نفسى قبل ما أتهزق ولا أروح فيها ،حضرتك دخلتى كليـــــــــــــــــة إقتصاد وعلوم سياسيه يا سيادة السفيره

ملك: الله أكبر ولله الحمد ،وفضلت تتنطت وتبوس فى ياسمين وجريت باست ماماتها وباباها والكل كان فرحان ليها عشان دخلت الكلية إللى كان نفسها فيها

دخلت إتوضت وصلت ركعتين شكر للهيارب

وقعدت تحكى هى وياسمين شويه وروحت ياسمين وسابتها فاتحه الفيس بوك وهى قاعده بتتصفح لقت آدد إتبعتلها من
(Arch Waleed Wahdan) ،وطبعاً كالعاده كنسلت الطلب لأنها مابتضيفش ولاد ، وفجأه لقت رساله جيالها فتحت الــ (Inbox) وإذا به نفس الشخص ولما شافت الرساله إستغربت جداً !!!!!

وإنتهت حلقة إنهارده هنا ، إنتظرونا فى الحلقه الجايه عشان نعرف الرساله كان فيها إيه وملك إستغربت ليه ؟؟!

الحلقة 40 - الجزء الثالث

وقفنا الحلقه إللى فاتت عند أما

قامت كرستين لـ الحمام غسلت وشها وأخدت إسبرين لـ الصداع ودخلت تنام شويه ، لسه هتدخل ولقت حاجه على السفره قربت ولما شافتها إستغربت !!!!

ورق مطبوع بعنوان #إنّ_الدين_عند_الله_الإسلام !!!

ما إدتش لـ الورق أى إهتمام خصوصاً إن دماغها هتنفجر من الصداع ، فقالت أكيد ملك نسيته عندها سابته مكانه ودخلت نامت على طول

صحاها من نومها آذان الفجر الله أكبر الله أكبر

زفرت بضيق : أووووف هو كل يوم الإزعاج ده

حطت المخده على ودنها وكمّلت نوم

ولسه هتروح فـ النوم وصل لمسامعها آيات خلتها قامت من نومها وقعدت ع السرير

سامعه الإمام فـ المسجد بيرتل بصوته العذب

(( لَّقَدْ كَفَرَ الَّذِينَ قَالُواْ إِنَّ اللَّهَ هُوَ الْمَسِيحُ ابْنُ مَرْيَمَ قُلْ فَمَن يَمْلِكُ مِنَ اللَّهِ شَيْئًا إِنْ أَرَادَ أَن يُهْلِكَ الْمَسِيحَ ابْنَ مَرْيَمَ وَأُمَّهُ وَمَن فِي الأَرْضِ جَمِيعًا وَلِلَّهِ مُلْكُ السَّمَاوَاتِ وَالأَرْضِ وَمَا بَيْنَهُمَا يَخْلُقُ مَا يَشَاء وَاللَّهُ عَلَى كُلِّ شَيْءٍ قَدِيرٌ * وَقَالَتِ الْيَهُودُ وَالنَّصَارَى نَحْنُ أَبْنَاء اللَّهِ وَأَحِبَّاؤُهُ قُلْ فَلِمَ يُعَذِّبُكُم بِذُنُوبِكُم بَلْ أَنتُم بَشَرٌ مِّمَّنْ خَلَقَ يَغْفِرُ لِمَن يَشَاء وَيُعَذِّبُ مَن يَشَاء وَلِلَّهِ مُلْكُ السَّمَاوَاتِ وَالأَرْضِ وَمَا بَيْنَهُمَا وَإِلَيْهِ الْمَصِيرُ))

مسكت راسها وقامت قفلت إزاز الشباك وراحت ع المطبخ تاكل أى حاجه ، خرجت لـ السفره فـ إيديها طبق فيه كام ساندوتش وبتاكل فـ ساندوتش فـ إيديها التانيه ، وهى بتاكل لمحت ورق ملك والفضول دفعها تفتحه وتشوف إللى فيه

ملك ما كدبتش على كرستين هى بالفعل بتعمل كتاب جديد بس من نوع مختلف المره دى !!!

عملت بحث يثبت إن الدين عند الله هو الإسلام

وسابت الورق ده عند كرستين قبل ما تطلع وبالفعل كرستين لقته وبدأت تقراه سابت الساندوتش وكملت قرايه بإندماج ودهشه فـ نفس الوقت

بعد ما خلّصت حست إن حالة بالليل هترجعلها تانى رمت الورق بكل قوتها : وأنا ليه هضيع وقتى وأقرا التفاهات دى

كملت أكلها وهى بتمضغ بعصبيه انا باغلي

وقامت على طول جهزت شنطتها قررت تقضي يومين فـ إسكندريه تهدّي أعصابها..... وبالفعل الصبح سافرت من غير ما تودّع ملك ولا حتى تقولها ~
••••••••●••••••••●••••••••••●•••••••••●••••••••●•• •••••

ملك كانت مقضيه اليوم عند أهل محمد وماكنش عاجبها حماها ولا حماتها حاسه إن فيه حاجه شغلاهم أو مضيقاهم !!!

والغريب إن محمد إتكلم مع باباه وبعدها حاله إتقلب وإتضايق هو كمان !! وأول ما روّحوا سألته ملك عن سبب ضيقه ؟!

محمد بضيق : الحاج واقع فـ ضيقه ماديه يعني وإنتي عرفانى لما بشوف حد من أهلى متضايق بتضايق أنا كمان حزينة( !

ملك : سلامتك من أى ضيق يا روح قلبي روّق وإن شاء الله هتتحل

محمد : أكيد إن شاء الله بس المشكله إن قبضي لسه بعد أسبوع والحاج عاوز الفلوس خلال يومين ! شفت المبلغ إللى بنحطه على جنب كل شهر عشان لو لقدر الله حصلت حاجه ولقيته مش مكفى المبلغ المطلوب !

ملك : ممممم طاب ما تكلم معتز يكمل ع المبلغ إللى معاك ؟!

محمد : أهه ده سبب تانى لزعل أمى حزينة ، إتصلت بمعتز وقالتله ، تانى يوم على طول شيرين كلمتها وده على غير العاده وبدأت تعددلها فـ الأقساط إللى عليهم ومصاريف الولاد والحياه هناك غاليه إزاى ...إلخ فأمى زعلت وقالت مش هتطلب منه تانى

ملك : الله أعلم يا محمد يمكن فعلاً مش هيقدروا يساعدوا دلوقتى ما تقلقش يا حبيبي إن شاء الله هتدبّر الله كريم ^^ ، وبلاش التكشيره دى مابحبهاش حزينة

إبتسم محمد ومسح على شعرها : عندك حق الله كريم وإن شاء الله هتدبّر بس انا بفكر فـ حل

ملك : إيه هو ؟

محمد : أروح لأستاذ علوانى فـ الشغل وأطلب منه المرتب بدرى أو حتى سُلفه إيه رأيك ؟

ملك : مممممم فكره كويسه وربنا ييسر ، إنت دلوقتى نام شويه يا حبيبي عشان تعرف تروح الشغل فايق وإن شاء الله تدّبر

إتنهد محمد : إن شاء الله

تانى يوم محمد راح ع الشغل وهو مقرر يكلم المسئول ع المرتبات وبيدعى ربنا إنه يوافق ، خبّط ودخل كان أستاذ علوانى بيتكلم فـ الموبايل قاله يقعد لحظة ، قعد محمد فـ إنتظاره ولقى موبايله بيرن وكانت أمه فخرج بره يرد عليها

محمد : أيوه يا أمى

أمه : ربنا ما يحرمنا منك أبداً يا نور عيني الأمانه وصلت

محمد : أمانة إيه ؟!!

أمه : ظرف الفلوس إللى بعتّه

محمد : أنا ؟؟!! ظرف إيه ؟؟!!!

أمه : الظرف إللى بعتهولى مع ملك !!!!

محمد مش فاهم أى حاجه !!! ولا عارف ظرف إيه إللى أمه تقصده ! وقبل ما يسألها تانى

أمه : معلش يا حبيبي هقفل دلوقتى عشان الأكل هيشيط وهكلمك تانى سلام

قفلت أمه وهو مش مستوعب حاجه ! فكلم ملك وسألها قالتله لما يرجع البيت هتقوله بس المهم خلاص مايكلمش أستاذ علوانى ولا يعمل حاجه المشكله إتحلت ، لذلك راح كمل شغله ومنتظر يفهم من ملك لما يروّح إن شاء الله !

ملك من وقت ما عرفت بمشكلة حماها وهى بالها مشغول وعلى طول شافت الفلوس إللى كانت محوشاها لما باباها يديلها فـ المناسبات وكملت عليهم من الفلوس إللى بيشلوها على جنب كل شهر لـ الزنقات والحمدلله كملت المبلغ المطلوب ، حطته فـ ظرف وقبل ما تروح على شغلها تانى يوم عدت على أهل زوجها إدت لحماتها الظرف

الحاجه صفاء : إيه الظرف ده ؟!

ملك : معرفش يا ماما محمد طلب منى أوصله لحضرتك قبل ما أروح الشغل عشان مالحقش يجيبهولك قبل شغله

إبتسمت الحاجه صفاء : أه خلاص إفتكرت الظرف ده بتاع إيه يا حبيبتي تسلمي

ملك : عاوزه حاجه قبل ما أمشي يا ماما ؟

الحاجه صفاء : ما تقعدى إفطرى معايا انا لسه مافطرتش

ملك : معلش يا حبيبتي عشان ما اتأخرش ع الشغل بس

سلّمت ملك عليها ومشيت وهى مبسوطه

رجع محمد من شغله وعلى طول سأل ملك عن ظرف الفلوس !!!

ملك : خلاص يا حبيبي المسأله مش محتاجه نتكلم فيها كتير مشكله وإتحلت

محمد : أيوه أنا فاهم جبتى الفلوس منين ؟!

ملك : من مصروف البيت إللى محوشاه زائد الفلوس إللى شايلنها للأزمات وإتجمع المبلغ وزياده كمان الحمدلله

محمد : أيوه يا ملك بس دى فلوسك يا حبيبتي

ملك : إخص عليك يا محمد هو إحنا فيه بينا فلوسى وفلوسك ثم الفلوس إللى حطتها دى برده فلوس حضرتك من مصروف البيت وبعدين أهلك دول أهلى وإللى يمسهم يمسنى أنا كمان يا أستاذ يا إللى بتقول إننا واحد وطلعت شعارات ع الفاضي

محمد : مش شعارات ع الفاضي والله يا روحى بس

ملك : مابسش خلاص المشكله إتحلت ماتتكلمش كتير بقى

إبتسم محمد : حاضر يا أغلى إنسانه لقلبي ، ربنا ما يحرمنى منك أبداً يا أعظم زوجه فـ الدنيا

ملك : ولا يحرمنى منك أبداً يا روحى وبعدين إن كنت زى ما بتقول أعظم زوجه فده عشان ربنا رزقنى بزوج مفيش منه فـ الدنيا دى أصلاً

طبع قبله على جبينها وباصلها بعيون مبتسمه أوى وهو بيحمد ربنا إنه رزقه بزوجه صالحه زيها بتعينه فـ كل وقت فـ فرحته وفـ ضيقته وتحمل همه بتمثل نصه بل كل حياته بجد
••••••••●••••••••●••••••••••●•••••••••●••••••••●•• •••••

وصلت كرستين إسكندريه وعلى طول راحت ع البحر ولمّا نسيم الهوا داعب وشها إبتسمت بفرحه وإفتكرت أيام زمان والفتره إللى عاشتها فـ الإسكندريه قبل ما تسافر ، إفتكرت أهلها وأصحابها اللحظه دى كانت كفيله تنسيها أى هم أو ضغط ^^

ملك نزلت عند كرستين ومالقتهاش فـ البيت إتصلت بيها و لقت الموبايل مقفول ! ، مروا يومين وكرستين مختفيه وده إللى خلّي ملك تقلق أووى عليها

كرستين قضت يومين من أجمل الأيام إللى مرت عليها مفيش قلق من أى حاجه ولا ضغوط نفسيه ، كل يوم تروح ع البحر تنطلق بحريه وتودع همومها مع كل موجه رايحه وجايه

وإنهارده نزلت تدور على أصحاب زمان يمكن يكونوا موجودين فـ نفس المكان ، ولإنها ماتعرفش الأماكن ومش هتعرف تمشى فـ إسكندريه فركنت العربيه وركبت تاكسي ، راحت عنوان أقرب صاحبه ليها زمان و وأصحابها الباقيين ،، شكل الأماكن إتغيرت بس حاسه بروح زمان لسه موجوده فـ كل ركن فـ المكان

لقت البيوت لكن مالقتش حد منهم مشيوا من زمان حزينة

ركبت تاكسي لـ الفندق والسواق كان مشغل خطبه ، فـ شغلت أغانى ، حطت السماعات فـ ودنها وسرحت مع الطريق وبتصور بالكاميرا الشوارع والسما الصافيه

وهى بتصور شدت السماعه بدون قصد وقبل ما تعدلها لفت إنتباهها كلام الشيخ إللى بيخطب وصوته وبداية القصه إللى لفتت إنتباهها وخلتها تكملها كان صوت الشيخ كشك وهو بيدأ قصة أبا اليزيد والقسيس ، سمعت القصه والـ 12 سؤال بلا مبالاة و من جواها بتسخر من الشيخ كشك والقصه !

بس إتشدت تعرف إجابة السؤال إللى سأله أبا اليزيد لـ القسيس !

وأول ما الشيخ كشك نطقها بصوته إللى بيهز القلب سمعتها وحست قلبها بيهتز معاه
مفتاح الجنّه (( لا إله إلا الله محمد رسول الله ))

رغم اللا مبالاة إللى كانت بتسمع بيها القصه وإنها كانت بتقول مش حقيقيه بس إهتز قلبها فـ الجزء ده وقبل ما التاكسي يكمل الطريق لـ الفندق وقفته وكملت الطريق مشى

حست إن قلبها إتفزع وماتعرفش السبب إيه ؟!!!

وصلت الفندق ولما دخلت أوضتها وحاولت تنام إفتكرت الحوار إللى دار بينها وبين ملك ، الأسئله إللى ملك سألتها دورت جواها على إجابات مقنعه ومش لاقيه ؟!!!! حاولت تفهم ليه لما بتسمع القرآن بتحس إنه بيوصل لقلبها ومش لاقيه إجابات لأى حاجه كل ما تفكر فـ الموضوع ده تدخل نفسها فـ صراع لحد ما تحس دماغها هتنفجر من الصداع !!!
••••••••●••••••••●••••••••••●•••••••••●••••••••●•• •••••

محمد مسافر إسبوع تبع الشغل وملك كعادة كل مره بتحضرله الشنطه وهى بتبكي وتخبيله الجوابات كالعاده فـ الهدوم :')) ، و ودعهم بحضن ضم فيه التلاته ملك وحمزه وحفصه ♥ :'))

مروان فـ ذكرى زواجه هو ولوجين أخد أجازه من الشغل وحجز فـ فندق فـ الغردقه عشان يقضوا سوا أسبوع عسل ^^ ، إقترح يسيبوا سلوان عند ملك ولوجين كان نفسها تاخدها معاهم بس عشان مروان ما يزعلش وافقت وبالفعل ودّوا سلوان عند عمتها وسافروا ع الغردقه ^_^ ♥
••••••••●••••••••●••••••••••●•••••••••●••••••••●•• •••••

دخلت كرستين ع اليوتيوب ولقت نفسها بتجيب فيديوهات عن مسيحين دخلوا الإسلام وتحمّل كتب عن الإسلام ، بدأت تقرا عن الدين ده لمجرد الإطلاع أو لسبب هى مش عارفه تحدده !!

رجعت القاهره وماقلتش لملك إنها رجعت ، حتى سمعت ملك بتخبط ع الباب أكتر من مره وماردتش عليها ، قرت كتير عن القرآن وقررت تشترى مصحف تقرا الكلام إللى فيه ضمن الكتب إللى قريتها برده مجرد إطلاع ، لبست إيشارب على شعرها عشان البيّاع مايشكش إنها غير مسلمه وراحت أقرب مكتبه إشترت مصحف وروّحت ،، كانت هتفتحه لكن حاجه وقفتها فشالته فضلت تفكر هى ليه بتعمل كل ده وليه شاغله بالها بالدين ده !!! ليه كل حاجه حوليها بتخليها عاوزه تعرف عنه أكتر !! ليه وليه وليه ملت راسها بأسئله كتيير من غير إجابات !!

