الحلقة 27 - الجزء الثالث

وقفنا الحلقة إللى فاتت عند أما

حاولت لوجين تهدى ،،، وسمعت باب الشقه بيتفتح ، غسلت وشها كويس ... وخرجت لقت مروان واقف مبتسم وفـ إيديه بوكيه ورد .....!!

ضحكت لوجين بسخريه وهى بتفتكر إللى حصل ودلوقتى مروان قصادها ببوكيه ورد !!

أول مره ماتفرحش بالورد كده بل وتحس إنها عاوزه تمسك البوكيه وتقطعه على دماغه

قرب منها وهو يا عيني ولا فـ دماغه أى حاجه ،، قال وحشتيني إدّالها البوكيه وقرّب باس راسها وهى بتعتصر قبضة إيديها وحاسه إنها هتنفجر انا باغلي

تماسكت ومنعت دموعها تنزل ، فتحت عنيها ومروان واقف مبتسم ولا كإنه عامل حاجه

لوجين لنفسها (( معقوله إنت بالشكل ده وانا ماكنتش واخده بالى !! حتى تمثيلك بارع اووى ،، تخونى من شويه وجايبلي دلوقتى ورد وإبتسامتك صافيه على وشك ولا كإنك عامل حاجه يا جبروتك !!!!!! ))

مروان : إيه يا روح قلبي فيه غدا ولا ننزل نتغدى برا ؟؟؟

،،،، كل ده ما بتردش

مروان : لوجي ما بترديش ليه ومال وشك أصفر اوى كده ليه ؟؟ إنتى كويسه يا روحى ؟؟

حط إيديه على راسها بيتفقد حرارتها

أقعدى يا قلبي وإستنى أجيب الجهاز أقيسلك الضغط شكلك مش طبيعي خالص !!

إدالها ضهره رايح ع الأوضه نطقت لوجين : دى.كابتشينو !!!!

أول ما مروان سمع إسم الكافيه وقف مكانه بصدمه وحس إن قلبه مش مريحه

كملت لوجين : كافيه رائع أوووى كنا بنروحه ايام الجامعه انا وصحباتى وحبيبنا نسترجع ذكرياتنا إنهارده ونروحه ههههههههههههههه شفت بقى القدر ،، كان عاوزنى أكتشفت كدبه كبيره فـ حياتى قال وانا هبله بقولهم أنا جوزى مختلف عن كل الرجاله مابيخبيش عنى حاجه وبيغمرنى بحنان الأب ،، هه الحمدلله إننا مشينا و ماشافوش خبتى التقيله !!!

إلتفت مروان : لوجين إنتى تقصدى إيه ؟؟!

لوجين : بس تصدق عندك حق !! يعنى هى إحلوت عن زمان أووى وإنت كنت هتموت عليها فطبيعي ، تحنلها بس هو انا قصرت معاك فـ إيه ؟!!!!!

مروان : لوجين إيه الكلام إللى بتقوليه ده ؟!!

لوجين : كفايه تمثيل وماتعملش نفسك مش فاهم حاجه ،، بتكلم عن سلمي يا استاذ إيه كده رجعتلك الذاكره ولا لسه واقع على دماغك !!!!

مروان : لوجين إنتى فاهمه غلـ

لوجين : بس بقى كفااايه إيييه إنت ايه يا اخى ما بتتعبش ،، أنا كنت مجرد إسبرين بتنسى بيه حبيبتك ولما رجعت على طول جريت عليها ، ليك حق ما هى برده حبك الاول وبعدين جميله يعنى أنا هاجى ايه فـ جمال عيونها ولا شعرها لا لا جمالها صراحه يديك الحق لده كله !!

مروان بعصبيه : لوجين كفايه إتهامات بقى وإسمعيني

لوجين : لأ خلاص وقت إنى أسمعك ده فاااات أوانه دلوقتى لا أنا هسمعك ولا إنت هتسمعنى هروح البيت إللى كنت كريمه ومعززه فيه ... بيت اهلي ، ومش مستعده اسمع منك ولا كلمه ولا مستعده اقعد لحظه زياده مع واحد كداب زيك

مروان وهو مصدوم : لوجين إيه إللى بتقوليه ده إنتى إتجننتى ؟؟!!

