الحلقة 23 - الجزء الثالث

وقفنا الحلقه إللى فاتت عند أما

دخلت أم وليد ولقته نايم والمصحف فـ إيديه وأثار دموع على وشه ، مسحت دموعه ،قبّلت راسه أخدت المصحف وغطته ودخلت نامت

راحت فـ نوم عمييق وحلمت بنفسها قاعده ووليد ساند راسه فـ حجرها وهى مبتسمه بتمسح على شعره وتغنيله فجأه شافت أبوها الله يرحمه !!
بقاله كتيير أووى ما زرهاش فـ المنام ، قرب منها و مسك وليد من إيديه وأخده معاه وهى بتنده عليهم بصولها هم الإتنين وإبتسموا ،، فضلت تجرى وراهم ومالقتهمش صحيت من نومها مفزوعه وقلبها مقبوض ....... سمعت #الصلاة_خير_من_النوم منتشره فـ كل مكان ،إستعاذت بالله من الشيطان الرجيم وقامت تصلي الفجر وهى بتدعى ربنا يخفف عن إبنها ويحفظه من كل سوء ...... !

قامت إتوضت،صلّت وراحت تطمن على وليد وتصحيه يصلّى الفجر وأول ما دخلت أوضته شمت ريحة مسك فيها وحست بفرحه وهى داخلاها ، لقته بيصلى ، بصتله وهو ساجد وإبتسمت ، رفعت كفيها للسما وفضلت تدعيله

دخلت المطبخ تجهزله حاجه ياكلها لحد ما يصلى عشان ياخد دواه ، ورجعت لقته لسه ساجد زى ما هو حطت الأكل وفضلت مستنيه جنبه تأملته وإفتكرت ليلة إمبارح لما لقته داخل عليها أوضتها وبيقبلها ويضمها لحضنه أوووى ، فضل يضحك معاها وقام جاب الأكل وأكلها بإيديه وطلب منها طلب غريب !

إنها تغنيله الأغنية إللى كانت بتغنيهاله وهو صغير ، نام فـ حجرها وغنتهاله وعنيه مدمعه , وبيبتسملها زى الطفل الصغير :'))
إفتكرت بسمته وحضنه ليها وراحت فـ النوم ، قامت رقبتها وجعاها من النومه ع الأرض لقت الشمس شرقت ووليد لسه زى ما هو ،

بدأت تحس بقلق قربت منه وندهت : وليد يا وليد ؟؟!!

هزته بإيديها هزه خفيفه ولقته وقع ع الأرض ، بصتله بصدمهمستفاجأة وبدأت إيديها ترتعش قربت منه وندهت بهدوء : وو وليييد ؟؟!! حبيبي إنتى سامعنى ؟!!

مسكت إيديه ولقتها متلجه و مرخيه ،،، بدأ جسمها كله يرتجف وتتنفس بسرعه : وليييييد ولييييد رد انا ماما رد عليا يا حبيبي انا جنبك يا ماما

مسكت إيديه قبّلتها وفضلت تقبّل فـ راسه ووشه وهى بتبكي ، ضمته لحضنها وفضلت تغنيله الأغنية إللى كانت بتغنيهاله وهو طفل وكإنها بتنوم وليد الطفل إللى كان دايماً ينام فـ حضنها وهى بتغنيلهمش قدارة امسك دموعي !

صحى زوجها من النوم وسمع صوت غناها قام ولقاها قاعده فـ الأرض ووليد ممدود فـ حضنها عيونه مفتوحه ومبتسم

بيكلمها وهى فـ عالم تانى ولسه بتغنى والدموع نازله من عنيها زى السيل ، ولا هى بترد ولا وليد بيرد ، قرب أبوه منه ولقى جسمه متلج وبسرعه تحسس نبضاته وملقاش نبض ، قعد فـ الأرض وبص لإبنه بصدمه ، ولما إستوعب الأمر بدأ يبكي بحرقه مش قدارة امسك دموعي

سكتت مراته وبصتله : إنت بتعيط ؟!! بتعيط ليه يا ابو وليد ??!!!