لقت نفسها بتمسح كل الكتب إللى نزلتها وتمحى كل حاجه عن الإسلام ، غيّرت هدومها وراحت الكنيسه ، فضلت قاعده هناك شارده لربع ساعه وخرجت تانى ، فضلت تمشي بلا هدف وهى بتحاول تهرب من الأفكار إللى فـ راسها حزينة ، رجعت البيت بالليل من التعب نامت على طول -_-

مروان ولوجين قضوا أسبوع من أجمل الأسابيع فـ حياتهم ♥ ^_^ ، رموا كل الهموم ورا ضهرهم ورغم إن لوجين فـ الأول كانت قلقانه على سلوان بس عيون مروان وضمة قلبه لـ قلبها طمنتها وأجبرتها ترمى أى هم ورا ضهرها وترفرف معاه بـ حريه ،،، جددوا عهد حبهم وصفّوا كل حساباتهم عشان يمحوا الألم والزعل من قاموس حياتهم ♥ ^_^

محمد رجع من السفر وكانت فرحة ملك وولادها ماتتوصفش ♥ ^_^ مابيعرفوش يقعدوا فـ البيت من غير محمد ^_^ فتح الشنط ، وزّعلهم الهدايا ♥ وقعد يحكي لحبيبته عن رحلته بالتفصيل

كرستين قلقت فـ نص الليل فتحت التليفزيون وقلّبت فـ القنوات بلا هدف وإفتكرت المصحف إللى إشترته

قامت ..... جابته وبما إنها سمعت كتير بيقولوا إنه كلام ربنا فـ قررت تفتحه على أى صفحه بشكل عشوائي وتشوف هيطلعلها إيه ؟!! ، غمضت عيونها أخدت نفس عميق وفتحته وأول ما فتحت عيونها لمحت تحديداً :
#اليوم_أكملت_لكم_دينكم_وأتممت_عليكم_نعمتي_ورضيت_لك م_الإسلام_دينا

قلبها حس بإحساس مايتوصفش فـ اللحظه دى يمكن خوف أو راحه أو يمكن حيرتها زادت ، قفلته والصراعات رجعت من تانى ، مسكت دماغها وصرخت : كفــــايه حزينة ، حاسه إنها مش قادره تتنفس خرجت بره الشقه وطلعت فوق سطح العماره حزينة

نزل محمد لـ المسجد قبل صلاة الفجر بـدقايق إنهارده هيصلّي بالناس إمام ،، رايح لـ المسجد وبيستغفر طول الطريق ويراجع الآيات إللى هيصلّي بيها

وقفت كرستين وبصت لـ السما فـ هدوء الليل ، بدأت تبكي :'( :

أنا حاسه إنى تايهه طيب بص أنا مش هسأل حد يدلنى أنا هسألك إنت مش إنت إللى خلقتنى وخلقت كل الكون ده أنا بكلمك إنت أهه مش هدور على طريقه تخص أى دين وأكلمك بيها أنا بطلب منك تقولى فين الحق وفين الباطل

بدأت تصرخ :

أرجووووووووووووووووك أنا بجد تعبت ، يلاااااا وريني الحق بأى علامه رد عليا بأى حاجه تعرفنى الحق .... طيبب قولى يسوع إبنك؟؟!! يسوع إله ؟!!!!! جاوبنيييييييييي أرجووووووك انا باغلي

قعدت فـ الأرض وهى منهاره وسمعها رب السماوات والأرض وجتلها الإجابه فـ آذان الفجر ، عليت #الله_أكبر الله أكبر فـ كل مكان ، وقفت وهى بتمسح دموعها وشهقاتها مستمره ، كل ما يسكت آذان فـ مسجد تعلى الله أكبر فـ مسجد تاني ♥

إستعد محمد للصلاه ، إستقامت الصفوف ، قرأ الفاتحه وبعدها رتل بصوته العذب كلمات الحق :

(( وَإِذْ قَالَ اللَّهُ يَا عِيسَى ابْنَ مَرْيَمَ أَأَنْتَ قُلْتَ لِلنَّاسِ اتَّخِذُونِي وَأُمِّيَ إِلَهَيْنِ مِنْ دُونِ اللَّهِ قَالَ سُبْحَانَكَ مَا يَكُونُ لِي أَنْ أَقُولَ مَا لَيْسَ لِي بِحَقٍّ إِنْ كُنْتُ قُلْتُهُ فَقَدْ عَلِمْتَهُ تَعْلَمُ مَا فِي نَفْسِي وَلَا أَعْلَمُ مَا فِي نَفْسِكَ إِنَّكَ أَنْتَ عَلَّامُ الْغُيُوبِ (116) مَا قُلْتُ لَهُمْ إِلَّا مَا أَمَرْتَنِي بِهِ أَنِ اعْبُدُوا اللَّهَ رَبِّي وَرَبَّكُمْ وَكُنْتُ عَلَيْهِمْ شَهِيدًا مَا دُمْتُ فِيهِمْ فَلَمَّا تَوَفَّيْتَنِي كُنْتَ أَنْتَ الرَّقِيبَ عَلَيْهِمْ وَأَنْتَ عَلَى كُلِّ شَيْءٍ شَهِيدٌ (117) إِنْ تُعَذِّبْهُمْ فَإِنَّهُمْ عِبَادُكَ وَإِنْ تَغْفِرْ لَهُمْ فَإِنَّكَ أَنْتَ الْعَزِيزُ الْحَكِيمُ (118) قَالَ اللَّهُ هَذَا يَوْمُ يَنْفَعُ الصَّادِقِينَ صِدْقُهُمْ لَهُمْ جَنَّاتٌ تَجْرِي مِنْ تَحْتِهَا الْأَنْهَارُ خَالِدِينَ فِيهَا أَبَدًا رَضِيَ اللَّهُ عَنْهُمْ وَرَضُوا عَنْهُ ذَلِكَ الْفَوْزُ الْعَظِيمُ (119) لِلَّهِ مُلْكُ السَّمَوَاتِ وَالْأَرْضِ وَمَا فِيهِنَّ وَهُوَ عَلَى كُلِّ شَيْءٍ قَدِيرٌ (120) ))

كرستين سمعت الآيات دى بـ قلبها وحست إن ربنا بيجاوب عليها :'( ، فضلت تبكي بحرقه وشهقاتها تعلى :'( ، نزلت على بيتها بسرعه ، جسمها كله بينتفض ودموعها مش عاوزه تقف ،

صرخت : يــــــــــــــــــــــــــــــــــــــا رب :'( وفقدت وعيها في نص هدومي

رجع محمد من المسجد ولقى ملك فـ إنتظاره : ربنا يبارك فيك يا حبيبي ♥ ^_^ بس إنت مش كنت هتصلي بالناس من آل عمران!

محمد : فعلاً وكنت ماشى طول الطريق براجع الآيات ولما بدأت صلاه لقيت نفسي بصلى بآخر آيات سورة المائده

ملك : ربنا يتقبل منك ويرضي عنك يا حبيبي ♥

محمد : وإياكـِ~ يــا رب ♥ صحى الولاد بقى عشان نبدأ مراجعة الحفظ

ملك : حاضر حالاً هصحيهم ^_^

دخلت ملك صحّت حمزه وحفصه وقعدوا كلهم فـ مكان العباده بتعاهم ^_^ راجعوا مع محمد ع الحفظ ، رددوا الأذكار سوا ^_^ و شكلهم يشرح القلب ♥

فاقت كرستين والآيات إللى سمعتها فـ الفجر لسه بتتردد فـ ودنها وخصوصاً

((سُبْحَانَكَ مَا يَكُونُ لِي أَنْ أَقُولَ مَا لَيْسَ لِي بِحَقٍّ إِنْ كُنْتُ قُلْتُهُ فَقَدْ عَلِمْتَهُ تَعْلَمُ مَا فِي نَفْسِي وَلَا أَعْلَمُ مَا فِي نَفْسِكَ إِنَّكَ أَنْتَ عَلَّامُ الْغُيُوبِ ))

بدأت نوبة البكا من تانى :'( ، إفتكرت حوار ملك ، ورقها ، الكتب إللى قريتها ، الآيات إللى كانت بتسمعها قدراً فـ كل مكان ، الخطبه وقلبها إللى إهتز عند لا إله إلا الله محمد رسول الله ♥ ،، المسجد إللى كل يوم فـ صلاة الفجر بيصلّي بآيات عاديه إنهارده تحديداً صلاة الفجر تكون بالآيات دى ... إلخ ، حست إن ربنا هيألها كل ده عشان تعرف الحق ، حست إنه كان بيندهلها فـ كل وقت ، قامت غسلت وشها وطلعت لـ ملك

ملك ودّعت محمد و ولادها ، جهزت عشان تروح ع الشغل ولقت جرس الباب بيرن ، فتحت وماكنتش مصدقه إنها شايفه كرستين قصادها :

كرستيين حبيبتي ♥ أخيييراً :'( ، أنا أسفه أوى لو كنت زعلتك منى وده السبب إللى خلاكى مختفيه كل ده ، والله ما أقصد أضايقك أنا أسفه اووى يا حبيبتي ♥ تعالى إدخلى

مسكتها ملك من إيديها بتدخلها يقعدوا جوه ووقفت ملك فجأه بصدمه مستغربة لما سمعت كرستين بتردد :
#أشهد_أن_لا_إله_إلا_الله و #أشهد_أن_محمداً_رسول_الله

إلتفتتلها ملك ومازالت مصدومه مستغربة وعنيها بتسأل إللى قولتيه ده بجد !!!!!!!

بدأت دموع كرستين تنساب ورددت مره تانيه الشهادتين وقبل ما تكمل ضمّتها ملك أوووى وهى بتبكي بحرقه :'(

ملك : مش ممكن يــــا الله ♥ أشهد أن لا إله إلا الله وأشهد أن محمداً رسول الله

فضلوا يبكوا هم الإتنين سوا :'( سابت ملك حضنها وضمّت الأرض فـ سجده ، بللت الأرض بدموع فرحتها :'(( ♥ مش قادره تتكلم من البكا رددت بشهقاتها : سبحااانك يا عظيم يا الله ، اللهم لك الحمد حمداً كثيراً طيباً مباركاً لما فيه ملء السماوات وملء الأرض وملء ما بينهما وملء ما شئت من شئ بعد :'((

قامت ملك من سجدتها لقت كرستين ساجده جنبها وبتبكي وبس :'( بتبكي وقلبها هو إللى بيردد دعا :'((

تأملتها ملك وهى بتمسح دموعها :')) وأول ما قامت من سجدتها ضمّتها تانى لحضنها ، قاموا سوا ع الحمام إتوضت ملك وكرستين وراها خطوه خطوه ، خلصوا وضوء

ضمت ملك إيدين كرستين وقالتلها تردد وراها :

الحمدلله رب العالمين والصلاة والسلام على سيدنا محمد وعلى آله وصحبه وسلم ،،، آمنت بالله ،،وملائكته،، وكتبه،، ورسله ،، واليوم الآخر،، أشهد أن لا إله إلا الله وحده لا شريك له وأشهد أن محمداً رسول الله ،،،رضيت بالله تعالى رباً وبالإسلام ديناً وبـ محمد صلَّ الله عليه وسلم نبياً ورسولا ،،، وآمنت بأن موسي عبد الله ورسوله وأن عيسي عبد الله ورسوله وأن محمداً صلى الله عليه وسلم خاتم الأنبياء والمرسلين وبرئت من كل دين يخالف دين الإسلام والله على ما أقول شهيد ،، وصلى الله على سيدنا محمد وعلى آله وصحبه وسلم والحمدلله رب العالمين

رددت كرستين ورا ملك ومع كل حرف تردده قلبها يحس براحه ماحسهاش قبل كده ♥ ، دموعها نازله :'( ودموع ملك نازله معاها :'( ، لبست حجاب وخدتها ملك عشان تعلن إسلامها فـ مشيخة الأزهر

(( إنك لا تهدي من أحببت ولكنّ الله يهدي من يشاء وهو أعلم بالمهتدين ))

كانت بتكره المسلمين بشكل لا يمكن تخيله وعمرها ما تصورت إن هيجي اليوم إللى تكون فيه مسلمه ♥ عمرها ما تخيلت إن إسمها هيتحول من كرستين لـ #فاطمه

ربنا أراد تهتدى لـ الإسلام ، كل إللى كان بيحصل حوليها رساله من ربنا ليها ♥ والله جل جلاله إذا أراد شيئاً قال له #كن #فيكون :'))

محمد لما رجع من الشغل مالقاش ملك فـ البيت وإستغرب إنها مارجعتش من الشغل لـ دلوقتى لسه هيكلمها ولقاها بتفتح فـ باب الشقه

محمد : إيه يا حبيبتي إتأخرتى كده ليه ؟!

ملك : أسفه يا حبيبي ^_^ كنت عند فاطمه ♥

محمد : دكتوره فاطمه طالعه معايا ع السلم وسلمت عليها O.o !

ملك : أنا ماقولتش دكتوره فاطمه ، أنا قلت فاطمه ^_^

محمد : فاطمه مينملخبطة !

ملك : كرستين سابقاً ^^

محمد : مستغربةملخبطة !!!!!!!!!!!!!!!!!!!!!!!!!!!!!

ملك : كرستين أعلنت إسلامها وأصبحت فاطمه ^_^

محمد : إنتى بتتكلمى جد مستغربة !!!!

ملك : أه والله بتكلم جد ^_^

لمعت عيون محمد ومش مصدق : الله أكبر ولله الحمد الله أكبر ، ما شاء الله تبارك الله :'))

ضم ملك لحضنه ♥ وهو مش عارف يعبر أو يقول أى كلام :')) ، حكتله على كل حاجه وفرح فرحه دمعت لها عيونه :')) ، دعا ربنا يثبّت فاطمه على الدين الإسلامي ♥ وملك بتأمن على دعائه ~
••••••••●••••••••●••••••••••●•••••••••●••••••••●•• •••••

ملك بدأت تكمّل كتابها وفاطمه ساعدتها فـ تكملته وإدتلها تفاصيل تدعم بيها كتابها وإللى قائم فـ الأساس على قصة كرستين إللى ربنا أنعم عليها بالهدايه للإسلام و أصبحت فاطمه.... والحمدلله خلّصته وبدأت إجراءات طباعته

فاطمه من وقت ما دخلت الإسلام وملك جنبها خطوه بـ خطوه ، بدأت تقرا أكتر وأكتر عن الإسلام #دينها ^^ ، مابتفوتش ولا صلاه ، ولا درس ديني ، المصحف دايماً فـ إيديها ودموع الخشيه مافارقتش عنيها :'((

بعد شهرين كتاب ملك أصبح جاهز بل ومنور بإسمها وعنوانه فـ كل المكتبات #ورضيت_لكم_الإسلام_دينا

الكتاب من أول ما نزل الحمدلله حقق مبيعات غير متوقعه ، بل وأصبح حديث الناس

وفاز كتاب ملك بجائزة أفضل كتاب العام ده وإتعملت حفلة تكريم ليها ^_^

محمد فخور إن ملك زوجته ♥ وفرحان لـ نجاحاتها وبيدعي دايماً ربنا يرفعها أعلى الدرجات دنيا وآخره ♥ ^_^ ~

الكل حضر حفلة التكريم .. أهل محمد وأهل ملك وطبعاً أم حفصه ملك ألحت عليها وقالت لازم تحضر الحفله دى وبالفعل رجعت من السفر عشان تحضرها ....لميس وعمر ومعاهم بنتهم فرح ... ياسمين ومحى وإبنهم مالك ... لينا ومصطفى وإبنهم حسام وأهلها ... محمود ومروه والصغنتوته مرام ^^ ... ساره ومهند وإبنهم مصعب ^^ وأختها سميه وولادها ... وأكيد طبعاً مروان ولوجين وسلوان ^^ ♥

الكل إتجمعوا عشان يشاركوا ملك فرحتها ♥ ، قعدت ملك فـ أول صف وعلى يمينها محمد وجنبه ولادها وعلى يسارها فاطمه ضامه إيد ملك ♥ ^_^

بدأوا مقدمه عن الكتاب وعن الكاتبه وندهوا إسمها ، أخدت نفس عميق ، سمّت الله طلعت ع المسرح بصت لـ الأعداد المهوله إللى حاضره إنهارده وحست بقلق بصّت على كل أهلها وأحبابها إللى متجمعيبن فـ أول صف ولقتهم مبتسمين فـ إبتسمتلهم رغم توترها ، وزال التوتر لما لمحت طيف حفصه بيبتسملها وسط الحضور ، شايفاها واقفه هناك بتشجعها بـ إبتسامه تشرح القلب ♥ :')) ، لمعت عيون ملك ، مسكت المايك بدأت بتحية الإسلام السلام عليكم ورحمة الله وبركاته

فتحت الكتاب وقرت الإهداء إللى فـ أوله :
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

إهداء إلى الغائبة الحاضره ، إلى من سكنت قلبي ورافقتني حتى هذه اللحظه

إهداء إلى من تنام فـ إطمئنان تحت التراب بين يدي ربّها ، إهداء إلى رفيقة دربي وتوأم روحي ونبض قلبي #حفصه ، إهداء إلى من أتمنى أن يجمعنى الله بها فـ الجنّه ~

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــ

إنهارده الإنجاز والحلم ده مش حلمى أنا ده حلمها هى صاحبة الإهداء حلم حفصه أختى وصديقتي ورفيقة عمري ♥ :')) ، إهداء لـ إللى تنبأت باليوم ده وبـ إنى هقف وسط كل الجموع دى وأهه دلوقتى حصل و روحها معايا بتشجعنى زى ما هى مافارقتنيش لحظة واحده فـ حياتى :'( ♥

إختنق الكلام وإنسابت دموع ملك :'( ، سكتت لـ لحظات وتأملت طيف حفصه وهو بيقرب منها ، غمضت عيونها :'( صافحت وشها من تحت نقابها نسمه حست إنها قبله منها :* :'( ، إبتسمت وقالت وسط دموعها : ده أنا حتى لابسه إنهارده نقابها هى :')) ، وعمر قلبي ما وقّف لحظه دعائه بإن ربنا يجمعنى بيها فـ الجنّه :'(

أم حفصه بتسمعها ودموعها نازله :'( مشتـــاقه أووى لضمّة بنتها :'( وفجأه قامت وجريت على ملك وهى واقفه ع المسرح وضمّتها وهى بتبكي بحرقه :'( ، ضمتها عشان قلبها المنفطر على بنتها يقابل قلب ملك إللى بيبكي شوق لـ حفصه ويطبطبوا على بعض :'((

نزلت دموع الحاضرين وخرّجهم مقدم الحفله من اللحظه دى بإعلان وقت تسليم الجايزه لـ ملك ، وأول ما إستلمتها نزلت لأمها مسكت إيدها وخدتها معاها ع المسرح ، وسلّمت الجايزه لـ إتنين أمها وأم حفصه قالت إن دول إللى يستحقوا الهديه دى تحديداً :')) ♥

شكرت ملك كل إللى ساعدوها فـ كتابها وأهمهم فاطمه ♥ ^^

قام محمد أنشد قصيده كان مجهزها هديه لـ ملك ومدرب حمزه وحفصه كمان عليها وأنشدوها معاه ^_^ ♥ ، سمعتها ملك بـ فرحه ، والكل هنّاها وكان فرحان لـ فرحتها ^^ ، وخصوصاً أبوها وأمها إللى كانوا فخورين إنها بنتهم ♥ :'))

بعد الحفله كلهم مشيوا وملك طلبت من محمد يوديها مشوار وبعدين يروّحوا وافق محمد و ودّاها عند قبر حفصه :'))

وقفت عند قبرها ولمسته بإيديها فتحت شنطتها وطلعت ورقه : فاكره الجواب ده ؟؟!! وحشتيني أوى يا حفصه :'( ، تعرفى إنى على طول بـ اقراه :'(