لوجين : إتجننت يوم ما وثقت فيك وحبيتك
رمقته بنظرة حاده بصت للبوكيه وإدتهوله : حبيبتك أولى بيه يا بشمهندس

جرى مروان عليها ومنعها تنزل وهو بيحاول يفهّمها إللى حصل وهى بقت زى المجنونه صرخت فـ وشه وجريت على تحت ، وقّفت اول تاكسى قابلها ، رجع الشقه بسرعه يجيب مفاتيح العربيه عشان يلحقها ،،،

وصلت بيت أهلها ولقتهم بيقفلوا باب الشقه وخارجين

أمها : لوجين !!!

لوجين : إنتوا خارجين ولا إيه يا ماما ؟؟

أمها : أه يا حبيبتي رايحين مشوار أنا وأبوكي وهنشترى شوية حاجات ماتنسيش إن أختك لميس جايه بعد بعد 3 ايام إن شاء الله

لوجين : طيب هاتى مفتاح الشقه

أبوها : إنتى كويسه يا بابا ؟؟

لوجين وهى متماسكه : أيوه يا بابا الحمدلله كويسه :'))

أمها : طاب ماتيجي معانا وكمان تنقى على ذوقك طقمين حلوين لإبن لينا

لوجين : لا لا يا ماما تعبانه مش هقدر أروح ،،،، هاتى المفتاح بس هدخل ارتاح شويه لحد ما ترجعوا

أمها : إنتى كويسه يا ماما ؟؟؟

لوجين : يا ماما قلت كويسه ما تقلقوش بقى :"))

أخدت المفتاح ، فتحت الشقه وأول ما دخلت قعدت على أول كرسي فـ الصاله بصت للسقف بلا هدف حاسه إنها عايشه فـ كابوس ومش عارفه تعمل إيه !!!

مروان راح بعربيته على بيت أهل لوجين ، فضل يضرب الجرس ويخبّط ع الباب ومحدش بيرد .... لوجين سمعاه ، بصت من العين السحريه ولما عرفت إن هو وقفت ورا الباب ومارضيتش تفتح

كلّم حماته واكدتله إن لوجين فـ البيت ، وده إللى خلاه ما يأسش وفضل يخبّط عليها ،، لقى موبايله بيرن بنغمة لوجين ، رد عليها : أيوه يا لوجين أنا عارف إنك جوه لو سمحتي إفتحى وإسمعيني للآخر حزينة

لوجين : لو سمحت امشى من هنا انا مش هفتحلك لو خبّطت من هنا لبكره ، انا تعبانه ومن فضلك مش مستحمله اى كلام اتفضل امشى وسيبني فـ حالى بقى

وقبل ما يرد عليها قفلت السكه ،،، إستغفر مروان طلع لملك مالقاش حد وإفتكر إنها دلوقتى فـ شغلها ،، مشى ع البيت فـ إستسلام لحد ما تهدى ويقدروا يتكلموا سوا

دخلت لوجين أوضتها وهى مش شايفه قصادها من الضيق والعصبيه ،، ومازال الشيطان بيوسوسلها ، إتعصبت أكتر لدرجة الجنون ، بدأت تصرخ وتكسر أى حاجه قصادها

راح مروان ع الشقه وهو مش مستوعب كل إللى حصل !!! مش متخيل إن البيت يكون من غير لوجين !!! مش عارف يتصرف ولا عارف يعمل إيه مش قادر يفكر !