قرب منها قبّل راسها وغمض عيون إبنه ،

وهى ضحكت : شفت إبنى بيبتسملي إزاى :'))

هزت وليد : قوم يا روحى انا حضرتلك الفطار عشان نفطر سوا زى كل يوم وتاخد الدوا ، يلا يا ماما بقى ماتوجعش قلبي قوم يا وليد قوووم يا حبيبي يلاا انا جعاانه اوووى

حاسه إنى ماكلتش بقالى سنين قوم يلا وافتح نفسى للاكل واحلف عليا وأكلنى بإيديك ساعتها بس نفسى هتتفزعلانة و باعيطتح وآكل كل الاكل بس إنت قوم يا نور عيني

عليت شهقات زوجها وضمها لحضنه ، بصتله زى إللى غايبه عن الوعى : إنت لسه بتعيط ؟؟!!هو حد يشوف إبتسامة إبنه الحلوه دى ويعيط :')) !!!

طاب طاب ده أنا ماكنتش بفرح فـ يومى ولا أحس بيه غير لما أشوفها ،،، من صغره وبسمته بتفرح قلبي ولاّ صوته ،،،أنا ما بقدرش أستغنى عنه يا أبو وليد إبنى هو نَفسى
وأهه رجعلى من الغربه ما تزعلش خلاص أنا هبطل بكا طول الليل من قلقي عليه فـ غربته خلاص إبنى اهه فـ حضنى شايفه ؟؟حزينة

بدأت تضحك بهستريا وفجأه سكتت وبصت بخوف لوليد بعدين بصت لزوجها
وسألت : هو ما بيردش عليا ليه ؟؟!! أنا بندهله من الفجر ،،،
هزت وليد : حبيبي قوم بقى يا وليد أنا تعبت وانا كل ليله بستناك يا حبيبي قووووم الله يرضي عليييييك ، هو انا حاسه ان قلبي واجعنى كده ليه يا وليد ؟؟!! هو انا ليه خفت لما شفت ابويا واخدك فـ المنام ؟! لأ لأ إنت جنبى اهه وفـ حضنى محدش هياخدك مني ، ماتخفش من اى حاجه يا حبيبي إنت فـ حضن أمك أكتر واحده بتحبك فـ الدنيا دى زعلانة و باعيط
وبدأت تصرخ : قووووووووووووووووم ولييييييييييييييييييد وليييييييييييييييد آآآآآآآآآآآآآآآآآآآآآآآه مخنوقة

زوجها وهو بيهديها : بس يا أم وليد كفايه ماتعذبيش روحه وإدعيله ربنا يرحمه ويغفرله

بصراخ : لأ ما تقولش كده إبنى ما ماتش ، إبنى عايش وزى الفل كان لسه صاحى دلوقتى وبيبتسملى هو بس زى عادته لما حطيته فـ حضنى نام سيبه بس ما تعملش صوت هو تلاقيه نايم دلوقتى وهيقوم انا عارفه اطلع بره بقى وسيبني أغنيله الأغنيه إللى بيحبها يلاااا

مسك زوجها وليد من حضنها شاله نيّمه على سريره وغطاه بملايه ، وهى قامت وراه زى المجنونه : أنا مش قولتلك سيبه نايم فـ حضنى إنت عاوز منه إييييه سيبه هو هيصحى ايوه هيصحى ولييييييييييييييييييييييييييد ولييييييييييييييييييييييييييد يـــــــــــــــــــــــــــــــــــــــــــــــــ ــــا رب
زعلانة و باعيط
فضلت تصرخ لحد ما فقدت وعيها

ولاء جت مفزوعه بعد ما أبوها إتصل بيها ،،، من صدمتها دموعها ماكنتش عاوزه تنزل بس أول ما شافت منظر أمها جريت على حضنها وإنهارت