بدأت ملك تقرا بـ صوت متهدج :'(

ــــــــــــــــــــــــــــــــــــــــــــــــــ ــــــــــــــــــــــــــــــــــــــ

بسم الله الرحمن الرحيم

سلام الله تعالى عليكي ورحمته وبركاته ابتسامة

ملك حبيبتي وأختي وأعز صديقة ليّا ، ربنا أراد يجمعنا فى حبه فى الدنيا وأتمنى أن يجمعنا فى الفردوس الأعلى

أنا بكتبلك الجواب ده وحاسه إنها آخر مره همسك فيها القلم وهى آخر كلمات منى ليكي ، بكتهولك وأنا شيفاكى نايمه جمبى فى المستشفى وعارفه إن وقت ما هتكونى بتقريه مش هكون أنا فى الدنيا ولا هكون جمبك

هكون تحت التراب أتمنى وقتها تدعيلى بإن ربنا يغفر لى كل ذنوبى ويكون قبرى روضه من رياض الجنة

أنا هسيبلك الجواب ده فى صندوق ياريت تقرى كل إللى فى الصندوق وهتلاقى فى مكتبتى كتاب إسمه (نساء الجنة ) إقريه

الكتاب ده كان السبب فى إنى إنتقبت، لعله يكون سبب فى إنك إنتى كمان تتزينى بالنقاب ، وكمان هسيبلك فى الصندوق ده نقابى هديه ليكى يا ملك أنا واثقه إنه هيكون حلو أوى عليكي ، كان نفسى أعيش لليوم إللى أشوفك بيه ابتسامة

أنا واثقه إنك فى يوم من الأيام هتكونى حد له شأن كبير أوى وهتحققى حلمك

زى ما أنا واثقه إنك هتكونى داعية إسلاميه وقدوه لكل البنات ، حافظى على دينك يا ملك وكونى سفيره للإسلام فى كل مكان تروحيه ، القرب من ربنا هو نجاتك

وآخر كلامى هو شكراً

شكراً ليكى على كل حاجه قدمتيها ليا ،على كل إحساس كنت مفتقداه إنتى عوضتينى عنه ربنا يحفظك من كل سوء ويبارك فيكى ويفقهك فى الدين وماتنسيش تدعيلى

وزى ما بدأ أول موقف بينا بالسلام عليكم ورحمة الله وبركاته دلوقتى بنهى كلامى بيها

السلام عليكم ورحمة الله وبركاته ابتسامة

ــــــــــــــــــــــــــــــــــــــــــــــــــ ـــــــــــــــــــــــــــــــــــ

شفتى يا حفصه أنا عملت إللى قولتيلي عليه إزاى :'( ، أنا حتى لابسه نقابك ، من يوم ما أخدته من الصندوق وانا مابلبسهوش عشان ريحتك تفضل فيه بس إنهارده لبسته عشان تكوني معايا عشان أقولك إنى حققت حلمك :'(( ، مشتاقه لـ ضمّتك أوى يا حفصه :'( ♥

مسحت دموعها وإبتسمت :')) : بس تعرفى إللى مصبّرنى إنى بدعى ربنا يجمعنا فـ #الجنّه هناك بس مفيش كلمة فراق هناك هضمّك براحتى ومش هخاف عليكي من أى حاجه هناك بس يا حفصه :'(

بصت لـ السما : يـــا رب إجمعنا فـ الجنّه :'(( ♥

بدأت ملك تحكيلها عن حياتها وعن ولادها ، دعتلها و ودّعتها ومشيت ♥ :'))

كان محمد منتظرها فـ العربيه هو والتوأم ♥ ركبت العربيه وعيونها بتبتسملهم :'))

وقف محمد عند مكانهم المفضل ^_^

ملك : إيه ده إحنا مش مروحين ؟؟

محمد : لأ ، أصلنا متعودين لما نفرح نيجي فـ مكان حبنا وعاوز المره دى أعرّف حمزه وحفصه ع المكان إللى جمع فرحتنا دايماً ^_^

إبتسمت ملك ونزلت من العربيه مسكت حفصه من إيديها وحفصه مشبّكه إيديها فـ إيد حمزه وإيديه التانيه فـ إيد محمد ^^

ركبوا مركب ♥ ^^ وملك حاسه إن قلبها طاير من الفرحه ^_^ ♥

ودّعوا الشمس فـ غروبها وهى بتحضن النيل وملك معاها حاضنه محمد وحمزه وحفصه بعيونها ^_^ ♥

سرحت فـ منظر الغروب ولقت إيد محمد ضامّه إيديها بصتله وإبتسمت ^_^ ، قبّل إيديها فـ نفس اللحظه إللى هى كمان بتقبّل فيها إيديه ، وفـ نفس واحد قالوها بحبك ♥ ^_^ ~

~
وبكده إنتهي الجزء التالت من رباط الحب

الحلقة 39 - الجزء الثالث

وقفنا الحلقه إللى فاتت عند أما
قفلت ملك مع محمد بصت لـ الهدوم إللى إشترتها وإبتسمت بفرحه شالتهم فـ الشنطه وحطت إيديها على بطنها ، إبتسمت وسرحت فـ حياتها وولادها وفـ الطفل إللى فـ بطنها ، سرحت فـ يوم ولادتها وناويه تسمّي إيه المره دى لو بنت أو ولد
وفجأه صرخت : بسم الله بسم الله
ودى آخر حاجه نطقتها ملك قبل ما التاكسي يعمل حادث وتغيب عن الوعي

محمد بيخلّص شغله عشان يروّح يفسح ولاده زى ما قال لـ ملك رن موبايله وكانت ملك ، فتح الخط : أيوه يا روحى والله بخلّصـ ووقف عن الكلام لما لقى صوت واحده تانيه بترد عليه !!!!
محمد : مين حضرتك ؟ ... أيوه ده يبقى رقم زوجتى ؟!! .....
إنتفض محمد من مكانه : إييييه ،، مستشفي إيه ؟!! ....أيوه أيوه طيب أنا جاى حالاً
مش شايف قصاده ساب كل حاجه فـ مكانها ومن غير تفكير جرى ع المستشفى زى المجنون !!

لما وصل المستشفي كانت ملك لسه ما فاقتش ، الممرضه طمنته وقالتله إن الدكتوره فـ إنتظاره !
خبط ع الباب بإيدين مرتعشه ودخل : السلام عليكم ورحمة الله وبركاته
الدكتوره : وعليكم السلام ورحمة الله وبركاته
محمد : أنا أنا زوج المدام إللى عملتـ
الدكتور : حادث التاكسي ؟!
محمد : أ أيوه
الدكتوره : أهلاً بحضرتك ،، إتفضل
قعد محمد : خير يا دكتور طمنيني عليها لو سمحتي ؟!
الدكتوره : هى الحمدلله دلوقتى بقت بخير جداً بل وهكتبلها على خروج إنهارده بالليل إن شاء الله بس يعني للأسف فقدتم الجنين حزينة(
حس محمد بوجع فـ قلبه أول ما سمع كلام الدكتوره بس تماسك وسأل : طيب وملك يا دكتور ؟؟
الدكتوره : مدام حضرتك الحمدلله دلوقتى بخير ، إتعرضت لـ شوية خدوش وكدمات سطحية و بسيطه وجرح سطحى فـ راسها و بعد ساعه إن شاء الله هتفوق وهتقعد تحت الملاحظة كام ساعه وتقدر حضرتك تاخدها بالليل ابتسامة)
محمد : متشكر جداً لحضرتك
الدكتوره : العفو ده واجبى ابتسامة)
قام محمد : السلام عليكم ورحمة الله وبركاته
الدكتوره : وعليكم السلام ورحمة الله وبركاته
خرج محمد من عند الدكتوره وحاسس إنه مش قادر يمشى على رجله مبسوط إن ملك الحمدلله ربنا نجّاها لكن كل خوفه من ردة فعلها لما تعرف إنها فقدت الجنين حزينة
أول طفل فقدته ماكنتش تعرف إنها حامل وإنهارت ودلوقتى الطفل ده إرتبطت بيه جداً وكانت منتظراه بفارغ الصبر ، مش عارف هيقولها إزاى !!
والمره دى فضل جنبها لحد ما تفوق تجنباً لإن يحصل زى المره إللى فاتت وتعرف بصدمه من الممرضات !!!!
••••••••●••••••••●••••••••••●•••••••••●••••••••●•• •••••
حمزه وحفصه نزلوا من باص المدرسه ، المشرفه مالقتش ملك منتظراهم فـ إتصلت بـيها رد محمد ، شكرها وطلب يكلم حمزه وقاله يطلع هو وأخته عند دكتوره فاطمه لحد ما يرجعوا إن شاء الله

ملك فاقت ، دخل محمد وحاسس بغصه فـ حلقه مش عارف يقولها إيه
محمد بشبح إبتسامه ابتسامة) : حمد لله على سلامتك يا حبيبتي :'))
ملك واجمه ومابتردش : ـــــــــــــــــــــــــــــــــــ
قبّل راسها : الحمدلله إن ربنا سترها وإنتى بخير دلوقتى يا روحى
ملك من غير ما تبصله زى ما هى واجمه : أنا سقّطت مش كده ؟؟!!!!!
محمد : محرجة
حطت إيديها على بطنها ،، محمد : بصي يا حبيبتي أنا يعني الـ
ردت بـ حِده : إنا لله وإنا إليه راجعون ، أنا عاوزه أروح دلوقتى !
محمد : معلش يا حبيبتي إستني كام ساعه تحت الملاحظة وهنمشـ
قاطعته : أنا مش هستني دقيقة زياده لو سمحت عاوزه أروّح بيتي
محمد بإستسلام : حاضر إللى تشوفيه
خلّص إجراءات الخروج ورجع لـ ملك وكانت مازالت واجمه وحاطه إيديها على بطنها بلا كلام ولا حركه وده إللى مخوّف محمد ، عاوزها تصرخ أو تبكي تعمل أى حاجه إلا إنها تسكت بالشكل ده، سكوتها مش مطمنه حزينة((( !!!!!!!

ركبوا العربيه وطول الطريق ساكته ، وهم فـ العربيه مروان كلّم محمد فـ شغل بس قبل ما يرد ملك قالت : ما تقولهوش حاجه !
نفذ محمد كلامها ووصلوا البيت ، قرب منها عشان يشيلها ردت : لأ أنا هقدر أمشي
صمم محمد ردت بعصبيه : قولتلك هقدر أمشي
فسكت محمد وسابها تطلع لوحدها ، قفل العربيه ، خد الولاد من عند تيته فاطمه وطلع بيهم ع الشقه ، لقي ملك غيّرت هدومها ونامت ، دخل قبّل راسها ، قفل النور وسابها ترتاح شويه ، غيّر لحمزه وحفصه هدومهم وحطلهم أى غدا وماكنش له نفس ياكل معاهم مازال قلقان من سكوت ملك حزينة( !!!!

ملك أول ما دخلت الشقه على طول غيّرت هدومها بألم من الكدمات والخدوش إللى فـ جسمها ، رمت نفسها ع السرير ، غمضت عيونها بألم وحاولت تنام حاولت تبكي لكن حتي البكا مش قادره عليه !!!!
حست بـ محمد وهو بيغطيها ويقبّل راسها وعملت نفسها نايمه ، أول ما قفل النور وخرج فتحت عيونها وإيديها ما زالت على بطنها ، سرحت فـ الظلام إللى فـ الأوضه لحد ما راحت فـ النوم حزينة

محمد ذاكر لـ ولاده وساعدهم فـ واجبهم وراجعلهم جزء من القرآن طبقاً لـ الجدول إللى حاطه ، سابهم يلعبوا ودخل يطمن على ملك لقاها رايحه فـ النوم خرج بهدوء وقعد يقرا شوية قرآن لحد ما تقوم من نومها

صحيت ملك وحاسه جسمها مهدود وجبل هموم على قلبها
قامت بوهن وفتحت النور بصت فـ المرايه وماسكه راسها من الصداع ، لمحت شنطتها إللى كانت معاها وقت الحادثه إلتفتت بصتلها شويه وقامت إتناولتها ، أول ما حطت إيديها عليها حصل زى فلاش باك رجعها لـ لحظة الحادثه
قاعده فـ التاكسي سرحانه وفجأه رجه قويه خرجتها من شرودها وفـ لحظة لقت نفسها بتتخبط فـ التاكسي وتندفع لقدام ، فاكره إحساسها لحظت ما خبطت ببطنها فـ الكرسي بقوه خلتها تصرخ : بسم الله بسم الله
وفـ لحظتها بدأ مغص رهيب مع آلام فـ كل جسمها ، بدأت تغيب عن الوعي فتحت عيونها لـحظه وشافت وسط الضباب ناس بتجرى وأصوات مش واضحه وغابت عن الوعى تماماً لحد ما لقت نفسها فـ المستشفى
من أول ما فاقت وهى حاسه إنها فقدت الجنين ، بصت لـ الشنطه تانى فتحتها وقلبها خرجت منه صرخه قويه لما شافت آخر هدوم إشترتها قبل الحادثه ، مسكت الهدوم وفضلت باصلها بحسره ودموعها إللى كانت جافه نزلت بغزاره زعلانة و باعيط، هبطت ع الأرض رغم ألمها سجدت وهى بتبكي بحرقه وتردد :
يــــا رب إنا لله وإنا إليه راجعون
أنا راضيه يــا رب سامحني لو نزلت منّي دمعه فـ لحظة وهن
:'( مش إعتراض على حكمك يا عظيم أنا عارفه إن لك حكمه لكن قلبي أضعف من إنه يتحمل الصدمه زعلانة و باعيط
ووقفها عن البكا والدعاء إيد حنينه طبطبت عليها ، وقفت عن البكا وقامت من سجودها لقتها حفصه واقفه قصادها وبتبكي :'(
مسحت ملك دموعها وإبتسمت :')) : مالك يا حبيبة ماما ؟؟!
حفصه وهى بتبكي :'( : أنا مش فيه حاجه حصلت يا أمى بس عيني لما بتشوفك بتعيطي بتعيط زيك :'(
إنسابت دموع ملك وسط إبتسامتها من غير كلام قربت حفصه ومسحت دموعها : عشان خاطرى مش تعيطي تانى عشان انا مش بحب أشوفك بتعيطي وزعلانه عشان لو زعلتى هزعل زيك على طول :'( :'(
ضمتها ملك لحضنها وهى بتبكي :'( ، طبطبت حفصه عليها وكإن إيد حفصه بتطبطب على قلبها
مسحت دموعها :'( وطبعت قبله على خد حفصه :*
حفصه : هو حضرتك بتعيطي ليه يا أمى :'( ؟؟! هى أختى بتوجعك فـ بطنك ؟؟!!
إبتسمت ملك من برائتها :')) : مابقاش فيه نونو فـ بطني يا حفصه خلاص
حفصه : لييييه هى راحت فين مخضوضة ؟؟!!
ملك : راحت الجنه عند ربنا :'))
حفصه : طيب مش تزعلي بقي يا أمى هى راحت عند أحسن حد خالص ، مش إنتى قولتيلي إن أنا وإنتى وحمزه وأبي ربنا هيودينا الجنه كل ما نعمل حاجات حلوه ^_^ ؟!
ملك : أيوه يا روحي ♥
حفصه : يبقى مش تزعلى إحنا نعمل حاجات حلوه كتيير وربنا هيودينا عندها الجنه هنروحلها كلنا وهنلعب معاها كتييير ^_^ ♥
إبتسمت ملك :')) : حاضر يا حفصه مش هزعل تانى :'))
دخل محمد وإللى كان متابع الحوار من أوله وهو مبتسم : طاب بذمتك يا ماما ملك حد يبقى عنده بنت تهوّن عليه زى حفصه كده ويزعل من أى حاجه فـ الدنيا ^_^ ♥ ؟؟!!
ضم حفصه فضحكت وطبعت قبله على خده :* ♥ ودخل حمزه طلع على كتف أبوه إتناوله محمد وفضل يزغزغه هو وحفصه ،، سمعت ملك صوت ضحكاتهم وكإنها بلسم لطف جرح قلبها فـ إبتسمت غصب عن الهموم :'))
جريوا الولاد يلعبوا بره وقرب محمد من ملك ضمها من كتفها : خلاص يا روحي بقى :')) ♥
ملك : خلاص يا حبيبي أنا كويسه ما تقلقش عليا :'))
طبع قبله على جبينها :* ميلت راسها فـ حضنه وغمضت عيونها ♥ ~
••••••••●••••••••●••••••••••●•••••••••●••••••••●•• •••••
مر على حادثة ملك أسبوعين وأهلها وأهل محمد لما عرفوا زعلوا منهم عشان عرّفوهم متأخر
وخلال الأسبوعين دول محمد هو إللى كان بيقوم بشغل البيت رغم إن ملك بقت كويسه وقالتله إنها تقدر تشتغل فـ البيت دى مجرد كدمات لكنه أصر يريّحها شويه وحاول الفتره دى كلها مايحطهاش فـ أى ضغط نفسي والحمدلله بقت كويسه ^_^ ♥