ولقى الحل الأمثل دخل إتوضى وصلّي ركعتين لله وهو بيدعي ربنا يبعد عنهم الشيطان حزينة
~~~~~~~~~~~~~~~~~~~~~~~~~~~~~~~~~~~~~~~~

خلّصت ملك شغلها ، أخدت حمزه وحفصه ورجعت ع البيت ، بدأت تجهز الغدا وحست إن مروان واحشها أووى رغم إنها لسه مكلماه إمبارح بس مش عارفه ليه حاسه دلوقتى إنها عاوزه تكلمه !!!!!!

إتصلت بيه أكتر من مره وهو مابيردش قالت يمكن فـ شغله ، جربت تتصل على لوجين لقت موبايلها مقفول !

إستغربت بس كملت طبخ وقالت هتكلمهم مره تانيه لما تخلّص إن شاء الله

مروان ماقعدش فـ البيت أخد مفتاح العربيه ونزل كعادته لما يكون متضايق يلف فـ الشوارع بلا هدف ، حاسس إنه مخنوووق أوووى مش عاوز يقلق أمه بس مش هيقدر يخبّي عن ملك أكتر من كده ،،عاوز يرتاح بصوتها إللى بيطمنه ، حط إيديه فـ جيبه يتناول الموبايل ومالقهوش،، إفتكر إنه نسيه فـ الشقه !!!

لوجين من كتر البكا راحت فـ النوم ، رجعوا أهلها ، دخلت مامتها أوضتها وإتصدمت لا مش معقول

لما شافت الأوضه مكركبه وحاجات متكسره فـ الأرض ولقت لوجين نايمه ، قربت منها وحاولت تصحيها بهدوء ، قامت لوجين بتقاوم النوم ومش قادره تفتح عنيها

أمها : فيه إيه يا لوجين ؟؟!!

لوجين : ــــــــــــــــــــ

أمها : أنا بكلمك يا لوجين ردى عليا مالك ؟؟!! إنتى متخانقه مع جوزك ؟؟!!!

لوجين : أيوه يا ماما ، هتستحملونى عندكم من غير أسئله ولا أشوفلى مكان تانى !!!

أمها : لا حول ولا قوة إلا بالله العلى العظيم ،، طاب خلاص إهدى يا حبيبتي

ضمّتها أمها ، حاولت تهديها ، بصالها مامتها وهى متضايقه أوووى وخايفه ، سابتها ترتاح شويه وخرجت وهى بتدعي ربنا يسترها حزينة

خرجت مش عارفه تقول لزوجها إيه ؟! وقالوا يستنوا لما تهدى يمكن تحكيلهم حصل إيه !!

رجع مروان البيت بالليل وعلى طول نااااام

صحي الصبح مبتسم بص ملقاش لوجين جنبه... إفتكر و إختفت الإبتسامه إللى على وشه حزينة ، زفر ، إستغفر الله وقام لبس وراح على شغله

بص فـ موبايله ولقى ملك متصله بيه إمبارح كتيير ، إتصل بيها وماردتش ...(( شكلك فـ الشغل يا لوكي )) مروان

جرب يتصل على لوجين وما بتردش وفـ الآخر قفلت موبايلها

أهل لوجين عرفوا إنها متخانقه مع مروان بس ماعرّفتش حد سبب خناقتهم ، حاول باباها كتير معاها بس مارضيتش تقول أى حاجه وطلبت محدش يتدخل تماماً وشددت على باباها مايتصلش بيه من وراها هى عاوزه ترتاح عندهم يومين حزينة

خرج مروان من شغله وعلى طول راح عند أهل لوجين ،، كانت موجوده هى ومامتها فـ البيت ،، فتحتله مامتها وسألت بهمس عن إللى حصل بينهم ، وهو قالها مجرد سوء تفاهم ولما لوجين تسمع منه إن شاء الله كل الأمور هتتحل

دخلها أوضتها وكانت متسطحه ع السرير ،، أول ما شافته قامت بعصبيه

لوجين : إنت إيه إللى جابك هنا >.< ؟؟!! مش قولتلك تسيبني فـ حالي >.<

مروان : ممكن تهدى وتسمعيني بقى ؟!!!