غسّلوا وليد وبدأوا إجراءات الدفن وأبوه واقف وسط الرجاله فـ زهول تام
المهندس مجدى عرف هو وأخوه ،، إتصدموا من الخبر وراحوا يقفوا مع إبن عمهم ويساندوه

صحيت ملك الصبح بنشاط ، صحّت حبيب قلبها عشان شغله ، فطروا سوا ، ودّعته ودخلت تصحّى حمزه وحفصه عشان تبدأ معارك اليوم

حطتهم زى كل يوم يلعبوا جنبها حطت الأكل ع النار وإتصلت بمامتها تطمن عليها
ولقت صوت مامتها مخنوق واضح إنها كانت بتبكي !!!

ملك: مالك يا ماما صوتك مش عاجنى فـيه إيه يا حبيبتي ؟؟؟

أم ملك : مفيش يا حبيبتي ولا حاجه يا ماما

ملك: يا سلام على أساس ما بعرفكيش من صوتك ، فيه إيه يا مامتى بقى ما تقلقنيش الله يخليكي عرفانى مجنونه وهتلاقيني ناطه عندكم دلوقتى ؟؟!!

أمها : أ أصل وليد إتوفى

ملك : !!! إمته الكلام ده يا مامامستغربة ؟؟!!

أمها : إنهارده الصبح :'(

ملك: إنا لله وإنا إليه راجعون :'(

أمها : أبوكى وعمك راحوا يحضروا الدفنه ،،،أنا رايحه العزا دلوقتى زمان امه محتاجانى جنبها الله يكون فـ عونها :'( ، هتيجي معايا ولا أروح لوحدى ؟

ملك: لأ مش هقدر يا ماما محمد مش موجود لما يرجع إن شاء الله هنروح انا وهو مش قدارة امسك دموعي

أمها : طاب هقفل انا يا حبيبتي عشان اخوكى مروان جه تحت عشان يوديني سلام يا ماما

ملك: سلام :'(

قفلت مع أمها وبتحاول تستوعب الأمر :O !!!

فضلت تبكي وهى بتردد : إنا لله وإنا إليه راجعون ،،، إنا لله وإنا إليه راجعون :'( :'(

مسكت المصحف وفضلت تقرأ قرآن ودموعها نازله بلا توقف :'(

وسط ما هى منهاره لقت حمزه وحفصه سابوا اللعب وقاعدين مكشّرين عند رجلها هم مش فاهمين حاجه بس ملامحهم كشّرت لمجرد إنهم شايفين أمهم زعلانه ، مسحت ملك دموعها وإبتسمتلهم ، ضمتهم لحضنها أوووووى ولقت الوقت جرى ومحمد على وصول ، قامت كملت باقى الغدا وكل ماتمسح دموعها تنزل تانى :'( ، سمعت صوت محمد بيفتح الباب غسلت وشها وخرجت مبتسمه :'))

أول ما محمد شافها عقد حاجبيه وسأل : فيه إيه يا ملك ؟؟!!

ملك : مفيش يا روح قلبي يلا عشان الغدا جاهز غير هدوومك بسررعه :'))

سابته وهربت من عيونه ع المطبخ مسك إيديها وكرر السؤال : مالك يا ملك ؟؟!!

بلّغته ملك بالخبر وإتصدم !

محمد: إنا لله وإنا إليه راجعون حزينة
طيب إجهزى يا حبيبتي عشان نودى الولاد عند أمى ونروح نعزى

ملك: طيب مش هتتغدى :'( ?!

محمد: لا يا حبيبتي كده كده أكلت سندوتشات مع صحابى فـ المكتب مليش نفس يلا بس سيبي إللى فـ إيديك وإدخلى إجهزى !