بعد ما فاقت ملك من موضوع الحادثه نزلت تقعد مع كرستين شويه ، إتكلموا عن الحياه وملك جابت سيرة روايتها إللى قالت عليها لـ كرستين وبدأت ملك فـ طرح أول سؤال :
قوليلي يا كرستين هو ليه تم صلب سيدنا عيسي زى ما بتقولوا يعني إنه إتصلب ؟!
كرستين :
ربنا خلق آدم في الجنة وآدم عصاه وارتكب الخطيئة فأنزله الرب للأرض وكان لابد من عقوبة علي الخطيئة دى فانزل الرب ابنه للفداء فكان إن صُلب يسوع لتكفير خطايا بني آدم ..
ملك : ممممممم طيب وعيسي ذنبه إيه إنه يتحمل خطيئة آدم ؟!! ليه مش آدم هو إللى يتحمل خطيئته ؟! ليه عيسي يُصلب عشان خطيئة ما عملهاش ؟!!! وبعدين كل خطيئه ولها عقوبه بحجمها وده شئ بديهي ، فيه أكبر من الخطيئه إللى آدم عملها يعني هو أكل ثمره !!! حتى وإن كان ده ذنب أو خطيئه بس إزاى خطيئه صغيره تتحل بإن ربنا ينزل إبنه بنفسه هو إللى يخلصها بالشكل ده ؟!
كرستين : الرب عاوز كده ؟!
ملك : تمام بس برده يا كرستين صعبه إنها تدخل العقل !!! وبعدين خليني أفهمك قصدى بمثال قريب أوى وبسيط إنتى يعني وأسفه إنى هفكرك إبنك آدم ربنا يرحمه لو جتلك فرصه إنتى أو طليقك يعني تنقذوه وقتها من الغرق مش كنتوا هتعملوا المستحيل عشان تنقذوه ؟!
كرستين : أكييد طبعاً
ملك : تمام وأى أم وأب كده إزاى ربنا بقدرته وعظمته ضحى بإبنه وكمان عشان خطيئه ما عملهاش وإزاى شافه يتصلب ويتعذب بالشكل ده وما أنقذهوش ويعني مفيش أى عقاب غير إنه يقتل إبنه الوحيد !!!
بدأت كرستين ترتبك وما إستنتهاش ملك عشان تبين أى ردة فعل وسألت سؤالها إللى بعده :
هو إنتوا ليه بتقولوا إن عيسي إبن الله ؟! وإنه إله ؟!!
كرستين :
لإنه إتولد من غير أب
ملك : طاب لو كده يبقى آدم أحق بالألوهيه بقى ما هو إتولد من غير أم ولا أب !!!!
كرستين : لأ يسوع كان بيعمل أفعال الرب كان بيُحي الموتى وخلق الطير وأبرأ الأكمه والأبرص وشفي المرضي المشلولين والمصروعين وهي أفعال لا يستطيع فعلها إنسان فصح أنه إله !!!!!
ملك : برده ده ما بيدلش على إنه إبن الله إو إنه إله ربنا نزل كل نبي بمعجزه من قدرته جل شأنه ومش معنى كده إن كل معجزه مع نبي بتدل على إنه إبن الله ؟!!
وكذلك قبل ما تبين أى ردة فعل إربكتها ملك بالسؤال إللى بعده :
طيب مش ربنا نزله عشان خطيئة آدم زى ما بتقولى ! طيب هو نزل لخطيئة الناس إللى فاتت بعد آدم وقبل نزول المسيح ولا لخطيئة الناس إللى بعده ؟!!
كرستين : لا الناس إللى ماتت ماتت خلاص بخطيئتهم
ملك : طيب ومش حرام كده ذنبهم إيه يموتوا ويتعذبوا بخطيئتهم ليه ما نزلش عيسي بعد آدم على طول عشان يخلص خطيئته يعني ؟!!!!!
كرستين بإرتباك : ربنا عاوزه ينزل فـ الوقت ده يعني !!!
ملك : ممممممم طيب مش المركب إللى ليها ريسيين تغرق ؟!
كرستين : أكيد المثل ده مضبوط !
ملك : تمام إزاى الكون ده كله هيمشي بإلهين !!!!!!!
كرستين : وإنتى هتشبهى السفينه بالكون كله ؟!!!
ملك: عليكي نور أهه الكون أكبر من كونه سفينه إزاى هيمشي بأمر إلهين ولنفرض عيسي عاوز حاجه وأبوه عاوز حاجه تانيه ؟!!
كرستين : ملك :O ???!!
ملك : طيب ولو ربنا بيحب يخلف يعني ليه يبقى عنده ولد واحد ليه مافكرش يبقى عنده أكتر من ولد ويجيب كمان بنات !!!
كرستين : ملك إيه إللى بتقوليه ده ؟!!! ركزى إنتى بتتكلمى عن الرب :O ؟؟!!
ملك : أنا مركزه أوى يا حبيبتي وحابه أفهم منك ابتسامة) وبعدين إزاى القساوسه وهم بشر بيتنزهوا عن الولد وربنا الأعظم منهم جل شأنه هيبقى عنده ولد !!!!!!!!!!!!!!!!!!!!!!!!!!!!!!!!
جحظت كرستين عنيها من كلام ملك وأسلوبها وردت بعصبيه : إنتى متأكده إنك من الأساس بتعملى روايه وجايه تطلبي مساعدتى من خلال أسئلتك دى ؟؟!!!!!!!!
ملك : أه والله أنا فعلاً بعمل روايه ولما تطبع فـ كتاب إن شاء الله طبيعي أى حد ممكن يسألني الأسئله دى فكنت عوزاكى تجاوبيني عليها عشان ابقى بتكلم بثقه وقادره أجاوب عليهم بس ابتسامة)
وقبل ما تكمل ملك رن محمد عليها فإستأذنت من كرستين وسابتها ومشيت
بعد ما مشيت ملك فضلت كرستين قاعده شويه بتحاول تستوعب أسلوب ملك وكلامها أول مره ملك تتكلم معاها فـ دينها وفكرت كرستين إزاى ما جاوبتش على ملك وإرتبكت كده رغم إنها لما بتسأل ملك سؤال عن دينها بتجاول بكل ثقه ؟؟!!!!! حست بضيق من نفسها أو من الموقف نفسه مش عارفه بس ضيقها من شدته جالها صداعانا باغلي
قامت لـ الحمام غسلت وشها وأخدت إسبرين لـ الصداع >.< ودخلت تنام شويه ، لسه هتدخل ولقت حاجه على السفره قربت ولما شافتها إستغربت !!!!

الحلقة 38 - الجزء الثالث

وقفنا الحلقه إللى فاتت عند أما

محمد قبل ما ينام إفتكر حاجه هيراجعها تبع الشغل ، قام يدور على قلم فـ درج ملك وأول ما فتح الدرج إتفاجئ !!!!

نده على ملك ، ولما جت سأل : إيه ده يا ملك مسكينة ؟!

خلّونا نرجع سوا فلاش باك

ملك عمرها ما نسيت حلم حفصه ، كانت دايماً حفصه تحكيلها عن فضل إللى يهدي حد للإسلام ،، دايماً تقولها نفسى ربنا يقدّرنى و حد يدخل الإسلام على إيدي وكانت على طول تردد

(( لَئَنْ يَهْدِي بَكَ اللهُ رجلاً واحداً خيرٌ لكَ مِنْ حُمْرِ النعم ))

وفارقت حفصه الحياه وأصبح حلمها ضمن الأحلام إللى قررت ملك تحققها لأختها #حفصه :'))

ومن يوم ما سكنت فـ العماره وبدأ الإحتكاك بينها وبين كرستين كانت فـ الأول مقرره بس تثبتلها إنها واخده فكره غلط عن الإسلام والمسلمين !

والحمدلله نجحت فـ هدفها ولما أصبحت من أقرب الناس لكرستين زى ما كرستين أصبحت قريبه من قلبها لقت إن دلوقتى حانت اللحظة لتحقيق حلم حفصه وإللى أصبح حلمها هى كمان ، من حبها لـ كرستين بقت نفسها أووى يجي اليوم إللى تشوف فيه ديانتها هى #الإسلام ابتسامة)

كانت تفرح أوى لما تلاقى كرستين بتسألها عن حاجه فـ الإسلام ،، بقالها كتير بتدرب نفسها وتدور على أفضل طريقه لتحقيق الهدف ده ابتسامة)

ولقت البدايه الحمدلله ، لإن كرستين مثقفه وبتحب القرايه جداً ملك معوداها إنها لما تكتب روايه او أى حاجه تديهالها تقراها وتقول رأيها فيها ابتسامة)

فـ عملت كتاب مجمّعه فيه مواقف إنسانيه من حياة رسولنا الكريم صلوات الله وسلامه عليه وكاتباها بأسلوب سهل ومحبب لـ القلب وماذكرتش تماماً إنها عن الرسول صلَّ الله عليه وعلى آله وصحبه وسلم ، إدتها لـ كرستين عشان تراجعها كالعاده ، وبعد يومين طلعتلها كرستين

كرستين : أنا خلصت قراية روايتك الجديده أو نقول المجموعه القصصيه يعنى مش عارفه احدد بس المهم إنها غايه فـي الروعه

ملك : بجد ؟؟

كرستين : بجد عجبتنى أوووى بس مش واقعيه

ملك : ليه مش واقعيه دى واقعيه جداً كمان !

كرستين : يعني الشخصيه المثاليه اللى بتجسديها خياليه مش موجوده ولا هتكون !!

ملك : وإيه رأيك لو قولتلك إنها كانت موجوده وواقعيه وإن كل الأحداث إللى فـ قصتى مش من تأليفي دى حصلت بالفعل وانا بس مجرد إنى حكيتها بأسلوبى !!

كرستين : إزاى !!

ملك : أه والله ، البطل فـ مجموعة القصص إللى إدتهالك هو رسولنا محمد صلَّ الله عليه وعلى آله وصحبه وسلم يعني واقعيه وكل المواقف دى حصلت بالفعل ابتسامة)

إتصدمت كرستين : إنتى بتهزرى ؟؟!!

ملك : والله ما بهزر بتكلم جد أنا مازودتش ع المواقف دى حرف مجرد بس إنى كتبتها بأسلوبى

إرتبكت كرستين : أ أيوه يا ملك بس سوري من غير ما تزعلى منى يعنى ما أقصدش بس إللى أعرفه عن الشخص رسولكم ده غير كده تماماً !!!!!!!

سكتت ملك شويه وردت : مممم كرستين هو أنا بالنسبه ليكي إيه ؟؟

كرستين : إنتى أقرب صديقه وأخت ليا بيتهيألى لو ليا أخت مش هحبها ولا هتحبني بالشكل ده

ملك : طيب فاكره أول ما سكنت فـ العماره ؟! فاكره كنتى بتكرهيني أد إيه لدرجة إنك دفعتيني من ع السلم وكان ممكن أموت !

كرستين : حزينة

ملك : فاكره إزاى كنتى كارهه كل سكان العماره بل وكنتى بتكرهى المسلمين كلهم ؟؟!!!

كرستين : أيوه يا ملك بـ

قاطعتها : إنتى كنتى واخده فكره غلط وإتصلحت ودلوقتى اصبح سكان العماره جيرانك وأهلك وأنا أقرب صديقه وأخت ليكي زى ما بتقولى مع إنك فـ الأول كنتى بتكرهيني جداً معنى كده إن كمان مؤكد تعرفى فكره غلط عن سيدنا محمد صلَّ الله عليه وسلم ، بس ده كل ما فـ الأمر ابتسامة)

كرستين : أها أوك ، بس بس أسلوبك حلو فـ الكتاب إستمرى يا ملوكه ^^

لاحظت ملك محاولة كرستين إنها تغيّر الموضوع بس من جواها إنبسطت إن كرستين ع الأقل عرفت إن فكرتها غلط تماماً عن أشرف وأطهر وأعظم خلق الله ماتصلّوا عليه ؟؟

وقبل ما كرستين تمشى ندهتلها ملك : صحيح يا كوكو انا حالياً بكتب روايه جديده وكنت عاوزه مساعدتك فيها ممكن ؟؟

كرستين : ممكن جداً يا روحى بتتكلم عن ايه او عوزانى اساعدك بإيه ؟؟

ملك : أصل بطل الروايه هتكون ديانته المسيحية يعني فمعلش كل شويه هزهقك وأسألك شوية أسئله عشان تساعدنى فـ روايتى يعني ؟

كرستين : أه أوك يا بيبي معنديش مانع

وطبعاً فـ الوقت ده كله ملك إشترت كتب عن المسيحيه فـ العصر الحديث وشوية معلومات عشان لما تجادل كرستين تكون عارفه هى بتتكلم فـ إيه ، حاطه الكتب فـ درجها ولما فتح محمد الدرج ولقاهم إستغرب ونده لملك سألها ، حكتله عن موضوع كرستين

ملك: بس يا سيدى أهه حكيتلك كل حاجه

محمد : مممم هتقدرى يا ملك ؟؟

ملك : وما أقدرش ليه يعني يا حبيبي بفضل ربنا ملمه بأساسيات العلم الشرعى عندنا إلى حد ما بالإضافه لإنى قريت كتير عن دينهم حالياً عشان اعرف اتناقش معاها وقريت مناقشات كتير بين شيوخ مسلمين وقساوسه يعني الحمدلله هكون واثقه من نفسي وانا بتكلم وواثقه ان ربنا هيقدرنى

محمد : أيوه يا ملك بس دى مسئولية كبيره جداً ومش أى حد يقوم بيها !

ملك : ما تقلقش بقى

محمد : طيب ربنا ييسرلك يا روحى بس خدى بالك برده

ملك : حاضر دعواتك بس

محمد : ربنا يقدرك ويعينك وتحققى كل أهدافك يا روح قلبي

ملك : آمين

••••••••●••••••••●••••••••••●•••••••••●••••••••●•• •••••

رجع مروان من الشغل وأول ما فتح الباب لقي لوجين وسلوان واقفين وماسكين لافته ، قرا المكتوب

(( مفيش غدا إحنا عامليين إعتصام هنا لحد ما تتنفذ طلبات الشعب ))

ضحك مروان : و يا ترى الشعب عاوز إيه إن شاء الله ؟

لوجين : بالنسبه لمطلبي كواحده من الشعب عاوزه أتغدّي بره

مروان : الله الله وإنتى يا سلوان هانم عاوزه ايه ؟

بصت لأمها ، همست لوجين فـ ودنها فردّت على أبوها : لاهى سعيدة قوي^^

مروان : ملخبطة هل من مترجم !!!!

لوجين : عاوزه تروح الملاهى يا سيادة الرئيس ها ناوى تنفذ مطالب الشعب ولا نستمر فـ إعتصامنا احلى ابتسامة ؟؟

مروان : ههههههههههه لا مش هقدر أستحمله يوم واحد

إعتدل فـ وقفته ومسك الموبايل زى المايك : إليكم بيان من سيادة فخامة الرئيس ، لقد قررنا نحن رئيس جمهورية هذا البيت المتواضع بإننا نُلبّي مطالب الشعب الغلبان لوجين وسلوان

لوجين : إيييييييه الله عليك يا سياتت الريّس احلى ابتسامة

مروان : سياتت الريّس ؟؟!! أهه عشان الكلمتين دول انا هتنحى إن شاء الله -_-

لوجين : ههههههههههه بعيد الشر عن رئيسنا من التنحى ملناش غيره ولا هيكونلنا فـ الدنيا ^_^ ♥

ضمّها مروان من خصرها : طاب وربنا سياتت الريّس بيعشقكم يا ناس بقى

بصت لوجين على سلوان ولقتها مركزه معاهم أوى زى ما إنتوا مركزين كده : إحم إحم يا سيادة الرئيس نص الشعب بيتفرج علينا

بص على سلوان : آآآه طاب يلا يا شعب خشوا إلبسوا فـ نص ساعه بالضبط لو إتأخرتوا عنها وربنا هخش أنام وأنسونى بقى

لوجين : فـ أقل من نص ساعه كمان يلا يا سوسو إجرى

دخلوا يغيّروا ومروان متابعهم بـ عيون مبتسمه ^_^ ، مبسوط إن لوجين بدأت فعلاً تاخد بالها من تصرفاتها وترجع زى الأول وأحسن ^_^ ، أصبح قلبه مقسوم إتنين نص لـ لوجين ونص لـ سلوان مايقدرش يعيش من غيرهم لحظه ♥ ^_^ ~
.
.
بالفعل غيّروا هدومهم فـ أقل من نص ساعه ... ونزل الشعب يتمخطر فـ إيد سيادة الرئيس احلى ابتسامة

إتغدّوا بره وراحوا ع الملاهى ، وهناك لوجين ومروان نسيوا سنّهم وأصبحوا بتلقائيتهم من سن سلوان ^_^ ، جريوا ولعبوا وقلبهم بيضحك مع كل ضحكه من سلوان ^_^ ♥

رجعوا البيت متأخر ، وسلوان نايمه من التعب وفـ إيديها بلالين والإيد التانيه غزل بنات وكذلك لوجين جنب مروان ، بتاكل غزل بنات وفرحانه بالبلالين إللى فـ إيديها ^_^ ♥

وصلوا البيت طلع مروان حط سلوان فـ سريرها ورجع لقى لوجين ع السلم هوبا وراح شايلها

لوجين : تقيله عليك يا روحى

مروان : مش عيب ؟! تقيله مين حضرتك ؟! وبعدين معلش لازم عداله إجتماعيه مع شعبي شيلت نص الشعب لسريره لازم نشيل النص التانى لسريره بردهاحلى ابتسامة

لوجين : يا سلام يا سلام ع العداله الإجتماعيه ياريت كل الرؤسا زى رئيسنا كده بس ماأظنش فيه زيه أصلاً ^_^ ♥

ميلت راسها فـ حضنه وغمّضت عيونها وإبتسامه مرسومه على شفايفها -___-

وأخييراً وصلوا لـ السرير ، حطها مروان ومن غير ما يغيّر من التعب نام على طول جنبها ♥ ^_^ ~

••••••••●••••••••●••••••••••●•••••••••●••••••••●•• •••••

الدراسه هتبدأ بعد أسبوع إن شاء الله ، محمد قدّم لحمزه وحفصه فـ أحسن مدرسه أزهريه خاصه وملك نزلت مع مامتها تشتري لولادها هدوم وأدوات المدرسه ^_^ مبسوطه أوى إن ولادها داخلين kg 1

بتكلم أمها وأمها سرحانه فـ ملامحها ومبتسمه

ملك : خير يا ست الكل سرحانه فـ إيه ^_^ ؟

أمها : فـ بنتي ^_^

ملك : تقريباً معندكيش غير بنت واحده لأ ده أكيد إذاً أنا إللى نولت شرف إنى أشغل بال أعظم أم فـ الدنيا يا سلام ^_^ ♥

أمها : سرحت فـ أول مره نزلت أشتريلك هدوم المدرسه و أول يوم دخلتي فيه ^_^ إنهارده نازله معاكى تشترى هدوم المدرسه برده بس لولادك ^_^ يـــاه الأيام بتجري بسرعه أووى :’))

إبتسمت ملك وقبّلت راس أمها :*
كملوا شرا طلباتهم و روحت ملك وهى مبسوطه أوى لسه مش مصدقه إن بعد أسبوع إن شاء الله ولادها هيدخلوا المدرسه ^_^
.
.
رجع محمد من الشغل وملك فرجته ع الحاجات إللى إشترتها

ملك : مبسوووطه اووى يا حبيبي ولسه مش مصدقه ^_^

محمد : ربنا يبارك فيهم يا حبيبتي ، بس خدى بالك مسئولياتك هتزيد أوى ربنا يعينك ♥

ملك : يــا رب ♥ من الناحيه دى ما تقلقش بس انا صراحه خايفه عليهم اوى حزينة

محمد : من إيه ؟!