غمضت لوجين : لأ أنا مش عاوزه أسمع منك أى حاجه مش عاوزه غير إنك تمشى دلوقتى وتسيبني :'(

قرب مروان ومن غير كلام ضمّها لحضنه ♥ ، وكإن حضنه صحّي الدموع من مخدعها ، فضلت تبكي بحرقه :'( فتحت عيونها ودفعته بعصبيه وهى بتمسح دموعها : لأ خلاص مابقتش بصدق الحاجات دى كلها !!!

مروان : لوجين والله العظيم إنتى ظلمانى ودى غلطتى فعلاً إنى ماحكتلكيش من الأول بس لإنى عارفك بتغيرى بطريقه مجنونه مارضتش أقولك لإن الموضوع خلاص يعتبر خلص !!!

لوجين : مش عاوزه أعرف أى حاجه ،، كل إللى اعرفه دلوقتى انى مش عاوزه اعيش معاك تانى، وإتفضل لو سمحت سيبني فـ حالى وامشى :'(

مروان : لوجين أرجوكي فرصه واحده بس تسمعيني فيها وانا واثق إنك هتندمى على كل التصرفات دى لما تسمعيني :'(

لوجين : ندمى الوحيد دلوقتى إنى حبيتك :'(

مروان بصدمه : ندم !!!! يــــــــاه للدرجه دى يا لوجين مستفاجأة ؟!!!!!

لوجين : مش قدارة امسك دموعي

مروان : ماشى ، هسيبك على راحتك

خرج وحماته بتحاول تفهم منه أى حاجه ، إبتسملها ربت على كتفها وقال إنها محتاجه ترتاح شويه وإعتذر بحجة الشغل ومشى ~~

مرّوا يومين من أسوأ الأيام على مروان ولوجين ، لوجين ما بطلتش عياط ومروان مش مستحمل البيت فـ غيابها ، مخنووق اوووى إنه جرحها وسببلها الألم والعذاب ده كله وفـ نفس الوقت مصدوم من ردة فعلها وأسلوبها معاه حزينة

وملك القلق تاعبها كل ما تروح بيته ما تلاقيهوش لا هو ولا لوجين الإتنين قافلين الموبايلات !!!

ومحمد بيطمنها ويفسر بإنهم مثلاً سافروا يغيروا جو ومش عاوزين حد يزعجهم أو عادى هى بتتصل فـ أوقات قافلين الموبايل ،، بيحاول يطمنها بس مستغرب !!!

فتح مروان موبايله و كلّم ملك وهى منتظره إتصاله على أحر من الجمر ردت على طول

ملك: أيوه يا مونى ؟؟!! طمني عليك يا حبيبي فيك إيه وقافل موبايلك كل ده ليه ♥ ؟

مروان : طول عمرك بتحسى بيا :'))

ملك: إنت كويس يا قلبي ؟؟!!

مروان : مخنووووق أوووى يا ملك حزينة

ملك : ليييييييييييه يا مروان حصل إيه مستفاجأة ؟؟!!

مروان : مش هينفع فـ التليفون إنتى هتخلصي شغل إمته إن شاء الله ؟

ملك : هخلص بدرى إنهارده بإذن الله، ووقت ما إنت تخلّص هتلاقيني

مروان : تمام يا حبيبتي وانا هستأذن بدرى وهعدى عليكي ماشى ؟

ملك : ماشي يا حبيبي ، خد بالك من نفسك ♥

مروان : حاضر ♥ :"))

قفلت ملك معاه وهى قلقانه من صوته ومنتظره تخلّص عشان يجي وتعرف ماله !

خلّصت ملك شغلها ولقت مروان منتظرها بره ، إتضايقت لما شافت شكله بس ما إتكلموش فـ حاجه طول الطريق ، سبقته ملك ع الشقه وهو طلع وراها ووقف عند بيت لوجين شويه غمض عنيه بألم وطلع على فوق حزينة

قعد مروان فـ الصاله بيلاعب حبايب قلبه حمزه وحفصه وملك دخلت غيّرت وطلعتله