ملك: حاضر :'(

جهزت ملك ودوا حمزه وحفصه عند حماتها وراحوا ع العزا ، راح محمد عند الرجاله وطلعت ملك فوق ، نساء كتير قاعدين ومشغلين قرآن وملك بتدور بعنيها على ولاء أو مامتها !

لقت ولاء قاعده بتبكي :'( ، وجنبها أم ملك وخالتها أم ياسمين ، عزت ولاء وضمتها لحضنها وهى بتحاول تواسيها :'( ، سألت عن أم وليد وقالولها فـ أوضة وليد مش عاوزه تشوف حد ،طنشت ملك كلامهم ودخلت تطمن عليها وتعزيها ، لقتها شارده وكإنها فـ عالم تانى قاعده فـ الأرض فـ نفس المكان إللى وليد مات فيه وماسكه هدومه إللى كان لابسها قربت منها ملك ومن غير كلام ضمتها لحضنها وإتفتحت أمه فـ العياط :'(

_وليد مات يا ملك ، وليد راح وسابنيمش قدارة امسك دموعي

ملك : إستهدى بالله إصبرى يا خالتو وإدعيله ،

((وَبَشِّرِ الصَّابِرِينَ * الَّذِينَ إِذَا أَصَابَتْهُم مُّصِيبَةٌ قَالُواْ إِنَّا لِلّهِ وَإِنَّا إِلَيْهِ رَاجِعونَ * أُولَئِكَ عَلَيْهِمْ صَلَوَاتٌ مِّن رَّبِّهِمْ وَرَحْمَةٌ وَأُولَئِكَ هُمُ الْمُهْتَدُونَ))

_ إنّا لله وإنّا إليه راجعوووون .......إنّا لله وإنّا إليه راجعوووون مش قدارة امسك دموعي بس تعرفى يا ملك أنا فرحانه عشانه اوووى إبني كان بيصلى مات وهو ساجد والله شميت ريحة المسك فـ أوضته وكان بيبتسملى إرزقه الجنه يــــا رب ، يـــــا رب ما توجع قلب أم على إبنها ، ضناها ، وليد حته من قلبي يـــا رب إغفرله وإرزقه جنتك يا كريممش قدارة امسك دموعي

ملك: أيوه يا خالتو إدعيله ، هو محتاج لدعائك إنتى بالذات ♥ :'(

_ يـــــــــــــــــــــــــــــــــــــــا ربمش قدارة امسك دموعي

قومتها قعدوا ع السرير ، نامت فـ حضن ملك و فضلت تقرالها قرآن لحد ما هديت ونامت والدموع على خدها :'( ، بصتلها ملك وهى بتبكي ودعت ربنا يصبرها ويغفر لوليد :'( ......

ملك عرّفت ياسمين وضحى وسهيله وكلهم إتصدموا ودعوله ربنا يغفرله :'(

ملك كانت بتروح كل شويه تطمن على أم وليد ، لإنها ماكنتش بترضى تاكل غير من إيد ملك ولا بترد على حد غير ملك ، ودايماً تقولها أحباب إبنى هم أحبابى :'))