ملك : يعني يا محمد بسبب حوادث الخطف وموضوع التحرش والبلاوى الموجوده حالياً خايفه عليهم أوووى

محمد : وتفتكرى خوفك هيحرك حاجه ؟! ولا هيقلل العفن والفتن الموجوده دى ؟! أنا فاهم كلامك كله يا حبيبتي بس إحنا بإيدينا حاجه نعملها إننا نوعى ولادنا بطريقه سليمه لإن مستحيل هنقدر نحبسهم ولا يفضلوا فـ حضننا طول العمر لازم يختلطوا بالناس ويتعلموا إزاى يواجهوا الحياه ودورنا إننا نعملهم الطريقه ونسيبهم بقى

ملك : ربنا يعيننا ويحفظهم من كل سوء

محمد : آمين

حط إيديه على بطنها : وعقبال ما تشترى هدوم المدرسه للأستاذ أو الأستاذه إللى هنا ومنتظرين الوصول على أحر من الجمر ^_^ ♥

ملك : آمييين ^_^ ♥

مر الأسبوع وقبل الدراسه بيوم ملك ومحمد قعدوا مع ولادهم يفهموهم شوية وصايا ونصايح لـ الحياه الجديده إللى هيبدأوها بكره إن شاء الله ، وملك أكدت نصايحها أكتر على حفصه من موضوع التحرش ، فهموا ولادهم الصح والغلط من غير ما يخوفوهم

كمان ملك عملت فيلم صغير إرشادى للأطفال عن الموضوع ده وخلتهم يتفرجوا عليه

دخلوا يناموا بدرى وملك ومحمد النوم طاير من عنيهم من فرحتهم بولادهم ^_^ فضلوا يفتكروا أول يوم دخلوا فيه المدرسه ^_^ ومحمد حكالها مواقف مضحكه حصلتله فـ أول يوم احلى ابتسامة

محمد : بقولك يا روحى أخدت أجازه من الشغل بكره إن شاء الله هاجى معاكى نودى الولاد المدرسه وعاوزين نصورهم فـ أول يوم لإن دى ذكرى لا تُعوض
ملك : ما تقلقش يا روحى مجهزه الكاميرا وكل حاجه ^_^

محمد : تمام يلا ننام شويه بقى عشان نعرف نصحى لصلاة الفجر ونقدر نروح معاهم فايقيين ^_^

ملك : بحاول أنام والله بس مش عارفه ،إحساسي دلوقتى هو نفس إحساسى و أنا صغيره قبل العيد بيوم ولا قبل رحله مع المدرس أو مع أهلى مش عارفه

ضمها محمد لحضنه ، قبّل راسها وإبتسم وغمض عيونه ، وهى فضل التفكير شاغلها لحد ما راحت فـ نوم عمييق -___-

تانى يوم الصبح ملك صحّت حمزه وحفصه عشان المدرسه ومحمد ماسك الكاميرا بيصور من أول ما صحيوا من نومهم احلى ابتسامة

ركبوا العربيه وملك مازالت بتراجع معاهم التعليمات إللى إدتهالهم إمبارح
وأخيراً وصلوا المدرسه وقفوا فـ الطابور ومحمد ماسك الكاميرا بيصورهم وملك واقفه جنبه بتتفرج عليهم ومبتسمه أووى ^_^
مبتسمه وقلبها بيدعي ربنا يبارك فيهم ويجعلهم من المتفوقين دايماً فـ حياتهم ^_^ ♥

خلص الطابور وحمزه كان متماسك أما عن الأنسه حفصه فأول ما أمها وأبوها سابوا المكان إتفتحت فـ العياط ونسيت كل وصايا ملك بخصوص موضوع العياط دهاحلى ابتسامة

والجميل إن حمزه بكل براءه فضل يسكتها ويطبطب عليها وباس راسها عشان تسكت ^_^

وبعد عياط متواصل ومحاولات من المدرسه والمشرفه وطبعاً حمزه الحمدلله سكتت حفصه وإندمجت مع أصحابها فـ الفصل ~
.
.
وملك واخده أجازه من شغلها زى محمد قاعده فـ البيت قلقانه أول مره يبعدوا عنها ومحمد ملاحظ توترها فـ إقترح عليها بما إنه أجازه يتغدوا بره ويتمشوا شويه لحد ميعاد رجوع ولادهم من المدرسه وبالفعل غيّرت ملك هدومها وخرجت معاه ، وداها الأماكن إللى بيحبوها وتدريجياً قلق ملك تلاشي وإندمجت مع ذكرياتها هى وحبيبها فـ نفس الاماكن من سنين ♥ ^_^ ~

••••••••●••••••••●••••••••••●•••••••••●••••••••●•• •••••

مروان ولوجين حياتهم إتغيرت تماماً وطبعاً للأحسن ^_^
ورجعوا لـ لعب البلايستيشن من تانى ومش للمواعين وبس لأى حاجه يختلفوا عليها الفيصل بينهم دور بلايستيشن وسلوان على طول بتشجع فريق لوجيناحلى ابتسامة

زاد حب مروه فـ قلب محمود أوووى من يوم ما مرام نورت حياتهم ^_^
محمود مابيسمحش لأى مشاكل بينهم حجمها يكبر زى ما مروه شاطره جداً فـ إنها تمتص غضبه وتخرجه من أى عصبيه أو ضيق ، وده طبيعي أصل إللى بيحب حد أووى بيقدره ويستحمله فـ وقت عصبيته

مصعب ما شاء الله حفظ جزء عم وساره مازالت مستمره فـ النظام إللى محمد قالها عليه ، أصبح كل هدفها إنها تحفظه القرآن الكريم فـ سن صغير زى ولاد خاله ^_^ ومهند مبسوط جداً من طريقة تربيتها لـ مصعب وإهتمامها بـ يبتها وإبنها وإنها مش مخليه إهتماماتها تشغلها عن زوجها ^_^ ♥

لميس وعمر ، ياسمين ومحى ، لينا ومصطفى حياتهم هم وولادهم الحمدلله مستقره
محمد مبسوط جداً من إهتمام ملك بـ يبتها وولادها وبيه هو كمان و بيروح معاها متابعات حملها ، رجع بذكرياته لأيام حملها فـ حمزه وحفصه ومنتظر ولادتها ♥ ^_^

كمان بيحاول على أد ما يقدر ما يضغطش عليها وأحياناً بيساعدها فـ البيت ومشاغله

ملك زادت الضغوط عليها منهج ولادها محتاج متابعه مستمره ، بتذاكرلهم أول بأول وبتوفق بين إهتمامها بـ بيتها وشغلها وأهم واحد زوجها ^_^ وهو مش سايبها لوحدها بيساعدها فـ كل حاجه ♥ ^_^ ~

••••••••●••••••••●••••••••••●•••••••••●••••••••●•• •••••

ملك ودعت ولادها ،ركبوا باص المدرسه وراحت هى على شغلها بنشاط كعادة كل يوم ..... خلّصت شغلها وهى خارجه لفت إنتباهها طقم لطفل مولود فـ محل جنب المركز شكله جميل أووى وقررت تشتريه ^^
إشترته وكام طقم كمان عجبوها عشان البيبي ^^ خلّصت شرا وشاورت لـ تاكسي ، رن موبايلها وكان محمد بيطمن عليها

ملك : أيوه يا روحى انا بخير الحمدلله ^_^ إشتريت كام طقم لـ البيبي يجننوا ما شاء الله ^_^

محمد : يا روحى ♥ لما أرجع البيت إن شاء الله أشوفهم ^^ ،و أول ما الولاد يرجعوا إجهزى عشان نخرج شويه

ملك : الله الله وهنروح فين بقى إن شاء الله ؟

محمد : عاوز أفسح الولاد بقالهم كتير ماخرجوش ،، إنتى فين دلوقتى ؟

ملك : لسه خارجه من المركز وراكبه التاكسي أهه

محمد : طيب تمام خدى بالك من نفسك يا حبيبتي وانا قدامى ساعتين كده وهرجع البيت إن شاء الله

ملك : إن شاء الله يا حبيبي

قفلت معاه بصت لـ الهدوم إللى إشترتها وإبتسمت بفرحه ^_^ شالتهم فـ الشنطه وحطت إيديها على بطنها ، إبتسمت وسرحت فـ حياتها وولادها وفـ الطفل إللى فـ بطنها ، سرحت فـ يوم ولادتها وناويه تسمّي إيه المره دى لو بنت أو ولد ^_^

وفجأه صرخت : بسم الله بسم الله

الحلقة 37 - الجزء الثالث

وقفنا الحلقه إللى فاتت عند أما

رجع محمد من عند صاحبه ، فتح الباب ولقي البيت كله مضلّم زفر وقال : أكيد نايمه مش عارف انا ايه حكاية النوم اليومين دول !!!


بيكلم نفسه وفجأه ..... إتفتح نور الصاله إلتفت ولقى ملك واقفه مبتسمه

إبتسملها : لما لقيت الجو مضلم كده قلت هلاقيكي نايمه ، نفسي أفهم حكاية النوم ده إيه !!!

ضحكت ملك : مممممم ماما بتقول وهى حامل فيا كانت بتنام كتيير أووى كده ^__*

محمد : أيوه يا حبيبتي بس إنتى مش دايماً كده إنتى من يوم ما رجعنا من السفر !

ملك : هى الرجاله مابتفهمش بسرعه ليه ؟!


بصلها محمد بإستغراب ومش فاهم قصدها

قربت منه وسألت : حبيبي إنت فاكر يوم ما عرفت بخبر حملى فـ حمزه وحفصه

محمد : وهو ده يوم يتنسي يــــاه ، لقيت اللوحه وقلت ضيوف مين دول إللى كل شويه تقول عليهم وهنستني الشهور دى ماكنتش فاهم بس وقت ما أنشدتي وإنتي حاطه إيدي على بطنك حسيت قلبي كان طاير وقتها يا سلااااام ......

وهو بيتكلم إبتسمت ومسكت إيديه حطتها على بطنها وأنشدت للمره التانيه :

احب ابي وكفّيه .. واهوى قلبه الحاني


انا قُبلٌُ لرجليه .. تؤدي فرض احساني


ابي يا أكبر النعم .. رضاك علي ياحُلمي


فإن هواك في قلبي .. صلاة داخل الحرم

محمد وقّف كلام وبصلها بـ زهول : معني كده إنك حـــامل ؟؟!!

ملك : أخيييراً أيووووه أنا حامل يا بابا

وقف يتأملها دقايق ومازال مزهول وأول ما استوعب ضحك وهو بيبصلها بفرحه ، راح يحضنها وقبل ما يحضنها إفتكر الحضن الأهم فـ اللحظة دى ، سجد وبلل الأرض بدموع الفرحه :’))

قام من سجوده وضمها فـ حضنه بقوه :'))

وفـ اللحظة دى إفتكر خبر حملها فـ حمزه وحفصه بالتفصيل وحس بنفس إحساسه يومها ، ضاممها وهو بيضحك ودموع الفرحه حاضنه خده وكتفها

ملك : مبرووك يا روح قلبي

محمد : الله أكبر يا ملك ، الله أكبر ولله الحمد

مبروووك يا حبيبتي وربنا يعينك ويقومك بالسلامه ويجعل الطفل إللى فـ بطنك ذريه صالحه يــا رب ^^

ملك : اللهم آميين

دخلوا اتوضوا وصلوا سوا ركعتين لله نهوهم بدعاء طوويل بصوت ممزوج بدموع فرحتهم :’))


••••••••●••••••••●••••••••••●•••••••••●••••••••●•• •••••


مروان لسه زعلان من لوجين ومابيكلمهاش ولوجين متضايقه اووى لزعله ومش عارفه تصالحه إزاى حزينة


قعدت كتيير مع نفسها ولقت إن عنده حق فـ كل كلمه قالها وإنها فعلاً زودتها أووى حزينة

قررت ترجع زى ما كانت الأول وأحسن كمان وترجع تهتم بحبيبها بس الأول تصالحه


وجتلها الفكره

مروان قاعد فـ شغله ، رجّع ضهره لورا ،ريّح راسه ع الكرسي وبص للسقف ، مش عارف يقعد وهو مابيكلمش لوجين وفـ نفس الوقت كفايه بقى تعب لازم ياخد موقف عشان تحس بيه شويه

حزينة

خلّص شغله ورجع ع البيت ، ماشى بملل فتح باب الشقه ورفع حاجبه وعلى وشه علامات تعجب !!!!


••••••••●••••••••●••••••••••●•••••••••●••••••••●•• •••••


محمد من يوم ما عرف بـ حمل ملك والفرحه مش سيعاه

وكالعاده طلّع صدقه لـ الفرحه دى وأخد ملك والولاد فسّحهم شويه عشان من يوم ما رجعوا من السفر ماخرجوش


هو وملك كانوا محافظين على عادة إنهم يحوشوا لـ الصدقه فـ الحصاله إللى اشتراهالها أما كانت حامل فـ حمزه وحفصه ، لحد ما كبروا ولادهم و ملك علمتهم عادة التحويش فـ الحصاله وكمان محمد إشترا حصالتين ليه هو و ملك عشان يحوشوا فيهم وولادهم يقلدوهم ، وفعلاً العاده دى كانت ناجحه جداً ، ولادهم لما أبوهم يديلهم المصروف يقسموه نص فـ الحصاله ونص يشتروا بيه لـ نفسهم ولو جدهم إدالهم أى فلوس برده نفس الكلام يقسموها نصين نص ليهم ونص لـ الصدقه وآخر كل شهر محمد يفتح الحصالات من غير ما يعد الفلوس وياخد ولاده يتصدق بجزء لدار الأيتام إللى متعودين يتبرعولهم وأى محتاج فـ الشارع يخلى حمزه وحفصه يدوله الصدقه بإيديهم

محمد بيحاول يربيهم ع العطاء والكرم ويزرع الرحمه فـ قلبهم وإحساسهم بغيرهم وحبهم لـ الصدقه

مروان لما فتح باب الشقه ، لقاها مقسومه نصين بملايات ، وقف وهو مستغرب !!!!


خرجت لوجين من المطبخ ، أول ما شافها كشّر ودخل على أوضة النوم غيّر هدومه ولسه مش فاهم لوجين بتعمل إيه فـ الشقه باضحك!!!

طلع عشان يدخل الحمام ولسه هيرفع الملايه ويعدّى شدته سلوان من رجله وندهت بصوت عالى : ماماااا حّئِيييي (إلحقي)

خرجت لوجين من المطبخ ومسكت الملايه : عندك لو سمحت !!!


مروان وهو لسه مكشّر : فيه إيه ؟؟!!!

لوجين : مش حضرتك مخاصمنا وعاوز تقاطعنا خلاص وإحنا كمان مخاصمينك تعالى يا سوسو هنا

وقفت سلوان جنبها ، حطت لوجين إيديها فـ جنبها : قررنا نقسم الشقه عشان تبقى براحتك وإحنا براحتنا ، النص بتاعك إللى انت واقف فيه ودى حدودك أما بقى النص التانى إللى فيه الحمام والمطبخ فده بتاعنا إحنا الإتنين لو فكرت تعدّي فيه تبقى جنيت على نفسك

بصت لـ سلوان صح يا سو

حطت سلوان ايديها فـ جنبها زى أمها : اه

مروان عاوز يضحك من منظرهم بس مسك نفسه ومازال مكشّر : معنديش مانع على فكره هتكونوا ريحتوا برده بس لو عاوز آكل ولا أدخل الحمام زى دلوقتى مثلاً إن شاء الله اعمل ايه ؟؟!

لوجين : لاااا ملناش دعوه حضرتك اتصرف بقى ، مش انت اللى عاوز خصام يبقى تستحمل

مروان : لوجين انا مش بهزر عاوز ادخل الحمام

لوجين : وانا مالى


رفع مروان الملايه بسرعه ولسه هيجرى ع الحمام سبقته لوجين هى وسلوان وقفلوا الباب باضحك


ضحك مروان وكتم صوت ضحكته ، خبّط ع الباب : خلّصي يا لوجين انا مش بهزر بقولك عاوز ادخل الحمام مش قادر


لوجين : ــــــــــــــــــــــــــــــــــــــــــــــــــ ـــــ

مروان : طاب نتفاوض ، خلّصى مش ناقصه جنان بجد مش قادر >.<

لوجين : طاب إرجع لحدودك عشان اعرف اطلع واتفاوض معاك

مروان بنفاد صبر : طيب :/

لوجين : هااا رجعت مكانك ؟؟!