ملك : ها يا قلبي طمني بقى إنت قافل موبايلك ولوجين قافلاه وروحتلك البيت لا إنت ولا هى هناك وماما بتقول ما روحتش عندها ليييه تقلقنى كل ده يا مروان اخص عليك ؟؟!!

مروان : معلش يا حبيبتي غصب عني والله حزينة ، وعلى فكره لوجين هنا عند أهلها بقالها يومين :/

بصتله ملك بصدمه مستفاجأة !! هى لوجين كويسه ؟؟! ولا حصلت حاجه بينك وبينها يا مروان ؟!!!!!!

هز مروان راسه بأيوه حزينة

ملك : حصل إيه ؟!!!

مروان : حاضر هحكيلك كل حاجه

حكالها مروان كل حاجه من يوم ما شافوا سلمي فـ النادى لحد ما لوجين سابت البيت حزينة

وملك بتسمعه بصدمه مستفاجأة : يا نهارك أبيض يا مروان كل ده يحصل وانا لسه دلوقتى عارفه !!!!ليييه يا مروان ؟؟!!

مروان : إللى حصل بقى يا ملك


ملك : بس أولاً يعني إنت غلطان إنك ما قولتلهاش من الأول وسيبت سلمي تظهر فـ حياتك بأى شكل من الأشكال عارفه إنك كنت بتساعدها وبس لكن برضه يا مروان مفيش واحده هتقبل إن زوجها يساعد واحده كان فيه علاقة حب بينهم زمان !!!!! بس هى عرفت منين إن دى سلمي !!!

مروان : معرفش والله !!! أنا إتفاجئت بكل حاجه وإتصدمت من ردة فعلها أنا عارف إن لوجين بتغير عليا بجنون بس مش بالشكل ده يا ملك !! دى حتى ما إدتنيش فرصه ادافع عن نفسى نزلت عليا بإتهامات ورا بعض وقفلت ودانها مش عاوزه تسمع ولا تفهم أى حاجه !!!

ملك : معلش يا حبيبي هى بس عشان بتحبك اووووى بتغير عليك بالشكل ده

مروان: لا يا ملك إللى بيحب حد بيثق فيه أو على الأقل بيسمعه ويديله فرصه يبرر تصرفاته لكن مش بالشكل ده ، انا روحتلها البيت وماردتش تسمعنى وطردتنى !!! وانا مافكرتش اروحلها تانى ولا ناوى اروح خلاص خلى عنادها ينفعها بقى >.<

ملك :لا الله يخليك عناد على عناد هيشعللها أكتر ، إنت بس إستهدى بالله وسيبنى انا هتكلم معاها وإن شاء الله الموضوع هيتحل

زفر مروان : يلا ماعدتش تفرق :/

قبّلت ملك راسه : سلااامتك من أى هم يا قلب أختك ♥ :'(((

مروان : تسلميلي يا ملك قلبي ♥ وسامحيني عشان قلقتك غصب عنى والله

ملك: ولايهمك يا روحي يلا قوم خدلك دوش وروّق كده لحد ما محمد يجي عشان نتغدى سوا

مروان : لا يا حبيبتي إتغدوا إنتوا بالهنا والشفا مليش نفس والله :/

ملك : لأ كده بقى أزعل >.< انا مش باخد رأيك ده أمر يلا إتفضل ع الحمام حاالاً >.<

قام مروان بإستسلام ودخل ع الحمام ، وملك راحت ع المطبخ وهى مهمومه لـ هم أخوها ........

رجع محمد وكان مبسوط لما شاف مروان بس شكله مش طبيعي وقلق محمد غمزتله ملك فما سألش عن حاجه ~

إتغدى مروان ودخل نام ومحمد كمان ، إستأذنت ملك من محمد عشان تنزل لـ لوجين وخدت حمزه وحفصه معاها ،، فتحتلها دكتوره فاطمه ، سلّمت ملك وحاولت دكتوره فاطمه تفهم منها أى حاجه وملك بيّنت إنها ماتعرفش حاجه وسألت عن لوجين ؟

دخلتلها أوضتها وهى بتقول : الله الله الناس إللى بقالها يومين هنا ومافكرتش تسأل عنّي >.<

بصتلها لوجين وإنسابت دموعها