تأملت ملك عظمة ربنا وقدرته ،،تفكّرت فـ كل إللى حصل لوليد ،،،، وليد كان عايش حياته معصيه وسُكر وضحك على بنات الناس ما كنش همه أى حد ولا أى حاجه فـ الدنيا ولا كان متخيل إن ربنا بيمهله كل ده ،، تجلت عظمة ربنا فـ حياة وليد وربنا إداله فرصه فـ دنيته مش قدارة امسك دموعي، ندم وتاب وإتقرب من ربه والولد العاصى إللى كل إللى يعرفه حكم عليه إن نهايته بشعه أهه مات وهو ساجد بين إيدين ربه :'( ،، فضلت ملك تبكي بحرقه وتدعي ربنا يغفرله وللمسلمين جميعاً ويثبتها و يرزقها حسن الخاتمه :'( ♥ ~

~~~~~~~~~~~~~~~~~~~~~~~~~~~~~~~~~~~~~~~~

عمر جهّز المفاجأه يا سلام! ، ربط عيون لميس وأخدها من إيديها وهى ماشيه معاه ومش فاهمه واخدها على فين : إنت خاطفنى يا عمر ولا إيه !!!

عمر : خلاص يا ستى أهه وصلنا ^_^

فتحلها عيونها وإنبهرت ^_^ ، عمر بنى مركز وجهزه بكل المعدات الحديثه هدية لـ لميس

بصت ع الإسم ولقت مركز التوليب ،،، دكتوره لميس محمود

بصتله وهى بتضحك ^_^ : إيه ده يا عمر ^_^ ♥ ؟؟

عمر : دى المفاجأه إللى قولتلك عليها ^_^ ، مش معقوله تكون مراتى دكتوره متميزه ما شاء الله عليها وتشتغل عند حد كده !!! لأ لازم يكونلها شغلها هى الخاص عشان تُبدع براحتها ^_^

لميس : يا حبيبيييي ربنا ما يحرمنى منك أبدااا يا روح قلبي ♥ ^_^ ، لا وإيه كمان إسمه التوليب

عمر : ما أنا دورت على إسم مناسب ومالقتش أنسب من الإسم ده أصل التوليب له معزّه خاصه فـ قلبيوأظن حبيبتي بتعشقه كمان

لميس : ممممممم حبيبتك بتعشقه اه بس بتعشقك أكتر ^_^ ♥

إبتسم عمر وقبّل راسها ، مسكها من إيديه : يلا بقى الناس مستنيين عشان الإفتتاح ومنتظرين دكتوره لميس تقص الشريط

لميس : يلا يا روحى ^_^

قصت لميس الشريط والكل بيضحك وفرحان وهى سرحت فـ عمر وهى شيفاه بيضحك من قلبه ^_^ ، صبرت كتير أووى وربنا رزقها بإللى تستحقه إنسان بيشجعها تنجح وفرحان أووى لتميزها ، إبتسمت ودعت ربنا يرزقها بطفل من حبيب قلبها عمر ^_^ ♥

~~~~~~~~~~~~~~~~~~~~~~~~~~~~~~~~~~~~~~~~


إنهارده أول يوم فـ شغل ملك ، من بالليل جهزت الأكل ، ونامت بدرى ... صحيت من الفجر كالعاده ودّعت محمد ، وقومت حمزه وحفصه لبستهم بسرعه ، جهزت ، خدتهم وراحت ع المركز وكلها نشاط وتفاؤل وطول طريقها شاغله نفسها بالإستغفار وذكر الله ♥

وصلت الحمدلله وقبل ما تدخل المكان بدأت تدعي :

اللهم إني أحمدك على نعمك الواسعة التي أنعمت عليّ ... اللهم اعنّي على أن استعمل نعمتك فيما يرضيك وهب لي القوة والأمانة عند أداء عملي ... اللهم بارك لي في كل طاقة ابذلها ، واكتب لي رضاك في كل ما أنجزه وأحققه .... يـــا رب أنت تعلم أن هذا العمل لوجهك الكريم فأعنى وثبتنى وتقبل منى يا كريم يا الله ~

إلهي .. إذا احترت فسددني ، وإذا تعبت فقوني ، وإذا أظلمت عليّ الأمور فأضئ لي من نورك الذي أشرقت به الظلمات وأضأت به أركان عرشك ...

اللهم أشهدك أن كل ما بي من نعمة .. وما كان بي من نعمه .. وما سيكون بي من نعمه .. أو بأحد خلقك... فمنك وحدك لا شريك لك ، فلك الحمد ولك الشكر ....