مروان : أيوووه إفتحى

فتحت الباب وطلعت خطوه بره فإذا بمروان مستخبّي جنب الباب شدها هى وسلوان ودخل الحمام بسرعه ، هى وسلوان بيدفعوا الباب من بره وهو من جوه وفـ الآخر طبيعي هو إللى ينتصر احلى ابتسامة

قفل الباب ووقفت هى وسلوان بره مستنينه ، لوجين فـ إيديها المنفضه وسلوان فـ إيديها المقشه ويا ويلك لما تطلع يا مروان احلى ابتسامة


طلع مروان وأخدله خبطه من العفريته سلوان بالمقشه على رجله بس الحمدلله قدر يمسك المنفضه والمقشه ويجرى على مكانه


ماسك الفوطه وبيبص بـ بسمة إنتصار لـ لوجين :P ولوجين واقفه مفروسه >.<

دخل أوضته عشان يعرف يضحك براحته وخرج لقى لوجين شايله سلوان وبياكلوا هم الاتنين ورك فرخه
(( معناها هتتحرم من الغدا يا مروان احلى ابتسامة))


طنشهم مروان ونزل من الشقه رجع بعد نص ساعه وفـ إيديه حاجات كتير حط تربيزه وكرسي قصادهم وفتح الأكياس

إشترا بتزا وشوكولاته وشيبسي وآيس كريم وحطهم كلهم جنب بعض وقعد ياكل والحاجات دى إللى بتضعف الأنستين سلوان وأمها باضحك

وزى ما مروان توقع سلوان لم تصمد كثيراً وأعلنت الإستسلام ، عدت الملايه

مروان : عندك إرجعى ، عند ماما يلا >.<

قربت بكل برائه : بيييبيي حزينة

مروان : دلوقتى حبيبك يا بت الـ >.< ماشى ماشى أقعدى كلى

لوجين : سلوان تعالى هنا >.<

سلوان وهى بتاكل : لأه ماما

وحصل كما خطط مروان أعلنت سلوان الحرب على أمها ووقفت فـ صف أبوها احلى ابتسامة


فضلت لوجين بصالهم ومفروسه


مروان وهو بياكل بص لـ لوجين : إللى عاوز يجي ياكل يا سوسو يا حبيبة بابا معنديش مانع يعني بدل ما يتفرج علينا وهو مفروس كده

لوجين : هه مفروس !!! قال مفروس قال >.<

طنشتهم ودخلت المطبخ

خرجت عشان تنام وقف مروان قصادها : آسف ممنوع -_-

طنشته وراحت تعدّي من حته تانيه وقف قصادها : قلت آسف انتى اللى حطيتي القوانين دى يبقى لازم تحترميها :P

بصتله لوجين والدموع فـ عنيها ، مروان : إنتى هتعيطي ؟! كل ده عشان معدتكيش :P طاب لما إحنا عيال بقى بنلعب مع مروان باشا ليه من الأول

وقف عن الكلام لما لقى دموع لوجين نازله بجد

رفع الملايه وقرب منها : لوجين إنتى كويسه ؟؟؟

بصتله : أنا اسفه يا حبيبي والله ما هتتكرر تانى هاخد بالى منك وارجع اهتم بيك ، غصب عنى والله ، ما انا كمان معذوره يا مروان ، عشان خاطرى عاقبني بأى حاجه إلا إنك تحرمنى من حضنك وتقاطعني بالشكل ده :'( ، أنا أسفـ .....

وقبل ما تكملها كان مروان ضامّها لحضنه ♥ : أنا إللى آسف يا روح قلبي ع الكلام إللى قولته وعن اسلوبى الفتره اللى فاتت ، غصب عنى إنتى كنتي وحشاني أووى حزينة

دفنت راسها فـ حضنه وسابت دموعها تشكيله إللى واجع قلبها :'( ♥

••••••••●••••••••●••••••••••●•••••••••●••••••••●•• •••••

مرت الأيام وقرّب شهر رمضان المعظّم ، كالعاده قبل حلوله بأيام بدأ الجميع يستعد ، وطبعاً ملك ومحمد نزلوا إشتروا خزين شهر رمضان ومحمد زى كل سنه نظّم مع ملك الأكل إللى ممكن يحتاجوه بالضبط ماجابوش زياده عنه لإنه شهر رحمات وطاعات مش شهر للأكل !!!!
وقبل رمضان بيوم جه محمد ومعاه الزينه ^_^

فانوس كبير و3 فوانيس صغيرين فانوس لحمزه وفانوس لحفصه وواحد لـ ماما ملك ^_^ ♥

إستقبلوه بفرحه ، وبدأوا يزيّنوا البيت ^_^

ووصل الشهر الكريم بعد طول إنتظار وشوق إليه ♥ ^_^

وصل يدفّي القلوب بروحانياته ^_^ ♥ محمد أخد ملك وحمزه وحفصه ع المسجد عشان يصلّوا أول صلاة تراويح ^_^

محمد كان الإمام وحمزه بيصلّي معاه وملك وحفصه بيصلوا وراهم فـ مصلى السيدات ^_^

تفرّغوا فـ بيتهم للعباده وبس وحمزه وحفصه بيقلدوا أمهم وأبوهم بيتسحروا كمان معاهم لكن وقت الصيام مابيقدروش يصمدوا آخرهم الساعه 11 أو آذان الظهر بالكتير احلى ابتسامة

ومحمد كان بيجهّز درس ديني كل يوم للناس فـ المسجد بعد ما يصلّي بيهم التراويح

ملك رغم تعبها من الحمل لكن ماسمحتش للتعب يعطلها لحظة عن عبادة ربنا وإغتنام الفرصه فـ الشهر المعظّم ♥ ^_^

مرت الأيام وودّعوا شهر رمضان وحل عليهم عيد الفطر ببهجته إللى بينشرها فـ الكون مع كل تكبيره ^_^

صحيوا فـ الفجر ، راح محمد هو وحمزه ع المسجد وأول ما رجعوا فتحتلهم ملك وهى بتكبّر ، إبتسم محمد إدالهم عديتهم وبدأ تكبير معاها هو وحمزه ومعاهم حفصه :

الله أكبر الله أكبر .الله أكبر لا إله إلا الله

الله أكبر الله أكبر... ولله الحمد

الله أكبر كبيرا والحمد لله كثيرا وسبحان الله بكرة وأصيلا

لا إله إلا الله وحده ... صدق وعده .. ونصر عبده .. وأعز جنده وهزم الأحزاب وحده

لا إله إلا الله .. ولا نعبد إلا إياه .. مخلصين له الدين ولو كره الكافرون

اللهم صلِّ على سيدنا محمد وعلى آل سيدنا محمد وعلى أصحاب سيدنا محمد وعلى أنصار سيدنا محمد و على أزواج سيدنا محمد وعلى ذرية سيدنا محمد وسلم تسليماً كثيرا ..

بيرددوا التكبيرات وصوتهم كله فخر بنعمة الإسلام ^_^ ♥

جهزوا وراحوا ع المسجد عشان يصلّوا العيد^_^ ، ،،،،، وخرجوا من الصلاه على بيت جدو عبدالرحمن أخدوا العيديه وطبعاً ملك معاهم خدت عديتها نيابة عن إللى فـ بطنهااحلى ابتسامة

بعدين عدّوا على بيت جدو مجدى وملك عملت محاولات كتييره عشان تشيل العيديه لحمزه وحفصه ولكنها باءت بالفشل هع هع هع


بس إنبسطت جداً من تصرفهم لما رجعوا البيت ^_^

من غير ما هى أو محمد يقولولهم أخدوا جزء من عديتهم وحطوه فـ حصالة الصدقه ^_^


••••••••●••••••••●••••••••••●•••••••••●••••••••●•• •••••


مروان ولوجين الحمدلله إتصالحوا ولوجين رجعت تهتم بيه زى الأول ^_^ وعايشين حياتهم بسعاده وحب ♥


الأيام بتمر ومروه بيقرب ميعاد ولادتها ويزيد توترها وخوفها ومحمود كالعاده جنبها دايماً وبيطمّنها ♥

وفـ يوم ولادتها رجع محمود من الشغل ودخل يريّح شويه وهى من وقت ما صحيت و حاسه إنها مش طبيعية ، بيجيلها مغص ويختفى بدأ الألم يشتد عليها وأصبح لا يُطاق عرفت إنها آلالام الطلق وبسرعه جريت على محمود ، قام من النوم مفزوع لبس هدومه وهى كانت لبست النقاب بالعافيه على عباية البيت ، أخدها على عيادة الدكتوره اللى متابعه معاها بسرعه وقالت إن دى حالة ولاده

دخلت أوضة العمليات ومحمود منتظرها بقلق وخوف بره >حزينة ، إتصل على محمد وعرّفه راحله هو وملك وبعد ساعه إنتظار بخوف وقلق جاتلهم البشرى بوصول الأنسه مرام محمود عبدالرحمن لـ الدنيا ^_^ ♥

طلعت الممرضه ومعاها مرام شالها محمود ودموع الفرحه حاضنه خده ، طبع قبله على خدّها وبدأ يأذن فـ ودنها ويطبق سنن رسولنا الكريم ما تصلّوا عليه ؟ ♥ ^_^

محمد إفتكر لحظة ما شال حمزه وحفصه لما إتولدوا وإبتسم ^_^

بص لملك وهمس عقبال ما أشيل مولودنا التالت إن شاء الله يا روح قلبي ♥

ملك : يـــا رب ♥ ^_^

مروه الألم كان بيعتصرها وصرختها بتخرج من الأعماق وأول ما سمعت بكا مرام إطمن قلبها وهديت ، إتناولتها من الدكتوره ، ضمتها لحضنها وهى بتبتسم بوهن قبّلت راسها و رددت : الحمدلله :')) ♥

حلت الفرحه على الجميع بحلول مرام ♥ ^_^

بص الحاج عبدالرحمن لـ ملك ودعالها ربنا يقوّمها بالسلامه ويفرّحهم بمولودها إن شاء الله ♥ ^_^

محمود عمل عقيقه لـ بنته فـي يوم سبوعها ،، رجعوا ملك ومحمد من العقيقه ودخل محمد عشان ينام ، قبل ما ينام إفتكر حاجه هيراجعها تبع الشغل ، قام يدور على قلم فـ درج ملك وأول ما فتح الدرج إتفاجئ مخضوضة!!!!

الحلقة 36 - الجزء الثالث

وصلت الطياره لـ أرض الوطن ، وكانت مفاجأه لـ ملك لما لقت صحفيين وناس عاديين مستقبلينهم فـ المطار بفرحه

فضلت مزهوله لحد ما شافت أبوها واقف وبيبتسملها جريت على حضنه ووراها حمزه وحفصه

سلّمت على أهلها ، راحت معاهم البيت وفضلت تحكيلهم عن الرحله بالتفصيل

ملك : بس أنا بجد إتفاجئت لما شفت ناس مستقبلانا فـ المطار ، وإستغربت جداااا !!!

أمها : ليه يعنى هو حمزه وحفصه شويه دول رفعوا راس مصر وشرّفوها دول معجزه من عند ربنا اللهم صلِّ ع النبي

ملك: ما انا فاهمه ياماما بس صراحه إللى متعوده عليه من المصريين إنهم يستقبلوا المغنيين أو مشاهير السينما مثلاً فـ المطار أو إللى فازوا فـ مسابقات ملهاش أى لازمه !!!

لكن عمرهم مره ما راحوا يستقبلوا عالِم ويفرّحوه بإنجازه العلمى والمُشرّف او يحسسوه بعظمة إللى عمله ولا حد فاز فـ مسابقة علميه او دينية أو أدبيه مشرّفه بجد عشان كده انا مستغربه جداً !!!

محمد : عندك حق يا ملك انا كمان إستغربت !!!

المهندس مجدى وحمزه وحفصه على رجله : سيبكم من كل ده المهم إن حبايب قلبي رجعولى انا كنت هتجنن وأضمهم فـ حضنى وقت ما سمعت النتيجة ربنا يباركلنا فيهم

كلهم : آمييين

نزلت سلوان من على رجل أمها وجريت على جدها واقفه مكشّره : مدّي أوبّا حزينة

المهندس مجدى : هههههههه إنتى غيرانه يا سوسو اوبااا يا مدّي تعالى

شالها وضمهم التلاته لحضنه بـ فرحه

مشيت ملك من عند أهلها على بيت أهل محمد سلّموا عليهم ورجعوا بيتهم يرتاحوا من السفر ~

بعد رجعوهم بيومين لقوا كل الجرايد والمجلّات بتتكلم عن حمزه وحفصه وكمان فيها تهنئه من جدو مجدى لأحفاده بفوزهم كمان نظملهم حفله وعزم فيها كل أصحابه وقرايبهم ....

الحفله كانت رائعه وإللى أحياها تلاوة حمزه وحفصه ومحمد وإنشادهم سوا ~

بس ملك ماكنتش طبيعية !!!

من إرهاق الرحله قضت اليومين إللى فاتوا نوم وقاعده فـ الحفله حاسه بإرهاق شديد و برده عاوزه تنام
••••••••●••••••••●••••••••••●•••••••••●••••••••●•• •••••

مروه ومحمود مترقّبين ولادة مروه ، محمود من يوم ما إتجوزها وهو حاسس إن ربنا كرمه أووى وعوضه عن كل حرام مارضيش يقربله بس عشان #مرضاة_الله

بيروح معاها كل المتابعات ،،، مافوّتش ولا متابعه من يوم ماعرفوا بخبر حملها ، بيحس بسعاده ملهاش مثيل وهو شايف حته منه بتكبر فـ رحمها ~

سلوان هى فاكهة حياة مروان ولوجين ، قدرت فعلاً تخلّي لوجين تتعايش مع حالتها وتتناسى ، لكن لوجين بتخاف على سلوان بشكل مش طبيعي ،ما بتفرقهاش ومابتروحش أى مكان من غيرها وإن خرجوا مابتنزلهاش من على رجلها ، وياسلام لو سلوان وقعت ولا جالها دور برد لوجين بتبقى هتتجنن وتعيط بشكل مش طبيعي لحد ما تخف !

ومروان رغم إنه متضايق من النقطه دى بس بيحاول يطنّش ضيقه وعاذر لوجين طبيعي تعمل كده ملهاش ولا هيكون لها أطفال غير سلوان !

ساره ومهند عايشين حياتهم بشكل مستقر ،، الحمدلله مهند بدأ يرجع لطبيعته بعد ما وفاة أمه كسره وقفّل الدنيا كلها فـ وشه حزينة(

عمره ما هينسى وقفة ساره جنبه وجنب أمه فـ فترة مرضها الأخيره ، أحياناً كانت بتهمل مصعب عشان تاخد بالها من أمه وتراعيها فـ مرضها

أثبتتله إنها زوجه صالحه بالفعل ، وخصوصاً فـ تربيتها لمصعب قررت تعمل زى ملك ومحمد وتحفّظه القرآن فـ سن صغير وبالتالى طلبت من محمد ينظملها جدول ومحمد كتبلها الجدول إللى استخدمه هو وملك مع ولادهم وهم فـ سن مصعب

وبالفعل بدأت تطبقه بمساعدة مهند ~

لميس الحمدلله وجعها زال بوجود فرح فـ حياتها ويا سلام على فرح وشقوتها ولا كلمة #ماما وهى طالعه منها

كلمه لميس حلمت بيها كتيير أوووى ولما يأست وحست مفيش أمل تسمعها ربّها فاجئها وغمرها بكرمه وعطفه ورجّع الفرحه تانى لقلبها ♥ ~

محى كان طول عمره فاكر إن أبوه مابيحبهوش وفاكر إن حب الإبن ده بيطلع من قلب الام وبس يمكن بسبب العقده إللى عاش بيها فـ حياته !

لكن من يوم ما إتولد مالك وفكرته إتغيرت تماماً .... حس يعني إيه حب الأب ♥

أصبح عنده إستعداد يضحّي بنفسه وبأى شئ فـ الدنيا بس يشوف إبنه كويس وسعيد ♥

وياسمين قدرت ترجّع علاقته بأهله فـ الصعيد من تانى ♥ ، بقوا كل أجازاتهم بيقضوها هناك ♥ ابتسامة حاسس إن حياته إتغيرت للأحسن بكتييير بقى بيكره الهروب إللى كان عايش فيه طول حياته ودايماً يدعي لأبوه وأمه ولأمه التانيه أمل ربنا يجعل قبورهم روضه من رياض الجنّه ♥

لينا بقت ساكنه جنب أهلها فـ شقة حماتها الحاجه سهير بعد موتها :'((

موت الحاجه سهير أثّر فـ كل سكان العماره حزينة( ♥ وخصوصاً مراة إبنها لينا :'(

الكل كان متضايق لحالتها فـ أواخر أيامها ، ماتت وهى غضبانه على ولادها :'(

لما إشتد المرض عليها طلبت من إبنها مصطفى يكلّم إخواته يرجعوا عشان نفسها تشوفهم أوى كلّمهم وكل واحد وواحده من إخواته إتحججوا بمشاغل الحياه ووعدوا قريب أوى هيجوا يزوروها ، مصطفى كان يكدب عليها كل ما تسأله كلمت إخواتك ولا لأ ؟

يرد الشبكات عندهم مشغوله ومافيش إتصالات !!! مش هاين عليه يقولها إنه كل يوم يكلمهم يتحايل عليهم مش عاوز يوجع قلبها ♥ :'( !

وفـ يوم ولادها قرروا يحنّوا عليها ويرجعوا مصر عشان يشوفوها لكن للأسف رجعوا بعد فوات الاوان !

رجعوا وهى فارقت الحياة :'( ، رجعوا ولقوا وصيتها إنهم مايلمحوش طرفها ولا يحضروا عزاها أبداً

وبالفعل مصطفى نفذ وصية أمه رغم إنهيار إخواته إللى أصبحوا زى المجانيين نفسهم بس يلمحوها ،، نفسهم يلمسوا إيديها :'(

لكن مصطفى منعهم ونفذ وصية أمه بالحرف ، قالهم إنها كانت كل يوم بتسأل عنهم حتى وهى فـ لحظاتها الأخيره ، قالهم حتى لو أمى ماكتبتش فـ وصيتها كده انا ماكنتش هسمحلكم تشوفوها كفاية كل دمعة كنت بشوفها فـ عيونها من قهرتها منكم :'( ، تعبت وربّت وكبّرت عشان فـ الآخر ولادها يتكبّروا حتى على شوفتها >.< !!!!!!

ياما عانت فـ سنين غيابهم عنها وإللى كان بيسلّي وحدتها هم جيرانها إللى اعتبروها أمهم ، ولينا من قبل ما مصطفى يتجوزها وحتى بعد جوازهم بتراعيها ويكفى وجود حفيدها حسام إبن مصطفى ولينا ، ضحكته كانت بتحلّي أيامها وهى رغم كل ده بس ملامح الحزن كانت ساكنه عنيها ، كان نفسها تطفى لمحة الحزن دى بشوفة ولادها لكنّهم حتى من الحق ده حرموهامش قدارة امسك دموعي !!
••••••••●••••••••●••••••••••●•••••••••●••••••••●•• •••••

ملك كانت واخده راحه من شغلها اسبوعين بعد ما رجعت من السفر ، حاسه بكسل وخمول غير طبيعي !!

حتى محمد لاحظ ده وإستغرب لإنه كان مسافر معاها هو والولاد وهى الوحيده إللى راجعه بالتعب ده ومابتاكلش ، على طول دايخه وعاوزه تنام وبس !!!!

راحت شغلها ومعاها حمزه وحفصه كالعاده


أول يوم ليها أخدت معاها شوكولاته ووزعتها لزمايلها ولـ الطلبه فـ المكان عشان فوز ولادها فـ المسابقه ابتسامة

حاولت تتغلب على الإرهاق إللى حاسه بيه وأدت واجبها بس ماقدرتش تكمل ،،إعتذرت وروّحت بدرى !

رجع محمد من الشغل ومالقاش ملك فـ إستقباله !!!!

فتح الباب ولقى حمزه وحفصه بيلعبوا ، جريوا على حضنه ، دخل المطبخ ومالقاش ملك !!!

سأل عنها حفصه وقالتله إنها نايمه ، فإستغرب جداً ام العريف !!!

ساب حمزه حفصه بيكمّلوا لعب ودخل يتطمن عليها لقاها فعلاً نايمه -_- مارضيش يصحّيها ، سابها وبدأ يغيّر هدومه ، رن المنبه وبالرغم من إن صوته مزعج جداً ملك ماقامتش احلى ابتسامة

بدأ محمد يقلق كده ، بهدوء بيصحّيها ، فتحت عنيها وردّت بوهن : إنت جيت يا حبيبي -_- هقوم أحضرلك الغدا

قالت الجمله دى وكملت نوم تانى ، إنفلتت من محمد ضحكهاحلى ابتسامة ، قبّل راسها غطّاها وسابها تكمّل نومها ♥

صحيت ملك وإتصدمت لما بصّت فـ الساعهمستفاجأة ، ما عملتش أى حاجه فـ الغدا ومحمد المفروض إنه وصل من ساعه !

قامت بسرعه ، وبتجرى ع المطبخ لقت محمد بيلعب مع حمزه وحفصه فـ الصاله

ملك : إنت جيت يا حبيبي ، أنا أسفه أووووى معرفش والله مالى حزينةثوانى وهيكون الغدا جاهز

محمد : إستنى إستنى احلى ابتسامة ، بالراحه يا حبيبتي ماحصلش حاجه أنا نزلت أنا والحلوين دول إشترينا بتزا استنيناكى وحاولنا نصحّيكي مارضتيش تقومى وصراحه كنا واقعين من الجوع فخونّاكـِ~ بقى وأكلنا حزينةبس سيبنا أكلك ما تقلقيش ولو عاوزانا ناكل معاكى تانى ما يضرّش برده :P ههههههههه

ملك : ههههه تسلملي يا روحى كملوا إنتوا أكلكم أنا مش جعانه

قام محمد وهو مستغرب : ملك فـيه إيه ؟!! إنتى مش طبيعية يا حبيبتي إيه حكاية قلة الأكل والنوم الكتير دول ؟؟!!

ملك : معلش يا حبيبي إرهاق من الرحله فاكر يوم العمره كانت حالتى كده برده

محمد : أيوه يا حبيبتي بس العمره تختلف العمره ليكي حق تتعبى فيها وانا كمان تعبت معاكى لما رجعنا لكن ده إحنا كنا مرتاحيين هناك وإللى ممكن يتعبك هو الطياره مثلاً يوم يومين لكن مش اسبوعين يا حبيبتي فيكي إيه ؟؟!!!!

ملك : صدقنى والله إرهاق ولاحظ إننا ماكنّاش بنّام هناك أصلاً ، ما تقلقش يا روحى انا كويسه

محمد : طاب لو كويسه يبقى تاكلى دلوقتى

ملك : مليش نفس والله

محمد : و لو قلت عشان خاطرى ؟!!

إبتسمت ملك : عشان خاطرك أعمل أى حاجه فـ الدنيا ^_^

إبتسم محمد وراح ع المطبخ جابلها الأكل وأكّلها كمان بإيديه ^__* ♥

تانى يوم كالعاده ملك راحت على شغلها وبعد ما خلّصت عدّت على أمها سلّمت عليها وقعدت تحكى معاها شويه ، أمها بتتكلم وهى فجأه حست بهبووط أصبح كلام أمها مش مسموع بوضوح وعنيها مزغلله ، قامت تغسل وشّها وأول ما إتحركت فقدت الوعى -_-


فاقت ملك ولقت نفسها على سريرها ، ولادها جنبها وأمها واقفه بتتكلم مع الدكتوره إللى خلّصت فحصها وبتقفل شنطتها

ملك بوهن وهى بتحاول تفتح عنيها : هو فيه إيه -_- ؟!

أمها مبتسمه : إرتاحى دلوقتى يا حبيبتي ^_^

الدكتوره لـ أمها : وزى ما قلت لحضرتك كل ده طبيعي هى هتاخد فتره كده فـ الأول وهترجع لطبيعتها بس المهم محتاجه راحه وتتغذى كويس لإن واضح إنها مابتاكلش !!

أمها : حاضر يا دكتور متشكره جداً لحضرتك

وصّلت أمها الدكتوره لـ الباب ورجعت لملك ومازالت البسمه على وشّها ^_^

ملك وهى لسه حاسه بدوخه : فيه إيه ماما هو حصل إيه -_- ؟

أمها : كنتى بتتكلمى معايا وفجأه قمتى ووقعتى فـ الأرض وإنتى مش عجبانى من يوم ما رجعتى من السفر والله كنت شاكه عشان كده إتصلت بالدكتوره إللى فى العماره اللى ورانا جارة صحبتي طنطك فايزه والله يباركلها جت على طول وأكدت شكوكي وطمنتني الحمدلله ^_^

ملك : شكوك إيه يا ماما -_- ؟!!!!

ضحكت أمها : أصلي وأنا حامل فيكي كانت عندى نفس الأعراض

جحظت ملك عنيها : حامل فيا ؟؟! يعني أنامستفاجأة؟؟!!

أمها : أيوووه مبرووك يا روح قلب ماما ما شاء الله إنتى حامل ♥ ^_^

ضحكت ملك بفرحه ^_^ ، حاولت تقوم ماقدرتش

أمها : إرتاحى يا ماما

حطت ملك إيديها على بطنها وإبتسمت ^_^ ، غمضت عنيها بوهن وإنسابت منها دموع فرحه :')) ~ .


رجع محمد من شغله فتح باب الشقه ومالقاش حد !!!

((معقوله تكون كل ده لسه عند ماماتها !! دى قالتلى هعدّى أسلم عليها على طول وآجى !!!! ))

مسك الموبايل وإتصل بيها ، كانت نايمه -_- ، ردّت أمها ع الموبايل ومارضيتش تقوله ع الخبر ^_^ لحد ما ملك هى إللى تقوله ،،،قالتله إنها كانت عوزاها فـ حاجه ضرورى عشان كده إتأخرت عندها ،، قال لحماته لما تخلّص إن شاء الله ترنله عشان يجي ياخدها ،،قفل محمد مع حماته وهو متضايق >.< مابيحبش يرجع البيت ومايلاقيش ملك والولاد >.< !!

دخل غيّر هدومه ونام على طول -_-
••••••••●••••••••●••••••••••●•••••••••●••••••••●•• •••••

مروان قرر يتفسح هو ولوجين لوحدهم شويه بقالهم كتير ماخرجوش ولو خرجوا كل إهتمامها بيبقى بـ سلوان وفـ الآخر بتبوظ الخروجه :/ !!!

المره دى فضل يتحايل عليها ويقنعها تسيب سلوان عند مامتها وبعد معاناه الحمدلله وافقت !

وَدّاها عند حماته بسرعه قبل ما لوجين ترجع فـ كلامها


ورجع كانت لوجين جهزت ، ركبوا العربيه وانطلقوا إلى مطعمهم المفضل ^_^ ، مروان مش مصدق إن لوجين خارجه معاه لوحدهم تقريباً من يوم ما إتولدت سلوان وهو محروم من الخروجات دى !

بيتأمل لوجين وهو مبتسم ^_^ ..... وهى تفكيرها كله عند سلوان !!!!

((يا ترى عامله ايه ؟ طيب هى اكيد صحيت دلوقتى ؟ دى بتحب اول ما تصحى تشرب عصير يوووه نسيت اقول لماما ع الموضوع ده >.< هو أنا أصلاً اديت لماما البسكوت والزبادى بتاعها ولا نسيته ؟! يا خبر ده انا شكلى نسيت دوا الكحه مستفاجأة !!!! مش مشكله همليها اسمه تجيبه من الصيدلية وتديهولها ))

مروان : إيه يا لوجي بكلمك يا حبيبتي سرحانه فـ ايه ؟!!

لوجين : هه ، كنا جبنا سلوان معانا يا مروان كان هيجري إيه يعنى حزينة

زفر مروان : استغفر الله العظيم ، فيه إيه يا لوجين ؟!! يعنى مش عارف أقولك ايه بصراحه المفروض إنك تحسي بيا شويه بقى >.< نفسى نخرج انا وانتى نقضى شوية وقت مع بعض نرجّع أى يوم من ايام زمان نفسى ارجع اشوف بسمتك وضحكتك الصافيه اللى طالعه من قلبك مش المصطنعه !!!

أنا سكت كتير بقى الحياه مش هتقف يا لوجين حادثه وحصلت ربنا عاوز كده واهه عايشين بس انتى لو فكرتى فى السعاده اللى حوليكي والنعم إللى ربنا إدهالك هتفهمى اد ايه ظالمه نفسك وظالمانى وظالمه كل اللى بيحبوكى حزينة

من يوم ما اتولدت سلوان وانتى ناسيه انّى موجود من الأساس !!!

ما انا كمان محتاجلك جنبى ، محتاج لوجين إللى ضحكتها مابتفرقهاش مابيهماش أى حاجه ولا فى أى حاجه فى الدنيا تهزمها !

دلوقتى كل اهتمامك وحياتك مقتصره على سلوان وبس ، سلوان سلوان سلوان !

مش معقوله كده يا لوجين بقى >.< أنا بجد زهقت ومش قادر استحمل اكتر من كده >.<

عموماً ولا تزعّلى نفسك انا هكلم فـ مين أصلاً؟! ما انا ياما إتكلمت :/

بقالى سنتين بتكلم وأتناسى تصرفاتك وخوفك المبالغ فيه ع البنت وأقول بكره ترجع زى الأول بكره تفتكر ان ليها إنسان بيحبها محتاجلها جنبه ، بتقومى بواجبات البيت لكن مين قالك إنى متجوزك عشان تخدمى فى البيت !!

انا متجوز كيان وروح وقلب ، متجوز اكتر انسانه حبيتها فى حياتى ولا فيه اى حاجه بتتغير ، غير إنك بتتصنعى انك كويسه وسعيده ، ونسيتي إننا روح واحده فطبيعي أحس بيكي ، كفايه بقى بجد انا تعبت >.< إتفضلى اركبى عشان نمشى بلاها خروج وقرف >.<

ركب العربيه وإنتظرها تركب عشان يمشوا ، وهى سمعت كلامه وزى ما تكون كانت نايمه و رش فـ وشها كوباية مايه ساقعه :O

ركبت العربيه من غير ما تنطق بحرف واحد ، وهو كمان بيسوق بعصبيه ومانطقش ولا كلمه طول الطريق ،، راح بيها عند أهلها نزلت جابت سلوان ومشيوا على بيتهم ~
••••••••●••••••••●••••••••••●•••••••••●••••••••●•• •••••

صحيت ملك وأمها قالتلها إن محمد إتصل من ساعه وهى مارضيتش تقوله على خبر حملها وقالت انها عاوزه ملك فى حاجه ضرورى

ملك : كويس أووى يا ماما إنك ما قولتلهوش عاوزه أشوف ردة فعله لما يعرف ^_^ ، ده انا زهقته معايا الفتره اللى فاتت طول النهار نايمه وهو مستحملنى ومابيتكلمش

أمها : معلش يا روحى لما تقوليله ع السبب إن شاء الله هيفرح ، عارفه والله وانا حامل فيكي كنت مزهقه أبوكى اكتر من كده


ملك: يـــاه يا ماما ماتتخيليش انا مبسوطه اد ايه ربنا مفيش أكرم منه ^_^

أمها : الحمدلله يا حبيبتي ♥ ربنا يسعدك دايماً يــا رب ♥

قبّلت راس أمها وقامت فايقه وقبل ما تخرج : إلا صحيح يا ماما فين الولاد وبابا لسه ماجاش ؟

أمها : جه وبيحكيلهم قصه جوه احلى ابتسامة قولتله على خبر حملك وفرح اوووى ^_^ كان لس هيكلم محمد يباركله قولتله استنى لـَ تودينا فـ داهيه


ملك : هههههههههههههه الحمدلله إنك لحقتيه ،هروح اسلم عليه ♥

سلّمت على أبوها وباركلها ، كانت هتمشى لوحدها ع البيت مش عاوزه تتعب محمد وأبوها أصر يوصّلها

وصّلها باباها ومالقتش محمد فـ البيت !!

مشى أبوها وهى كلّمت محمد قالها إنه عند واحد صاحبه وهيعدّى يجيبها قالتله ان ابوها وصلّها ،، قالها هيرجع بعد ساعه إن شاء الله ، على طول دخلت خدت دوش بارد عشان تفوق من الخمول اللى عندها


خرجت من الحمام وهى بتفكّر فـ ردة فعل محمد لما تعرّفه خبر حملها
••••••••●••••••••●••••••••••●•••••••••●••••••••●•• •••••

مروان من يوم ما قال الكلمتين إللى فـ قلبه وهو مابيتكلمش مع لوجين بيصحى الصبح يفطر من غير ما ينطق بكلمه وأحياناً بيمشى من غير فطار يروح على شغله ويرجع ينام واول ما يصحى يخرج من البيت ولوجين فكرت كتير فـ كلامه وحست فعلاً بغلطها

بس كل ما تحاول تتكلم معاه عشان تصالحه يصدّها ، بيعاقبها بأكتر طريقه هى بتكرهها

هى فاهمه كل كلامه وحاسه بيه بس كل ده غصب عنها ، كل دى تصرفات لا إراديه بتخرج منها وقررت خلاص هتاخد بالها من تصرفاتها وترجع تانى زى ما كانت وتهد السور إللى إتبنى بينها وبين حبيبها من بعد الحادثه إللى حصلت حزينة ~

رجع محمد من عند صاحبه ، فتح الباب ولقي البيت كله مضلّم زفر وقال : أكيد نايمه :/ مش عارف انا ايه حكاية النوم اليومين دول >.< !!!

بيكلم نفسه وفجأه .....

الحلقة 35 - الجزء الثالث

#بعد_مرور_سنتين ....... !

المهندس مجدى : فين الريموت يا مايسه المسابقه هتبدأ

مايسه من المطبخ : شوفه ع الريسيفر يا مجدى مابيتحركش من مكانه

المهندس مجدى : بقولك مفيش ولا يمكن ركّب رجلين ومشى بيهم خلّصوا عشان مش عاوز لحظة تفوتنى فـ المسابقه

وهو بيدور جت بكل براءه وفـ إيديها الريموت : مدّي

هو إنتى يا زقرده إللى واخده الريموت ومدوخانا هاتى باضحك

مروان : فيه إيه بس يا حجوج !! سمعتك بتقول دوخه ومادام جت سيرة الدوخه يبقى أكيد سلوان ليها يد فـ الموضوع

المهندس مجدى وهو شايل سلوان : كويس إنك عارف يا اخويا ، بس بنت الـ ...
رغم شقاوتها محتله قلبي إحتلال بمدّى إللى على طول تندهلى بيها دى

خرجت لوجين من المطبخ وفـ إيديها كيك : هتجيبه من بره يعنى يا بابا ، ماما بتقول مروان كان شقى كده وأكتر كمان

المهندس مجدى : مروان ده كان مغلّبنا وطول النهار فـ الشارع لما فـ مره آخر مازهقت ربطته فـ السرير وفك نفسه معرفش إزاى هههههههههههههه

مروان : هههههههههههه محدش يعرف السر ده لحد دلوقتى يا حاج ، حبيبة قلبي ملك طبعاً هى إللى فكتنى وإدتنى من مصروفها كمان عشان اروح اشترى بدل المصروف إللى سحبته منى

أمه : طول عمرها حبيبة قلبي حنينه وحشتني أووى هى والعيال حزينة

المهندس مجدى : أيوووه كالعاده إقلبيها مناحه ، انا مش ناقص يا مايسه ماسك نفسي بالعافيه ع الأسبوعين اللى غابتهم بره ، دعواتك بس معاهم حزينة

كلهم : يــا رب

المهندس مجدى وهو بيعلّي صوت التليفزيون : طاب بس بس المسابقه بدأت اهه

الحاجه صفاء : يلا يا حاج عبدالرحمن المسابقة هتبدأ

الحاج عبدالرحمن شايل مصعب : أنا جيت اهه يا صفاء

ساره : يا بابا يا حبيبي نزلّه يمشى عشان مايتعبكش

الحاج عبدالرحمن : وأنا ما اشتكتش يا بت فاكره ابوكى عجّز ولا إيه !!

طبعت ساره قبله على خده : يا سلام ما عاش ولا كان اللى يقول كده يا روحى !!! ربنا مايحرمنا منك ابداا يا حبيب قلبي

خرج فـ الصاله : إيه ده إنت جيت إمته يا مهند ؟

مهند : من دقيقتين بالضبط يا حاج

الحاج عبدالرحمن : أخبار شغلك الجديد إيه يا ابنى ؟

مهند : الحمد لله بفضل ربنا ماشى تمام

الحاج عبدالرحمن : ربنا يوسّع عليك فـ رزقك

مهند : اللهم آميين يارب

مصعب على حجر جده : ددّو بُوُ

إتناول الحاج عبدالرحمن المايّه وسقاه : بالهنا والشفا يا روح جدك

ونده بصوت عالى : فين العَشا يا مروه !