وصلِّ اللهم على سيدي وحبيبي وشفيعي محمد وعلى آله وصحبه وسلم ♥

سمّت الله ودخلت المكان ، إستقبلوها أحسن إستقبال وفهموها نظام المكان ، وبدأت ملك الشغل الجد من أول يوم
أول ما دخلت القاعه ، ألقت تحية الإسلام ولقت البنات الموجودات فـ بداية سن المراهقه ، فرحت من جواها لإن البنات فـ السن ده بالفعل محتاجين لتوعية ومتابعه وهى قررت تستغل النقطه دى وتخليهم يتغلبوا على سلبيات سن المراهقه بقربهم من ربنا

عرّفتهم بنفسها وإتعرفت عليهم ،،، وفضّلت أول يوم تكلمهم بس عن سن المراهقه وتقلباته وقدرت ملك بذكائها تتقرب من أغلبهم من أول يوم

مر اليوم الحمدلله أكثر من رائع ورجعت ملك ع البيت على طول من قبل ما تغير أو حتى تغير لحمزه وحفصه حطت الاكل ع النار ، وجهزت كل حاجه وبدأت تستعد لإستقبال محمد

عارفه إن هيبقى عليها ضغط ومسؤليات زياده بس كل ما تفتكر إن كل إللى بتعمله ده طاعه لله بتحس بفرحه ونشاط وهى بتعمل كل حاجه ♥ ~

رجع محمد وكالعاده لقى أحسن وأحن إستقبال ^_^ ، إتغدى وحبيبته بتحكيله عن يومها الأول فـ شغلها وعن الحماس إللى حاسه بيه ^_^

محمد : إلا صحيح يا حبيبتي هو الشغل هيبقى كل يوم بقى ولا إيه ؟؟

ملك: بص يا روحى هو فـ الأجازه زى ما إحنا حالياً هيبقى كل يوم حتى يوم الجمعه كمان
بس فـ الدراسه بيبقى يومين فـ الأسبوع بالإضافه ليوم الجمعه ده أساسى يعنى

محمد: أهااا ما أنا بقول برده اصل المركز فيه بنات سن مدارس يعنى فقلت إزاى هيستمر الموضوع ده فـ الدراسه ربنا يتقبل منكم يا حبيبتي

ملك: يــــا رب ♥ ^_^

قالتله عن أول درس هتشرحه المره الجايه إن شاء الله تناقش معاها فيه وبدأ يقولها شوية أفكار تسهل بيها الشرح (Y)

دخل يرتاح شويه ،، خد فـ حضنه حمزه وحفصه وساب ملك قاعده فـ ركن العباده بتاعهم بتحضر لدرس بكره وتبتكر طرق شرحه بسهوله ^_^ ♥ ~

~~~~~~~~~~~~~~~~~~~~~~~~~~~~~~~~~~~~~

لوجين إستأذنت من مروان بما إنه هيتأخر فـ الشغل هتروح تستناه مع مامته ، راحت عند حماتها جهزوا الغدا سوا ، ودخلت أوضة مروان
إستغربت لما لقت كيس إسود جنب الباب ، سألت حماتها عن الكيس ده وردت :

ده انا إمبارح كنت فاضيه قمت رتبت شويه كراكيب لمروان من أيام ما كان فـ المدرسه ولقيت الحاجات دى قلت اما احطهاله فـ الكيس جنب باب أوضته ولما يجي يشوفهم ياخد إللى عازه ويرمي اللى ملهوش لازمه بقى احلى ابتسامة

أول ما لوجين سمعت أيام المدرسه فرحت أوووى أخدت الكيس وقعدت بيه ع السرير فـ أوضته بدأت تتفرج على صور حبيبها وحاجاته ،، قلّبت فـ الصور وفضلت تضحك على منظره هو وأصحابه وشكله وهو صغير وذكرياته ^_^ ،لحد ما وقفت ضحكها قصاد صوره متقطعه فـ آخر الكيس ، فتشت عن كل أجزائها من الكيس وبدأت تجمّعها، بعد معاناه شديده أخييراً لوجين قدرت ترتب أجزاء الصوره وأول ما شافتها كشّرت و رفعت حاجبها