مروه من المطبخ : حاضر يا بابا اهه خلّصت

واقفه فـ المطبخ وبطنها بتقول إنها فـ الشهر السادس

خرج محمود من أوضته ودخل يتسحّب ع المطبخ ، فاجئ مروه من ضهرها : إركب الهوا !

مروه كانت هتصرخ ولحقت نفسها ، بصتله بعصبيه : قولنا 100 مره الهزار البايخ ده فـ البيت ، كان هيعجبك لو صرخت دلوقتى وبابا جه علّقنا

محمود بيضحك وياكل من طبق البطاطس : هههههه ماتقلقيش ياختى هو لو علّق هيعلّقنى انا مابيقربش منك

مروه : الحمدلله إنى حامل وإلا بسبب هزارك البايخ ده كنت قلت هقطع الخَلف

محمود : أه يا ظلمانى دايماً بحب أضحّك معاكى يا مروة قلبي بلاش يعنى

ضربته على إيديه : بطل بقى خلّصت البطاطس شيل الطبق ع السفره وهنتجمع وتاكل براحتك

محمود : ماشى ، وصحيح إبقى إلبسي نقابك قبل ما تخرجي عشان مهند جه بره

مروه : اه ما انا سمعاه وهلبس النقاب قبل ما اخرج إن شاء الله يا حبيبي ما تقلقش

لبست نقابها وخرجت تحط العشا هى ومحمود وساره ، قعدوا ع السفره يتفرّجوا ع المسابقه أول ما بدأت

فـ بيت المهندس مجدى رن جرس الباب

المهندس مجدى : وده وقته ، إجرى يا مروان شوف مين إللى مش راحم الجرس ده

فتح مروان : يا هلا يا هلا دى ياسمين يا بابا

ياسمين : وحشتونى وقلت اما آجى أتابع المسابقه معاكم ، أمال فين البت سوسو خطيبة إبنى ؟؟

مروان : جوه مطلعه عين جدها ، أمال محى فين ؟

ياسمن وهى داخله : عنده شغل فـ العياده وقال هيبقى يعدّي ياخدنى

شالت سلوان : أهلاً بخطيبة إبنى العثل يا نااث ♥ ^_^

لوجين : لا لا لا مليش دعوه انا خطبت حمزه من ملك احلى ابتسامة

ياسمين : انا غلطانه كنا هنيجي نطلبها معززه مكرمه بدل مابتتحايلوا على حمزه :P

لوجين : عموماً البت تكبر وتختار براحتها بقى باضحك

المهندس مجدى : شششششش بس بقى عاوز أركز >.<

وأخييراً جه وقت إعلان النتيجه قال المذيع كلام باللغه التركية وبعده بدأ المترجم والكل مركّز

((لقد تم الآن إعلان نتيجة مسابقة القرآن الكريم العالمية وقد إحتل المرتبة الأولى التوأم المُلقّب بأصغر حاملين لـ كتاب الله هما #حمزه و #حفصه محمد عبدالرحمن من جمهورية مصر العربية ))

نط المهندس مجدى من مكانهواو : الله أكبر ولله الحمد أنا مش قولتلكم عيالى هم إللى هيفوزوا

وبدأ يبكي من الفرحه باحبك باحبك

مروان : إنت بتبكي يا حاج احلى ابتسامة!

المهندس مجدى وهو بيمسح دموعه : من فرحتى :')) ربنا يباركلنا فيهم

كلهم وهم فرحانين : اللهم آمييين ♥ ^_^

مايسه : يا حبيبتي يا بنتى زمانها دلوقتى طايره من الفرحه ♥ ^_^ :'))

محمد وملك واقفين ومترقبين النتيجه وأعصابهم خلاص على آخرها ، وأخييراً تم إعلان النتيجه وولادهم هم إللى فازوا وكمان تم تلقيبهم بأصغر حاملين لـ كتاب اللهرقص البوبي

أول ما محمد سمع النتيجه سجد فـ الأرض وملك واقفه ونفسها تسجد زيه شكر لله مش قدارة امسك دموعي

واقفه بتبص لعيالها ودموع الفرحه نازله من عنيها ، عاوزه تجرى دلوقتى حاالاً وتضمهم لحضنها :'( ♥ وماقدرتش تستحمل تقف من بعيد تتفرج عليهم كده ، جريت ناحيتهم وضمتهم أووى لحضنها وهى بتبكي مش قدارة امسك دموعي ,والتصفيق الحار منتشر فـ كل أرجاء المكان برافو^_^ ♥

قام محمد من سجدته وحصّل ملك ، ضم ولاده لحضنه وهو لسه بيبكي :'( ، أخييراً حقق الحلم ،،، مروا السنتين اللى فاتوا وهو ملك تعبانين اوووى مع حمزه وحفصه عشان يتموا حفظ كتاب الله ♥

أخلصوا النيّه لله وتعبوا والحمدلله ربنا حققلهم حلمهم وحاسيين دلوقتى فرحه عمرهم ماحسّوها فـ حياتهم قبل كده ^_^

وحمزه وحفصه فرحانين اووى لفرحة أمهم وأبوهم ^_^

سلّموا ملك ومحمد الجائزه رغم إنهم أخدوا الأكبر منها ^_^ تكفي الفرحه إللى حاسيين بيها دلوقتى ♥ ،،نزلوا من ع المسرح وسابوا حمزه وحفصه عشان هيقدموا سوا فقرة إنشاد ^_^

فـ بيت أهل محمد أول ما سمعوا النتيجه تقريباً كده أياديهم من الفرحه طالت سقف البيت باضحك ^_^ ♥

هديوا وقعدوا يسمعوهم وهم بينشدوا ^_^

الحاج عبدالرحمن : اللهم صلِّ ع النبي العيال طالعين لأبوهم فـ الصوت الحلو ، رغم سنهم صغيّر بس صوتهم ما شاء الله يخطف القلب ♥

الحاجه صفاء : فاكر محمد برده وهو أدّهم كده 4 سنين كان برده بينشد بصوت حلو ما شاء الله

المهندس مجدى : قولتلك يا مايسه سيبيني أروح معاهم ، اهه نفسى دلوقتى اضم حبايب قلبي حمزه وحفصه اعمل ايه انا دلوقتى ♥ >.<

مايسه : كلها يومين وهيرجعوا يا مجدى إن شاء الله كنت هتسافر إزاى بس وإنت تعبان

المهندس مجدي : بس انا ناوى أعملهم أكبر حفله فـ الدنيا كلها حفله ماحصلتش دول حبايب قلبي وولادى ♥ ^_^ ......إنزل يا مروان دلوقتى هاتلنا جاتوه

مروان : طاب إستنى لما المسابقه تخلص يا بابا !

المهندس مجدى : لأ إنزل دلوقتى حاالاً ♥

مروان : احلى ابتسامة حاضر ^_^

المهندس مجدى بيكلم سلوان ومالك وهو حاطتهم على رجله: عقبالكم يا حبايب جدكم لما أفرح الفرحه دى وانتوا حافظين كتاب الله كده إن شاء الله ^_^ ♥

كلهم : اللهم آميييين ^_^ ♥

محمد ماسك إيد ملك وواقفين بيتفرجوا على حمزه وحفصه وهم بينشدوا ع المسرح ^_^

بص لملك وإبتسم ^_^ ، إبتسمت والدموع فـ عنيها ، قربت من ودنه وهمست : مبارك يا أبو أصغر حاملين لكتاب الله ^_^ ♥

محمد : مبارك لينا إحنا الإتنين يا حبيبة قلبي ♥ ^_^ ربنا يباركلنا فيهم ويحفظهم من كل سوء

ملك : آمييين ♥ ^_^

فـ دبي لميس قاعده هى وعمر بيتفرجوا هم كمان ع المسابقه وفرحوا جداً لحمزه وحفصه

لميس وهى بتأكّل فرح : بحب حمزه وحفصه أوووى يا عمر ، يعني ولّدت أمهات كتيير وماتعلقتش بأطفال أوى زى ما إتعلقت بحمزه وحفصه كده ربنا يبارك فيهم ويحفظهم لأمهم وأبوهم يــا رب

عمر : اللهم آميين ^_^ وعقبال بنتنا يــا رب لما تحفظ القرآن الكريم كده ^_^

لميس : اللهم آمين ♥ ^_^ يــاه ده يبقى يوم المني

بصت لـ فرح : صح يا روح ماما :* ♥ ؟

إبتسمت فرح بـ برائه وطبعت قبله على خد لميس :*

ضمتها لميس : روح قلبي أنا يا ناس :* ♥

نزلت من على رجل لميس وراحت لعمر : بابا أوبّا ^_^

رفعها عمر وبدأ يزغزغها وهى تضحك ضحكة تملا القلب فرحه ♥ ^_^

إفتكر عمر يوم ماجابها من الملجأ من سنتين طفله رضيعه ، ماكنش حاسس إنها بنته ولا حاسس ناحيتها بأى مشاعر، جابها بس عشان تملا قلب حبيبته فرحه ،، إفتكر إزاى أول كلمة نطقتها هى #بابا يومها كان اول مره يحس إنه أب بجد ♥ :')) ، ويوم ماتعبت ماتوقعش هيخاف عليها بالشكل ده ♥ إكتشف إنه بيحبها أووى ومتعلق بيها ، مع الوقت بدأ فعلاً يعتبرها بنته ويتعامل معاها كأى أب ♥

سمّوها فرح وكانت فعلاً سر سعادتهم وفرحهم من يوم مادخلت البيت ^_^

شالها وفضل يجرى بيها ويلعب معاها وهو مبسووط بصوت ضحكتها ^_^ ♥ ، ولميس بصّالهم ومبتسمه أووى ^_^

إفتكرت أول يوم ضمّت فيه فرح لحضنها ♥ وإزاى ملت حياتها سعاده وهنا وعوضتها عن حرمان الأمومه :')) ♥

قامت تجرى وتلعب معاهم بفرحه ^_^ ♥ ~

••••••••●••••••••●••••••••••●•••••••••●••••••••●•• •••••

فـ بيت أهل محمد ، بعد ما خلصت المسابقه وكلموا محمد باركوله على فوز ولاده ،، دخلوا كلهم يناموا ....

محمود أول ما حط راسه ع المخده راح فـ نوم عمييق احلى ابتسامة
ومروه نايمه جنبه بتتأمله ومبتسمه ^_^ ، إفتكرت يوم حنّتها ، وقت كتب الكتاب ، كانت لابسه فستان وردى رقيق أوى ^_^ ، وراحت ع المسجد وحاسه إنها طايره مش ماشيه ع الأرض ^_^ ، فاكره الخطبه إللى إتقالت فـ كتب الكتاب وفاكره كل حرف فيها ♥ ^_^

حاسه دلوقتى بإحساسها فـ اليوم ده ، أول ما خلاص إتكتب الكتاب ووقّعت ع القسيمه سجدت شكر لله :')) ، نزلت من المسجد وكان محمود منتظرها عند الباب وعيونه بتلمع ♥ ، إتعلقت فـ دراعه والفرحه مش سيعاها وراحوا بزفه على بيت أهلها ^_^

فاكره نظرة عين محمود ليها فـ اليوم ده ^_^ ، مش ناسيه أول كلمة قالهالها ،،،الكلمة إللى إستنتها سنين : #بحبك ^_^
لمعت عيونها ودخلت أوضتها على طول خرجت بصندوق شكله انيق أوى وإدتهوله

محمود : إيه ده يا مروه ؟

مروه : دى الامانه إللى قولتلك يوم ما إتخطبنا هسلمهالك يوم كتب الكتاب إن شاء الله

محمود : آآآآه تمام ^_^

فتحه ولقى جوابات بصلها وعيونه بتسألها : إيه الجوابات دى ؟؟!!!

مروه : الجوابات دى ينطبق عليه (( أنا عند ظن عبدى بى )) ^_^ ، الجوابات دى أكبر مثال فـ حياتي على كرم ربنا :'))

محمود مازال مش فاهم حاجه ؟!!

مروه : لما تقرا إن شاء الله هتفهم قصدى ^_^

إبتسملها محمود وقبل ما ينزل مع على للمعازيم ندهتله تانى وقالت كلمه واحده : #بحبك :'))

إبتسملها محمود بفرحه ^_^

إفتكرت يوم الفرح ، أخيييراً لبست الفستان الأبيض وإنهارده يوم فرحها على أكتر إنسان حبّته وإتمنّته فـ حياتها ^_^ ♥
وزى ما إتفقوا هى ومحمود إنها هتنتقب فـ يوم فرحها وأول مره تخرج بالنقاب كان نقابها الأبيض فـ ليلة عمرها ^_^ ♥

فاكره كل حاجه حصلت فـ يوم الفرح بالتفصيل وكإنها بتحصل دلوقتى قصادها ^_^

إفتكرت إزاى من يوم ما إتجوزت عاشت بسعاده وفرح مع إنسان مفيش زيه فـ رجولته ولا حنانه وعطفه وحبه ليها ♥ ، قدر يعوضها عن كل لحظة ألم مرت فـ حياتها ^_^

بصتله وهو نايم جنبها حطت إيديها على بطنها وإفتكرت ردة فعله يوم ما عرف بحملها ^_^ ♥ إبتسمت وطبعت قبله على راسه :* ،،،،ونامت والبسمه مرسومه على وشها -____-
.
.
صحى محمود الصبح قبل مروه ، بصّلها وهى نايمه جنبه زى الملاك ^_^ ♥

إفتكر أيام الخطوبه وإزاى دخلت قلبه وخلّته يحبها بسرعه ماكنش متوقعها ^_^
ويوم كتب الكتاب لما سلّمتله الأمانه ، فضوله خلّاه يسهر يوم الحنّه ويقرا الجوابات دى ، رغم إنه كان مرهق جداً من ترتيبات الفرح ولازم يرتاح لكن كل ما يقرا جواب يحس إنه عاوز يقرا إللى بعده ، لحد ما قراهم كلهم بدموع عينيه :'( ، مش مصدق !!!

معقوله مروه كانت بتحبه الحب ده كله !!!!

سبحان الله عمره مافكّر فيها ويشاء العلى القدير تكون هى نصيبه ، ربّها إستجاب لدعائها ورزقها بالإنسان إللى كانت بتحلم بيه ♥

إفتكر يوم فرحهم وإزاى كانت ملكه بفستانها الأبيض ونقابها ^_^ ♥ ، إفتكر أول صلاه صلّوها سوا فـ بيتهم ودعائهم الممزوج بدموع الخشيه والتضرّع لله ♥ :'))

إفتكر يوم ما عرف بحملها وإحساسه فـ اللحظه دى ^_^

حاسس إن ربنا فعلاً كافئه على عفته لنفسه بإنسانه زى مروه ♥ زوجه صالحه بتعينه على طاعة الله ♥ ^_^

إتنهد براحه وقبّل إيديها وهو بيدعي ربنا يقوّمها بالسلامه ويحفظهاله ويجعل طفلهم ذرية صالحه ♥ ^_^ ~

••••••••●••••••••●••••••••••●•••••••••●••••••••●•• •••••

مروان صحى الصبح ولقى لوجين وأمه واقفين فـ المطبخ بيحضروا الفطار، سأل عن أبوه : إنهارده اجازه يا ماما أمال بابا راح فين ؟؟!!

أمه : أبوك أصلاً مانمش من إمبارح من ساعة ما كلّم حمزه وحفصه بعد المسابقه ♥ نزل من الصبح بدرى يجهزلهم للحفله احلى ابتسامة

مروان : هههههههههههههه يا بخت حمزه وحفصه وسلوان انا بيتهيألى بابا ماحبناش انا وملك زى ما بيحبهم كده

أمه : صدق المثل اللى بيقول اعز الِولد وِلد الِولداحلى ابتسامة

سمعوا سلوان بتعيّط ،، لوجين : حبيبي روح شوف سلوان ♥

مروان : حاضر رايح اهه

دخل مروان الأوضه : إيه يا روح بابا تعالى يا قلبي أنا :*

شالها ونامت على كتفه ، بيحب ضمّتها أووى ^_^ ♥

إفتكر المعاناه إللى عاشها وهو بيحاول يخرّج لوجين من حالتها والحمدلله أخييراً قدرت تنسي وترجع حياتهم طبيعية زى ما كانت الاول وأحسن، يكفي وجود سلوان فـ حياتهم ، سلوان بمثابة دوا لكل جروح قلبهم فـ الحياه ♥ ^_^ ~

••••••••●••••••••●••••••••••●•••••••••●••••••••●•• •••••

ملك ومحمد رجعوا من المسابقه طايرين والفرحه مش سيعاهم ^_^

قضوا الليل كله بيصلّوا قيام الليل ويشكروا ربنا على نعمه عليهم ♥ :'))

تانى يوم نزلوا يتفسحوا شويه فـ تركيا عشان راجعين مصر تانى يوم إن شاء الله

راحوا حديقة عامه ، محمد وملك قعدوا سوا وحمزه وحفصه بيلعبوا حوليهم ^_^

قبّل محمد إيد ملك :* : ما تتخيليش الراحه إللى حاسس بيها إنهارده يا روح قلبي ♥ ^_^ يـــا الله ^_^ الحمدلله

ملك : الحمدلله يا حبيبي ♥ ، تعبنا أووى معاهم والحمدلله ربنا اكرمنا وحققنا إللى بنحلم بيه :')) ♥ ^_^

محمد : بس المهم بقى يا حبيبتي نعلّمهم يعملوا بالقرآن إللى حفظوه

ملك : ما تقلقش يا حبيبي ، أنا هعمل كل جهدى عشان أربيهم تربية قرآنية ^_^

محمد : ربنا مايحرمنا منك يا أعظم أم وزوجه وحبيبه فـ الدنيا دى كلها ^_^

ملك : ولا يحرمنى منكم أبدااا يا رووح قلبي ♥ ^_^

بصت لولادها وهم بيلعبوا إتنهدت بفرحه ، مسكت إيد محمد وملت الفراغات إللى بين صوابعها بصوابعه ♥
ميّلت راسها على كتفه والعصافير فوق الشجر بتسبّح ربّها فـ تغريدها ♥